28 Oct 2024, 00:45
ސިނަމާލެ ބްރިޖާ ސަރަހައްދުން ވާދޫ ކަނޑު ތެރެއިން މިރޭ ދަތުރުކުރަމުން ދިޔަ ޑިންގީ ދިޔަވެ، އޭގައި ދަތުރުކުރަމުން ދިޔަ ދެމީހުން ފުލުހުން ސަލާމަތްކޮށްފިއެވެ.
މެރިން ޕޮލިސް އިން ބުނި ގޮތުގައި އެ ހާދިސާ ހިނގާފައި ވަނީ މިރޭ 23:19 ހާއިރުއެވެ.
އެ ޑިންގީއަކީ ސިނަމާލެ ބްރިޖު ސަރަޙައްދުން، ވާދޫ ކަނޑުގައި ދަތުރުކުރަމުންދިޔަ ޑިންގީއެކެވެ. އެ ޑިންގީ ދިޔަވެ، އަޑިއަށް ދާތީ، މެރިން ޕޮލިސްއިން ހަރަކާތްތެރިވި ކަމަށް ފުލުހުން ބުނެފައިވެއެވެ.
ފުލުހުން ބުނީ އެ ޑިންގީން ދަތުރުކުރި ދެ މީހުންގެ ހާލު ވެސް ރަނގަޅު ކަމަށެވެ.
މިދިޔަ ހުކުރު ދުވަހުގެ ހެނދުނު ތިން މީހުންނާ އެކު ބަންޑުންޖަހައިލި ޑިންގީއެއް ވެސް ތިން ގަޑިއިރެއްހާއިރު އަދި އޭގައި ތިބި ތިން މީހުން ސަލާމަތްކޮށްފައިވާ ކަމަށް މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް)އިން ބުންޏެވެ.