27 Oct 2024, 16:44
ހުޅުމާލޭ ދެވަނަ ފިޔަވަހީގައި މީހުން ނޫޅޭ އެކޮމޮޑޭޝަން ބްލޮކެއްގައި އަލިފާން ރޯވެއްޖެއެވެ.
މިކަމާ ގުޅިގެން އެމްއެންޑީއެފުން ބުނީ، އަލިފާން ނިއްވުމަށް ހުޅުމާލޭ ފަޔާ ސްޓޭޝަންގެ ފަޔާ ފައިޓަރުން ހަރަކާތްތެރިވާން ފަށައިފައިވާކަމަށެވެ.
ހުޅުމާލޭގެ މީހުން ނޫޅޭ އެކޮމޮޑޭޝަން ބްލޮކެއްގައި އަލިފާން ރޯފައި -- ފޮޓޯ/ އެމްއެންޑީއެފް
މި ހާދިސާގެ ރިޕޯޓު ލިބިފައިވަނީ މިއަދު 16:01 ހާއިރުކަމަށް އެމްއެންޑީއެފުން ބުންޏެވެ.
މި ހާދިސާގައި އެއްވެސް މީހަކަށް އަނިޔާއެއް ލިބުނުކަން އެމްއެންޑީއެފުން ހާމަކޮށްފައެއް ނުވެއެވެ. އަދި އަލިފާންގަންޑު ކޮންޓްރޯލް ކުރެވިފައި ވާކަން ވެސް އަދި ހާމަކޮށްފައެއް ނުވެއެވެ.