25 Oct 2024, 22:59
ގއ. ވިލިނގިލީގެ ދެކުނު ފަރާތުގައި ގެސްޓްހައުސްތަކާއި ހޮޓާތައް ތަރައްގީކުރަން 11 ބިމެއް ކުއްޔަށް ދޫކުރަން، ބިޑް ހުށަހެޅުމަށް އެ ރަށު ކައުންސިލުން ހުޅުވާލައިފިއެވެ.
އެ ކައުންސިލުން ކޮށްފައިވާ އިއުލާނެއްގައި ވަނީ، އެރަށުގައި ފަތުރުވެރުކަން ތަރައްގީ ކުރުމަށް ކަނޑައަޅާފައިވާ ސަރަހައްދުތަކުން 11 ބިމެެއް ޓޫރިސްޓު ހޮޓާތަކާއި ގެސްޓްހައުސް އަދި ފަތުރުވެެރިކަމާ ގުޅުން ހުރި ކަންކަން ތަރައްގީކުރުމަށް ބީލަމަށް ހުޅުވައިލަން އެ ކައުންސިލުން ނިންމާފައިވާ ކަމަށެވެ.
އެ ފުރުސަތު މިހާރު ހުޅުވާލާފައިވާއިރު، ބިން ކުއްޔަށް ހިފަން ބޭނުންވާ ފަރާތްތަކުން އަންނަ މަހުގެ ފަސް ވަނަ ދުވަހުގެ މެންދުރު 13:00ގެ ކުރިންބިޑް ރަޖިސްޓްރީ ފޯމުހުށަހަޅަން ޖެހެއެވެ. އެ ފޯމު ރަޖިސްޓްރީވުމަށް ފަހު،ބީލަމަށް ފޯމުހުށަހެޅޭނެއެވެ.
ބީލަމާ އެއްކޮށް ހުށަހަޅަން ޖެހޭ ލިޔުންތައް:
ބިޑް ހުށަހަޅާ ފަރާތުގެ ޕްރޮފައިލް
- ޕްރޮޕޯސަލް
- މަސައްކަތްކުރާނެ ގޮތުގެ ޝެޑިއުލް
- ކުންފުނި، ޕާޓްނާޝިޕް، ކޯޕަރޭޓިވް ސޮސައިޓީ، އަމިއްލަ ފަރުދުންގެ ވިޔަފާރި ރަޖިސްޓްރީގެ ކޮޕީ
- އަމިއްލަ ފަރުދެއްނަމަ މުއްދަތު ހަމަނުވާ އައިޑީކާޑުގެ ކޮޕީ
- ބިޑް ހުށަހަޅާ ފަރާތުގެ ބަދަލުގައި އެހެން މީހެއް ބައިވެރިވާނަމަ، ވެެރިފަރާތުގެ ލިޔުން (ޕަވާ އޮފްއެޓާނީ)
- ބީލަން ހުށަހަޅާ ފަރާތުގެ ތިން މަސް ހަމަނުވާ ބޭންކް ސްޓޭޓްމަންޓް
- ކައުންސިލުން ދީފައިވާ ނަމޫނާ އާ އެއްގޮތަށް ބިޒްނަސް ޕްލޭންގެ ހުރިހާ ބައިތަކެއް ފުރަހަމަ ކުރުން
އެ ކައުންސިލުން ބުނި ގޮތުގައި، ބީލަމާ އެއްކޮށް އެ ލިޔުންތައް ހުށަހަޅަން ޖެހޭނީ ކައުންސިލްގެ އިދާރާގެ ރިސެޕްޝަން ނުވަތަ އިދާރާގެ[email protected]މެއިލް މެދުވެރިކޮށެވެ. ބިޑާ ގުޅޭ މައުލޫމާތު ފޯރުކޮށްދިނުމާ ބިޑް ޑޮކިއުމަންޓް ހުށަހެޅުން އޮންނާނީ އެ ރަށު ކައުންސިލް އިދާރާގެ ޖަލްސާ ކުރާ މާލަމުގައެވެ.
ވިލިނގިލީ ކައުންސިލުން ވަނީ ބީލަމާ އެއްކޮށް ހުށަހަޅަން ޖެހޭ ލިޔުންތަކުގެ ނަމޫނާތައް އެ އިއުލާނާ އެއްކޮށްގެޒެޓުގައިޝާއިއުކޮށްފައެވެ.