25 Oct 2024, 20:36
ކ. ގުޅިފަޅު ކައިރިން ލޯންޗެއް ޖެހި ހަތަރު މީހަކަށް އަނިޔާވެއްޖެއެވެ.
ނޫސްތަކަށް ފުލުހުން ހިއްސާކުރި މައުލޫމާތުގައިވާ ގޮތުން މި އެކްސިޑެންޓު ހިނގައިގެން އެ ކަމުގެ ރިޕޯޓު ފުލުހުންނަށް ލިބުނީ މޮިރޭ 19:34 ހާއިރެވެ.
ސޯޝަލް މީޑިއާގައި ދައުރަވަމުން އަންނަ ގޮތުގައި އެކްސިޑެންޓުވެފައިވަނީ ގްރޭންޑް ޕާކް ކޮއްދިއްޕަރު ޕީކޭޑީ-10 ކިޔާ ލޯންޗަކާއި ފެރިދޫ ޓުއާޒްގެ ސެނޯރާ ކިޔާ ލޯންޗެކެވެ.
މި ހާދިސާގައި ހަތަރު މީހަކަށް އަނިޔާވިއިރު އެ މީހުންނަށް މިހާރު އައިޖީއެމްއެޗް ހޮސްޕިޓަލުގައި ފަރުވާ ދެމުން އަންނަކަމަށް ވެސް ފުލުހުން ވަނީ ބުނެފައެވެ.
އަދާހަމަ:
މިރޭ 9:25 ހާއިރު ފުލުހުން ބުނި ގޮތުގައި އަނިޔާވެގެން ޖުމްލަ 12 މީހަކަށް އަންނަނީ އައިޖީއެމްއެޗުގައި ފަރުވާދެމުންނެވެ.
އެ ސަރަހައްދުގައި މިހާރު ފުލުހުން ހަރަކާތްތެރިވަމުން އަންނަކަމަށް ވެސް ވަނީ ބުނެފައެވެ.