22 Oct 2024, 16:25
ރާއްޖޭގެ ކައުންސިލްތަކަށް ބަލައިގަންނަ ފައިސާއާ ގުޅޭ ހުރިހާ މުއާމަލާތްތަކެއް ޑިޖިޓަލްކޮށް ބެލެހެއްޓޭނެ އޮންލައިން ޕޯޓަލެއް ފަހިޕޭއިން ތައާރަފުކޮށްފިއެވެ.
މިޕޯޓަލަކީ ރަށު އަދި ސިޓީ ކައުންސިލްތަކަށް ވަންނަ ހުރިހާ ފައިސާއެއްގެ ރެކޯޑް ބެލެހެއްޓޭނެ ފެންވަރަށް ތައްޔާރުކޮށްފައިވާ, ޒަމާނީ ޕޭމަންޓް ނިޒާމެކެވެ. ޕޯޓަލް ބޭނުންކުރުމަށް ކައުންސިލްތަކަށް ޕޯޓަލް ބޭނުންކުރަން އެއްވެސް ފީއެއް ދައްކާކަށް ނުޖެހޭނެ ކަމަށް ފަހިޕޭއިން ވަނީ ބުނެފައެވެ.
އަދި މި ޕޯޓަލް ފަރުމާކޮށްފައިވަނީ މިޕޯޓަލް ބޭނުންކުރާ ކައުންސިލްތަކުގެ ބިލްތައް ކަސްޓަމަރުންނަށް ފަހިޕޭ އެޕް މެދުވެރިކޮށް ވެސް ދެއްކޭ ގޮތަށް ކަމަށާއި މިޕޯޓަލް ފަހިޕޭ އެޕްއާ ގުޅިފައިވާއިރު މިއީ ފައިސާގެ މުއާމަލާތްތަކަށް ކަރުދާސް ބޭނުންކުރުން ނިމުމަކަށް ގެނެސްދޭނެ ޚަރަދު ސަލާމަތްކުރެވޭނެ ފަސޭހަ ނިޒާމެއް ކަމަށް ފަހިޕޭއިން ވަނީ ބުނެފައެވެ.
ފަހިޕޭއިން ވަނީ ކައުންސިލްތަކަށް މިޕޯޓަލްގެ ސަބަބުން ލިބޭނެ ބައެއް ފަސޭހަތައް ހިއްސާ ކޮށްފައެވެ. އެގޮތުން:
* ކައުންސިލުން ބަލައިގަންނަ ފައިސާގެ ހިސާބުތައް ދުވަހުންދުވަހަށް ރެކޯޑްކޮށް ރައްކާކުރުން.
* ފައިސާގެ ރަސީދު އޮޓަމެޓިކްކޮށް ތައްޔާރުކުރެވޭނެ ނިޒާމެއް އޮތުން.
* ރިކަރިން ފީ ނުވަތަ މަހު ފީތައް އޮޓޮމެޓިކް ނިޒާމެއްގެ ތެރެއިން ޖަނެރޭޓްކުރެވުން.
* ކުނި ބިލް ފަދަ މުނިސިޕަލްގެ ޚިދުމަތްތަކުން ނަގާ އެކިއެކި ފީތައް ބަލައިގަނެ, ރެކޯޑްކޮށް, މަހުންމަހަށް އަދާހަމަކުރެވުން.
* އޮންލައިންކޮށް ފައިސާގެ މުއާމަލާތް ފުރިހަމަކުރުމަށް ފަހިޕޭ އެޕްއާ ލިންކުވެފައިވުން.
* ކައުންސިލުން ބޭނުންވާ ގޮތަށް ރިޕޯޓުތައް ޖަނެރޭޓްކުރެވުން.
* ޕޭމަންޓް ދައްކަންޖެހޭ ކަމުގެ ނޮޓިފިކޭޝަން ކަސްޓަމަރުންނަށް ލިބުން.
* ކައުންސިލްގެ މުވައްޒަފުންނަށް ފަސޭހަ ކަމާއެކު ޕޯޓަލް ބޭނުންކުރެވުން.
ފަހިޕޭއިން ވަނީ މިޚިދުމަތް ބޭނުންކުރުން މުޅިން ހިލޭ ދޫކޮށްލާއިރު މިކަމަށް ޝައުގުވެރިވާ ކައުންސިލްތަކުން 4007004 އަށް ގުޅުއްވައިގެން ނުވަތަ މެއިލްއަށް ކުރައްވައިގެން އިތުރު މައުލޫމާތާއި އެހީތެރިކަން ހޯއްދެވުމަށް ވެސް އެދިފައެވެ.