22 Oct 2024, 09:08
ފިލްމު "އާޝިޤީ 2"އިން ބޮޑު މަގުބޫލުކަމެއް ހޯދި އެކްޓަރު މިހާރަކަށް އައިސް ފިލްމުތަކުން ނުފެންނާނީ ބޭނުންވާ ކަހަލަ ފިލްމް ސްކްރިޕްޓްތައް ނުލިބޭތީ ކަމަށް ބުނެފިއެވެ.
ބަތަލާ ކަރީނާ ކަޕޫރު ގެނެސްދޭ ޗެޓް ޝޯ 'ވަޓް ވިމެން ވޯންޓް'ގައި ވާހަކަދައްކަމުން އަދިތިޔަ ބުނީ، "އާޝިޤީ 2"އަށް ފަހު ކުޅުނު ގިނަ ފިލްމުތައް ނާކާމިޔާބުވުމާ ގުޅިގެން ވަރަށް ބޮޑަށް މާޔޫސްކުރުވި ކަމަށެވެ.
ފިލްމުތައް ނާކާމިޔާބުވުމުގެ ސިއްރަކީ ޕްރޮޑިއުސަރުން ބޭނުންވި ވަރަށް އަދިތިޔާއަށް ފިލްމުތަކަށް މަސައްކަތް ކޮށްނުދެވުން ކަމަށް ވަރަށް ގިނަ ފަހަރު ހީވި ކަމަށް ވެސް ކުރިން ވީޑިއޯ ޖޮކީއެއްގެ ގޮތުގައި މަސައްކަތްކުރި އެކްޓަރު ވަނީ ބުނެފައެވެ.
އަދިތިޔަ އެކްޓަރު އަނިލް ކަޕޫރާ އެކު ކުޅުނު ވެބް ސީރީސް "ނައިޓް މެނޭޖާ"ގެ މަންޒަރެއްގައި--ފޮޓޯ/ޓެލެގްރާފްއިންޑިއާ
ފިލްމު އިންޑަސްޓްރީގައި ވަރަށް ގިނަ ފަހަރަށް ފްލޮޕް ފިލްމުތައްދޭ އެކްޓަރުންނަށް ހުށަހަޅަނީ އަންޑަރޭޓް ސްކްރިޕްޓްތައް ކަމަށާއި އެއީ އޭނާ ވަރަށް ބޮޑަށް މާޔޫސް ކުރުވި ކަމެއް ކަމަށް އަދިތިޔާ ވަނީ މި އިންޓަވިއުގައި ބުނެފައެވެ.
ފިލްމު "އާޝިޤީ 2"އަށް ފަހު ރިލީޒްކުރި ފިލްމު "ޔޭ ޖަވާނީ ހޭ ދިވާނީ"އަށް ބޮޑު މަގުބޫލުކަމެއް ލިބުނު ނަމަވެސް އެ ފިލްމުގެ ލީޑް އެކްޓަރަކީ ރަންބީރު ކަޕޫރެވެ. އެއަށް ފަހު އަދިތިޔަ ލީޑް ރޯލް ކުޅުނު ފިލްމުތަކުގެ ތެރޭ "ދާވަތޭ އިޝްގް"، "ފިޠޫރު"، "އޯކޭ ޖާނޫ" އަދި "މަލަންގް" ފަދަ ފިލްމުތައް ހިމެނެއެވެ.
މި ފިލްމުތަކުގެ ތެރެއިން ވެސް ބެލުންތެރިންގެ މެދުގައި ކުޑަ ނަމަވެސް މަގުބޫލުކަމެއް ލިބުނީ ބަތަލާ ޝްރައްދާ ކަޕޫރުއާ އެކު ކުޅުނު ފިލްމު "އޯކޭ ޖާނޫ"އަށެވެ.
ބޮލީވުޑްގެ އެންމެ މަގުބޫލު ފިލްމު ޕްރޮޑިއުސަރު ސިދާތު ރޯއި ކަޕޫރުގެ ކޮއްކޮ އެންމެ ފަހުން ބެލުންތެރިންނަށް ފެނިފައިވަނީ މިދިޔަ އަހަރު ރިލީޒްކުރި އެކްޝަން ތުރިލަ ފިލްމު "ގުމްރާހް" އަދި އަދިތިޔަގެ ފުރަތަމަ ވެބް ސީރީޒް "ދަ ނައިޓް މެނޭޖާ"އިންނެވެ.
ބޮލީވުޑްގެ ޒުވާން ބަތަލާ އަނަނިޔާ ޕާންޑޭއާ ލޯބީގެ ގުޅުމެއް ބޭއްވި އެކްޓަރުގެ އެންމެ އަވަހަށް ރިލީޒްކުރުމަށް ހަމަޖެހިފައިވަނީ އަންނަ މަހު 29 ގައި ގެނެސްދޭ ފިލްމު "މެޓްރޯ އިން ދިނޯ"އެވެ.