21 Oct 2024, 00:33
މިދިޔަ އަހަރު އެކަނި ވެސް ރާއްޖެއަށް 15،551 ސައިކަލާއި 1347 ކާރު އެތެރެކުރި ކަމަށް މޯލްޑިވްސް ކަސްޓަމްސް ސާވިސްގެ ތަފާސްހިސާބުތަކުން ދައްކައިފިއެވެ.
ކަސްޓަމްސްއިން މިރޭ އާންމުކުރި ތަފާސްހިސާބުތަކުން މިދިޔަ އަހަރު މި އަދަދަށް ރާއްޖެއަށް ކާރާއި ސައިކަލު ވަނީ އެތެރެކޮށްފައެވެ. ނަމަވެސް، މީގެތެރެއިން ރާއްޖޭގެ ވެރިރަށް މާލޭގައި ދުއްވަނީ ކިހާ އަދަދެއްގެ ސައިކަލާއި ކާރުކަމެއް ސާފެއް ނުވެއެވެ.
މާލޭ މަގުތަކުގައި ތޮއްޖެހުން ބޮޑުވެ، ބާވެ، ބޭނުން ނުކުރާ އުޅަންދުތައް މަގުމަތިން ނައްތާލުމުގެ ޕްރޮގްރާމެއް ޓްރާންސްޕޯޓް މިނިސްޓްރީ، ފުލުހުން، މާލޭސިޓީ ކައުންސިލް، އެޗްޑީސީ، ކަސްޓަމްސް، އެމްޓީސީސީ، ބިމާއި އުމްރާނީ ތަރައްގީއާ ބެހޭ ވުޒާރާ، ވެމްކޯ އަދި އިގްތިޞާދީ ތަރައްގީއާ ވިޔަފާރިއާ ބެހޭ ވުޒާރާ ގުޅިގެން މިއަހަރު ކުރީކޮޅު ފެށިއެވެ.
އަދި ސިޓީ ކައުންސލުން ވެސް ކޮންމެ ހަފުތާ ބަންދަކު ބާ އުޅަނދު ނައްތާލުމުގެ މަސައްކަތް ކުރެއެވެ.
އެގޮތުން، މިދިޔަ މަހުގެ 21ވަނަ ދުވަހު ސިޓީ ކައުންސިލުން ވަނީ ބާވެފައިވާ 224 އުޅަނދު މާލޭ މަގުމަތިން ނަގައިފައެވެ.