04 Oct 2024, 18:01
ފުލުހުންގެ ޚިދުމަތުގެ ނެޓްވޯކަށް މައްސަލައެއް ދިމާވެ، އޮންލައިން ޚިދުމަތްތައް މެދުކެނޑިއްޖެއެވެ.
ފުލުހުން އެކްސްގައި ކުރި ޕޯސްޓެއްގައި ބުނީ، ނެޓްވޯކަށް ދިމާވި ޓެކްނިކަލް މައްސަލައަކާ ގުޅިގެން، އިންޓަނެޓް މެދުވެރިކޮށް ދެމުންއައި ޚިދުމަތް ވަގުތީ ގޮތުން މެދުކެނޑިފައިވާ ކަމަށެވެ.
އެ މައްސަލަ ހައްލުކުރުމަށް މިހާރު މަސައްކަތް ކުރަމުން އަންނަ ކަމަށް ފުލުހުން ބުންޏެވެ.
"އަދި މިކަމުގެ ސަބަބުން އާންމު ރައްޔިތުންނަށް ދިމާވެދާނެ ދަތިތަކަށް މާފަށް އެދެން." އެ ޕޯސްޓުގައިވެއެވެ.
ފުލުހުންގެ އިދާރާއިން އޮންލައިންކޮށް ލިބޭ ޚިދުމަތްތަކުގެ ތެރޭގައި އެމަޖެންސީ ނޫން ހާލަތްތަކުގައި މައްސަލަ ހުށަހެޅުން ހިމެނެއެވެ. އެގޮތުން އެ ކަމަށް ޚާއްސަކޮށްފައިވާ ޕޯޓަލްއެއް މެދުވެރިކޮށް މައްސަލަތައް ރިޕޯޓު ކުރެވެން ހުރެއެވެ.