28 Sep 2024, 18:39
ދިރާގު ޕޯސްޓްޕެއިޑު ކަސްޓަމަރުންނަށް 1000އަދި އެއަށްވުރެ މަތީ ޕްލޭންތަކުން ހުސްނުވާ މުވާސަލާތުގެ ޚިދުމަތް ތައާރަފުކޮށްފިއެވެ.
ދިރާގުން ވަނީ އެ ކުންފުނީގެ ޕޯސްޓްޕެއިޑް ކަސްޓަމަރުންނަށް އަމާޒުކޮށްގެން މުޅިން އާ ޕްލޭންތަކެއް ތަޢާރަފުކޮށްފައެވެ. އެ ކުންފުނިން ބުނީ މި ޕްލޭންތަކުގެ ސަބަބުން ކަސްޓަމަރުންނަށް ކުރިއަށްވުރެ ގިނަ ޑޭޓާ ލިބޭނެ ކަމަށެވެ. އަދި ހުސްނުވާ ސޯޝަލް މީޑިއާ ޑޭޓާ، ކޯލްސް އަދި އެސްއެމްއެސްގެ ޚިދުމަތް ލިބޭނެ ކަމަށް ވަނީ ބުނެފައެވެ.
ދިރާގުން މި ޕްލޭންތަކުގައި ހިމަނާފައިވާ ޚިދުމަތްތަކުގެ ތެރޭގައި:
ޕޯސްޓްޕެއިޑް 1000: 60ޖީބީ ކޯ ޑޭޓާ އާއި ހުސްނުވާ ސޯޝަލް މީޑިއާ ޑޭޓާ، ހިލޭ އެސްއެމްއެސް، އަދި ދިރާގު ނަންބަރުތަކަށާއި އެހެން ލޯކަލް ނެޓްވޯކްތަކަށް ހިލޭ ކޯލް.
- ޕޯސްޓްޕެއިޑް 1700: 200ޖީބީ ކޯ ޑޭޓާ އާއި ހުސްނުވާ ސޯޝަލް މީޑިއާ ޑޭޓާ، ހިލޭ އެސްއެމްއެސް، އަދި ދިރާގު ނަންބަރުތަކަށާއި އެހެން ލޯކަލް ނެޓްވޯކްތަކަށް ހިލޭ ކޯލް.
ދިރާގުން ބުނީ ޕޯސްޓްޕެއިޑް ކަސްޓަމަރުންނަށް ދިރާގު އެޕް މެދުވެރިކޮށް ފަސޭހަކަމާއެކު އެމީހުންގެ ޕޯސްޓްޕެއިޑް ޕްލޭން އަޕްގްރޭޑް ކުރެވޭނެ ކަމަށެވެ. މި ޕްލޭންތަކާ ބެހޭ އިތުރު މަޢުލޫމާތު ދިރާގު ލިބޭނެ ކަމަށްވެސް އެ ކުންފުނިން ވަނީ ބުނެފައެވެ.
މީގެ އިތުރުން، ދިރާގުން ވަނީ "ވިން އަ ސްޕީޑްބޯޓް"ގެ ނަމުގައި ވެސް ޕްރޮމޯޝަނެއް ފަށާފައެވެ. މި ޕްރޮމޯޝަންގައި ޕޯސްޓްޕެއިޑް 400 ނުވަތަ އެއަށްވުރެ މަތީ ޕްލޭނެއްގައި ބައިވެރިވާ ކަސްޓަމަރުންނަށް އަލް ޝާލީ މެރިން މެގެލަން 32 ބޯޓެއް، ދެ ޔަމަހާ 175 އެޗްޕީ އިންޖީނާއެކު ކާމިޔާބުކުރުމުގެ ފުރުސަތު ލިބޭނެ ކަމަށް ދިރާގުން ވަނީ ބުނެފައެވެ.
އަދި ފައިބާ ބްރޯޑްބޭންޑް 30އެމް ނުވަތަ އެއަށްވުރެ މަތީ ޕެކޭޖްތަކުގައި ބައިވެރިވާ ކަސްޓަމަރުންނާއި، ޕްރީޕެއިޑް ޕްލޭންތަކަށް 400 ރުފިޔާ ނުވަތަ އެއަށްވުރެ ގިނައިން ރީޗާޖްކުރާ ކަސްޓަމަރުންނަށް ވެސް މި ޕްރޮމޯޝަންގައި ބައިވެރިވެވޭނެއެވެ.
މި ޕްރޮމޯޝަންގައި ބައިވެރިވުމަށް ދިރާގުގެ ކަސްޓަމަރުން އަދި އާ ކަސްޓަމަރުން އަންނަ ޑިސެމްބަރު މަހުގެ 15ވަނަ ދުވަހުގެ ކުރިން ވަކި ވަނުމަށް ދިރާގުން ވަނީ އެދިފައެވެ.
ދިރާގުން މި ފަދަ ޚިދުމަތްތައް ތަޢާރަފުކުރަމުންދަނީ ރާއްޖޭގައި ދިރިއުޅޭ މީހުންގެ ދިރިއުޅުމުގެ ފެންވަރު މަތިކޮށް، އަގުހެޔޮ އަދި ފެންވަރު ރަނގަޅު ޚިދުމަތްތަކެއް ފޯރުކޮށްދިނުމުގެ މަޤުސަދުގައި ކަމަށް އެ ކުންފުނިން ވަނީ ބުނެފައެވެ.