18 Jun 2024, 18:27
ދިރާގުން މިރޭ 'އީދު ޝޯ ޑައުން' ގޭމިން ޓޯނަމެންޓެއް ބޭއްވުމަށް ނިންމައިފިއެވެ.
މި ޓޯނަމެންޓުގައި ބައިވެރިވާން ބޭނުންވާ ފަރާތްތަކަށް ޓޯނަމެންޓު އޮންނަ ގަޑިއަށް އެތަނަށް ގޮސްގެން ރަޖިސްޓާ ވެގެން ގޭމުތަކުގައި ބައިވެރިވުމުގެ ފުރުސަތު ދިރާގުން ވަނީ ހުޅުވާލާފައެވެ.
ހުޅުމާލޭ ސެންޓްރަލް ޕާކުގައި މިރޭ 8:00 އިން 11:00 ގެ ނިޔަލަށް އޮންނަ މި މުބާރާތުގައި ތިން ގޭމު ކުޅޭނެއެވެ. އޭގެތެރޭގައި، އީއޭއެފްސީ 24އާއި ރޮކެޓް ލީގް އަދި ޓެކެން ގޭމު ހިމެނެއެވެ.
ދިރާގުން ބުނީ، 'ކިންގް އޮފް ދަ ހިލް'ގެ ލަގަބާއެކު ފައިސާގެ އިނާމު ހޯދަން ބޭނުންވާނަމަ ކޮންމެ ކުޅުންތެރިއަކު ވެސް ޖެހިޖެހިގެން ތިން މެޗުން މޮޅުވާން ޖެހޭނެ ކަމަށެވެ.
ފާހަގަކޮށްލެވޭ ގޮތުގައި، މި މުބާރާތަކީ ގެމިން ކޮމިއުނިޓީ ތެރޭގައި އީސްޕޯޓްސް މުބާރާތްތައް ކުރިއަށް ގެންދިޔުމަށް ދިރާގުން ކުރާ މަަސައްކަތުގެ ބައެކެވެ.
އަދި، މިހާތަނަށް ދިރާގުން ވަނީ މޮބައިލް ލެޖެންޑްސްއާއި އީއޭއެފްސީއާއި ޓެކެން ފަދަ މުބާރާތްތަކެއް ބާއްވާފައިވެއެވެ.