07 Mar 2024, 19:02
ޕީއެސްއެމް ނިއުސްއިން އިންތިޒާމްކޮށްގެން ބާއްވާ މަޖިލިސް ބަހުސަށް ދަނިކޮށް އެމްޑީޕީ ޓިކެޓުގައި ފަރެސްމާތޮޑާ ވާދަކުރައްވާ އަހުމަދު ޒައީމް ގަޔަށް މިއަދު ކަޅު ތެޔޮ ޖައިފިއެވެ.
މިކަމާއި ގުޅިގެން އެމްޑީޕީއިން އެކްސްގައި ކުރި ޕޯސްޓެއްގައި ބުނީ މަޖިލިސް ބަހުސަށް ދިޔަ މަގުމަތީގައި ޒައީމް ގަޔަށް ކަޅު ތެޔޮ ޖެހުމުގެ ހަމަލާއެއް ދިނުމަކީ ވަރަށް ފިނޑި އަމަލެއް ކަމަށާއި އެކަން އެ ޕާޓީން ކުށްވެރިކުރާ ކަމަށެވެ.
މިއަދު ސޯޝަލް މީޑީއާގައި ވެސް އާންމުވި ފޮޓޯތަކުން ފެންނަ ގޮތުގައި ޒައީމްގެ ގަޔަށް ވަރަށް ބޮޑަށް ކަޅު ތެޔޮ ޖަހައިފައި ހުއްޓައި ފެނެއެވެ. އެގޮތުން އޭނާގެ އަތާއި ގަމީހަށް ކަޅު ތެޔޮ ޖަހައިފައި ހުއްޓެވެ.
އިންތިޚާބުތަކާއި ދިމާކޮށް މީގެކުރިން ވެސް ކެންޑިޑޭޓުންގެ ގަޔަށް ކަޅުތެޔޮ ޖެހުން ފަދަ ކަންކަން ހިނގައިފައި އެބަހުއްޓެވެ. ފަހަކަށް އައިސް މިފަދަ ނޭއްގާނީ ކަންކަން ސިޔާސީ ވާދަވެރިކަމުގެ ތެރެެއިން ހިނގާ މިންވަރު ވެސްވަނީ އިތުރުވެފައެވެ.