28 Jan 2024, 10:01
ފުވައްމުލަކުގައި ޒުވާނަކު މިއަދު ގެނބިގެން މަރުވެއްޖެއެވެ.
ފުލުހުން މިއަދު ބުނީ ފުވައްމުލައް ސިޓީގައި މޫދަށް އެރި އުޅުނު މީހަކު ގެނބިގެން އެ ސިޓީގެ ހޮސްޕިޓަލަށް ގެންގޮސްފައިވަނީ މިއަދު ހެނދުނު 7:30 އެހާކަންހާއިރު ކަމަށެވެ.
ހޮސްޕިޓަލާ ހަވާލާދީ ފުލުހުން ބުނީ، އެ ޒުވާނާ ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށެވެ.
މި ހާދިސާގައި މަރުވެފައިވަނީ އުމުރުން 23 އަހަރުގެ ދިވެހި ފިރިހެނެކެވެ.
މި ހާދިސާއާ ގުޅިގެން ބަލަންޖެހޭ ކަންކަން ފުލުހުން އަންނަނީ ބަލަމުންނެވެ.