29 Jan 2024, 17:54
އާޓިފިޝަލް އިންޓެލިޖެންސް (އޭއައި)އިން އުފައްދާ ކޮންޓެންޓް ދިރިއުޅުމުގެ ކޮންމެ ދިމާލަކަށް ވެސް މިއަދު މިވަނީ ވަދެފައެވެ. އޭގެ ސަބަބުން ގިނަބަޔަކަށް ފައިދާތަކެއް ކުރަމުން އަންނައިރު، އޭގެ ގެއްލުމާއި، ނުރައްކާތެރިކަމާ ބެހޭގޮތުންވެސް ފުޅާދާއިރާއެއްގައި ދަނީ މަޝްވަރާ ކުރެވެމުންނެވެ.
ޗެޓްޖީޕީޓީ، ގޫގުލް ބާޑް އަދި ޖެސްޕާ ފަދަ އޭއައި ވަސީލަތްތައް އުފެއްދުމުގެ ސަބަބުން ދުނިޔޭގެ ކްރިއޭޓިވް ކޮމިއުނިޓީ އާއި ސްކޫލުތަކުގެ ކަންބޮޑުވުންތައް ބޮޑުވެފައިވާއިރު، އާ ޓެކްނޮލޮޖީ ބޭނުންކޮށްގެން އަމިއްލަ އުފެއްދުންތައް ވަގަށް ނެގުމާއި މަކަރު ހަދައިފާނޭ ކަމުގެ ބިރު އެބައޮތެވެ.
އެހެންކަމުން މެޝިނުން އުފައްދާ ކޮންޓެންޓަކީ ކޮބައިކަމާއި އެފަދަ ވަޞީލަތެއް ބޭނުން ނުކޮށް އުފެއްދި އިންސާނާގެ އަމިއްލަ އުފެއްދުމަކީ ކޮބައިކަން ދެނެގަނެވޭނެ ވަސީލަތަކަށް ނުވަތަ ވަޞީލަތްތަކަކަށް މިއަދު މިވަނީ ބޭނުން ޖެހިފައެވެ.
އޭއައިއިން ފޭކް ފޮޓޯ، ޓެކްސްޓް އަދި އޯޑިއޯ ފަދަ އޮޅުވާލާ ކޮންޓެންޓް އުފެއްދުމުގެ ގާބިލްކަން އިތުރުވަމުންދާއިރު، މިހާރު ކުރިއަރަމުން އަންނަ އޮންލައިން ޚިދުމަތްތަކުގެ އަމާޒަކީ މެޝިންތަކުން އުފެއްދި މީޑިއާތަކަކީ ކޮބައިކަން ދެނެގަތުމުގައި އެހީތެރިވެދިނުމެވެ.
ޖީޕީޓީޒީރޯ، ކޮޕީލީކްސް، ސިންތިއައިޑީ އަދިޑީޕްވެއާ ސްކޭނަރފަދަ ވަސީލަތްތަކުން ޓެކްސްޓް، ފޮޓޯ، ވީޑިއޯ އަދި އޯޑިއޯ އެނަލައިޒް ކުރުމަށް ތަފާތު ޓެކްނޮލޮޖީތަކާއި ސްޓްރެޓެޖީތައް ބޭނުންކޮށްގެން، އޭއައި ސިސްޓަމަކުން މީހުން އަމިއްލައަށް އުފައްދާފައިވާ ކޮންޓެންޓް ދެނެގަނެވޭނެއެވެ.
އޭއައި ލިޔެފައިވާ ލިޔުންތައް ދެނެގަތުމަށް،ޖީޕީޓީޒީރޯފަދަ ޚިދުމަތްތަކުން ކޮމްޕްލެކްސް ލިންގުއިސްޓިކް އެނަލިސިސް ބޭނުންކޮށްގެން އިންސާނުންގެ ލިޔުންތައް ނަކަލުކުރުމަށް ތަމްރީނުކޮށްފައިވާ ބަހުގެ މޮޑެލްތަކުގެ ޕެޓާންތައް ދެނެގަނެއެވެ.
އޯޕަންއޭއައިގެ ޖީޕީޓީ-3 މޮޑެލް ފަދަ ސިސްޓަމްތަކުގެ ކޮންޓެންޓް ދެނެގަތުމުގައި ޖީޕީޓީޒީރޯގެ ސައްހަކަން 95 އިންސައްތައަށް އަރާ ކަމަށް ބުނެއެވެ.
މީގެ އިތުރުންކޮޕީލީކްސްއިން 50 ބިލިއަނަށްވުރެ ގިނަ ވެބް ޕޭޖްތަކާއި ފައިލްތަކުގެ ޕްރޮޕަރައިޓަރީ ޑޭޓާބޭސް ބޭނުންކޮށްގެން ކުރިން ޝާއިއުކޮށްފައިވާ އޮންލައިން މެޓީރިއަލްތަކާއި ކޮންޓެންޓް ހަލުވިކަމާއެކު މެޗްކޮށް، ކޮޕީކޮށްފައިވޭތޯ ބެލުމަށް އެހީތެރިވެދީ، އިންޓަނެޓް ސްކްރެޕިން ފަދަ ވަސީލަތްތަކުން ލިބޭ ލިޔުންތައް ދެނެގަތުމަށް އެހީތެރިވެދެއެވެ.
ސިންތިޑްއަދި ޑީޕްވެއާ ފަދަ ވަސީލަތްތަކުން، ޑިޖިޓަލް އާޓިފެކްޓްސްގެ ކޮންސެޕްޓިވް އެނަލިސިސް އާއި ޖެނެރޭޓިވް އެޑްވާސަރަލް ނެޓްވޯކްތަކާއި އެފަދަ ޑީޕް ލާނިން ޓެކްނިކްތަކުން އުފައްދާފައިވާ ފޮޓޯ، ވީޑިއޯ އަދި އޯޑިއޯ ދެނެގަނެވޭނެއެވެ.
މިހާރަކަށް އައިސް ގިނަމީހުން ކޮންޓެންޓް އުފެއްދުމުގައި އޭއައި ބޭނުން ކުރަމުން އަންނައިރު، އޮންލައިންކޮށް ދޮގު މައުލޫމާތު މެނޭޖްކުރުމަށް މީޑިއާ އޮތެންޓިކޭޝަންގެ ހޭލުންތެރިކަން އިތުރުކޮށް، ޒިންމާދާރު ކަމާއެކު އެފަދަ ޓެކްނޮލޮޖީ ތަރައްގީ ކުރުން ވަރަށް މުހިންމު ކަމަށް ތަޖުރިބާކާރުން ބުނެއެވެ.