23 Jan 2024, 16:06
ސަރުކާރު ހިންގާ މައި ކޯލިޝަން، ޕީޕީއެމް ޕީއެންސީގެ 13 މެމްބަރަކަށް، ޕްރައިމަރީގައި ވާދަކުރަން ނުޖެހި ރައްޔިތުންގެ މަޖިލީހުގެ އިންތިޚާބުގައި ވާދަކުރަން ކޯލިޝަންގެ ޓިކެޓު ލިބިއްޖެއެވެ.
މިއަދު އެ ޕާޓީން ބުނީ، އެ 13 ދާއިރާގެ ޓިކެޓު، މެމްބަރުންނަށް ކަށަވަރުވީ އެ ދާއިރާތަކަށް އިތުރު މެމްބަރުން ވާދަކޮށްފައިނުވާތީއާއި، ބައެއް މެމްބަރުން ނަން އަނބުރައި ގެންދިއުންކަމަށެވެ.
ޕްރައިމަރީއާ ނުލައި ޓިކެޓު ލިބުނު ދާއިރާތަކުގެ ކެންޑިޑޭޓުން:
ހޯރަފުށީ ދާއިރާ: އަލީ މޫސާ
- ބާރަށު ދާއިރާ: ޕީއެންސީގެ ނައިބު ރައީސް އިބްރާހީމް ޝުޖާއު
- ހަނިމާދޫ ދާއިރާ: އިދުރީސް އަބްދުﷲ
- އޭދަފުށީ ދާއިރާ: މިހާރުގެ ވެސް މެމްބަރު އަހްމަދު ސަލީމް
- މަހިބަދޫ ދާއިރާ: މިހާރުގެ ވެސް މެމްބަރު އަހްމަދު ޠާރިގު
- ނިލަންދޫ ދާއިރާ: ފާތިމަތު ސައުދާ
- ތިމަރަފުށީ ދާއިރާ: އިބްރާހިމް ސަނާހް
- ފޮނަދޫ ދާއިރާ: ޕީއެންސީގެ ޗެއާޕާސަން އަބްދުއްރަހީމް އަަބްދުﷲ
- ހިތަދޫ މެދު ދާއިރާ: ނޫސްވެރިޔާ އަހްމަދު އަޒާން މަރްޒޫގް
- ހުޅުދޫ ދާއިރާ: ކުރީގެ މެމްބަރު މުޙައްމަދު ޝާހިދު (ޝާޑު)
- ގަލޮޅު ދެކުނު ދާއިރާ: އިބްރާހިމް މުޙައްމަދު
- ހެންވޭރު ހުޅަނގު ދާއިރާ: އަލީ އިބްރާހިމް
- ހުޅުމާލެ މެދު ދާއިރާ: އަބްދުﷲ ޝަޒީމް
މި 13 މެމްބަރުންނަށް ޓިކެޓު ޔަގީންވީއިރު، ޕީޕީއެމް/ޕީއެންސީގެ މަޖިލިސް ޕްރައިމަރީގައި ވާދަކުރަން ފޯމު ހުށަހެޅި ބައެއް މެންބަރުންގެ ކެންޑިޑެސީ ބަލައިނުގަންނަން ނިންމި މައްސަލަ ބޮޑުވެ، ޕްރައިމަރީގައި ވާދަކުރަން ފޯމުލީ އެންމެންނަށް އެ ފުރުސަތު ދޭން ރައީސް ޑރ. މުހައްމަދު މުއިއްޒު ނިންމެވީ އިއްޔެއެވެ.
އެ ޕާޓީގެ ޕްރައިމަރީގައި ވާދަކުރަން ގިނަ އަދަދެއްގެ ކެންޑިޑޭޓުން ފޯމު ހުށަހެޅިއެވެ. ދެ ފަހަރެއްގެ މަތިން ޕްރައިމަރީ ލަސްކުރުމަށް ފަހު، މިހާރު ނިންމާފައި އޮތީ އަންނަ ހޮނިހިރު ދުވަހު ބާއްވާ ގޮތަށެވެ.