22 Jan 2024, 00:28
އިންގްލިޝް ޕްރިމިއާ ލީގުގައި ބްރެންޓްފަޑް އާއި ނޮޓިންހަމް ފޮރެސްޓް ބައްދަލުކުރި މެޗު ފަހަތުން އަރައި ބްރެންޓްފަޑްއިން ކާމިޔަބު ކޮށްފިއެވެ.
ބްރެންޓްފަޑްގެ ދަނޑުގައި ކުޅުނު މިމެޗު އެޓީމް ކާމިޔަބު ކޮށްފައިވަނީ ތިން ލަނޑު ދެ ލަނޑުންނެވެ. ދެޓީމްގެ ފަރާޓުން ވާދަވެރި ކުޅުމެއް ފެނުނު މިމެޗުގައި ގިނައިރު ބޯޅަ ގެންގުޅެ ގިނަ ހަމަލާ އުފައްދާފައިވަނީ ފޮރެސްޓް އިންނެވެ.
މިމެޗުގެ ފެށުން ރަނގަޅުވީވެސް ފޮރެސްޓްގެއެވެ. މިގޮތުން މެޗުގެ ތިން ވަނަ މިނެޓްގައި ފޮރެސްޓްއިން ވަނީ ލަނޑެއް ޖަހައި މެޗުގެ ލީޑު ނަގައިފައެވެ. މިލަނޑު އެޓީމަށް ޖަހައިދިނީ ޑެނީލޯއެވެ.
މިމެޗުގައި ބްރެންޓްފަޑްއިން މެޗުގެ ނަތީޖާ އެއްވަރު ކުރި ލަނޑު މެޗުގެ 19 ވަނަ މިނެޓްގައި ލިބުނު ހިލޭޖެހުމަކުން ޖަހައިދިނީ ގިނަ ދުވަސްތަކެއް ވަންދެން ސަސްޕެންޝަނުގެ ސަބަބުން ކުޅުމާ ދުރުގައި ހުރުމަށް ފަހު އެނބުރި އައިސް ފުރަތަމަ މެޗު ކުޅެމުންދިޔަ އިވާން ޓޯނީއެވެ. މިއީ މިދިޔަ އަހަރުގެ އެޕްރީލް މަހު، ފޮރެސްޓާ ކުޅެ އެއްވަރުވި މެޗުގައި ލަނޑު ޖެހިފަހުން ޓޯނީ ކާމިޔަބު ކުރި ފުރަތަމަ ލަނޑެވެ. ނަމަވެސް މިލަނޑު ޖެހުމަށް ލިބުނު ހިލޭ ޖެހުން ޖަހާފައިވަނީ ޖެހުން ލިބުނު ތަނުން ނޫން ކަމަށް ބުނެ ފޮރެސްޓްގެ ކުޅުންތެރިން ހިތްހަމަ ނުޖެހުން ފާޅުކުރިއެވެ.
މިމެޗުގައި ފޮރެސްޓް އިން ކާމިޔާބު ކުރި ދެވަނަ ލަނޑު މެޗުގެ 58 ވަނަ މިނެޓްގައި ޖަހާ އެޓީމަށް ލީދު ނަގައިދިނީ ބެން މީއެވެ. ނަމަވެސް މިލަނޑު ޖެހިތާ ހަތް މިނެޓް ފަހުން ފޮރެސްޓްއިން ވަނީ ލަނޑެއް ޖަހައި މެޗުގެ ނަތީޖާ ހަމަަހަމަ ކޮށްފައެވެ. މިލަނޑު އެޓީމަށް ޖަހައިދިނީ ކްރިސް ވުޑްއެވެ. ނަމަވެސް މިލަނޑު ޖެހިތާ ތިން މިނެޓް ފަހުން ފޮރެސްޓްއިން ވަނީ ލަނޑެއް ޖަހައި މެޗުގެ ލީޑު އަނެއްކާވެސް ނަގާފައެވެ. މިލަނޑު އެޓީމަށް ކާމިޔާބު ކޮށްދިނީ ނީލް މޯޕޭއެވެ. ނަމަވެސް މިލަނޑު ޖެހުމަށް މޯޕޭ ބޯޅަ ކޮންޓްރޯލް ކުރި އިރު އަތުގައި ޖެހުނުކަމަށް ބުނެ ފޮރެސްޓްގެ ބެންޗުން ހިތްހަމަ ނުޖެހުން ފާޅު ކުރިނަމަވެސް ވީއޭއާރުން ބެލުމަށްފަހު އެއީ ލަނޑެއް ކަމަށްވަނީ ނިންމައިފައެވެ.
މިކާމިޔާބީއާއެކު ބްރެންޓްފަޑް މިހާރުވަނީ ކުޅުނު 20 މެޗުން ލިބިފައިވާ 22 ޕޮއިންޓާއެކު ތާވަލްގެ 14 ވަނައަށް ކުރިއަށް ޖެހިލައިފައެވެ. އަދި ފޮރެސްޓް މިހާރު އުޅެނީ 21 މެޗުން ލިބިފައިވާ 20 ޕޮއިންޓާއެކު ތާވަލްގެ 16 ވަނައިގައެވެ.