18 Jan 2024, 22:04
އިނގިރޭސި އެފް އޭ ކަޕްގެ ހަތަރު ވަނަ ބުރުން އެވަޓަން ޖާގަ ހޯދައިފިއެވެ.
މި މުބާރާތުގެ ހަތަރު ވަނަ ބުރުން އެވަޓަން ޖާގަ ހޯދީ ތިންވަނަ ބުރުގެ ރީޕްލޭގައި ކްރިސްޓަލް ޕެލަހާ ބައްދަލުކުރި ކާމިޔާބު ކޮށްގެންނެވެ. މި ދެ ޓީމުގެ މެދުގައި ކުޅުނު ފުރަތަމަ ޕެލަސްގެ ދަނޑުގައި ކުޅެ ނިމުނީ އެއްވެސް ޓީމަކަށް ލަނޑެއް ކާމިޔާބު ނުކުރެވިއެވެ.
އަދި ރޭ ކުޅުނު ރީޕްލޭ އެވަޓަންއިން ކާމިޔާބު ކޮށްފައިވަނީ 1-0 އިންނެވެ. ދެ ޓީމުގެ ފަރާތުން ވާދަވެރި ކުޅުމެއް ފެނިގެންދިޔަ މި ގައި ދެ ޓީމުގެ ފަރާތުން ހަމަހަމަ ކުޅުމެއް ފެނުނުއިރު ގިނަ ހަމަލާ އުފައްދައިފައިވަނީ ޕެލަސްއިންނެވެ.
ނަމަވެސް މި ގައި ޕެލަސްއަށް އެވަޓަންގެ ގޯލް ފޫއަޅުވައިލެވޭ ގޮތެއްނުވިއެވެ. މި ގައި އެވަޓަންއިން ކާމިޔާބުކުރި ހަމައެކަނި ލަނޑު ގެ 42ވަނަ މިނެޓްގައި ލިބުނު ހިލޭ ޖެހުމަކުން ކާމިޔާބު ކޮށްދިނީ އަންޑްރޭ ގޯމޭޒްއެވެ.
މިއީ އޭނާ މި ސީޒަންގައި އޭނާ އެވަޓަންއަށް ކުޅުނު ފަސް މެޗުގައި ކާމިޔާބު ކުރި ދެވަނަ ލަނޑެވެ. މި ސީޒަންގެ ކުރީކޮޅު އަނިޔާގެ ސަބަބުން ކުޅުމާއި ދުރުގައިހުރި ގޯމޭޒް ކުޅުމުގެ ތެރެއަށް އެނބުރި އައިސްފައިވަނީ ވަރަށް ފަހުންނެވެ. މިއީ މިދިޔަ އަހަރުގެ ޑިސެމްބަރު މަހުގެ 16ވަނަ ދުވަހުގެ ފަހުން ކުޅުނު މެޗަކުން އެވަޓަން މޮޅުވި ފުރަތަމަ ފަހަރެވެ.
މި ގައި ޕެލަސްގެ ފަރާތުން މާ ރަނގަޅު ކުޅުމެއް ފެނިގެން ގޮސްފައެއް ނުވެއެވެ. އަދި އެ ޓީމު އެންމެ ފަހުން ކުޅުނު 11 ގެ ތެރެއިން މޮޅުވެފައިވަނީ އެންމެ މެޗަކުންނެވެ. އަދި މިއީ ޖެހިޖެހިގެން ބަލިވި ހަވަނަ މެޗެވެ.
މި ކާމިޔާބީއާއެކު އެވަޓަން މިހާރު އެފް އޭ ކަޕްގެ ހަތަރުވަނަ ބުރުން ޖާގަ ހޯދައިފައިވާއިރު ހަތަރުވަނަ ބުރުގައި އެވަޓަން ބައްދަލުކުރުމަށް ހަމަޖެހިފައިވަނީ ލޫޓަން ޓައުންއާއެވެ.