18 Jan 2024, 09:03
"ކިތަންމެ އަވަދިނެތި އުޅުނުކަމުގައި ވިޔަސް ކޮންމެ ދުވަހަކުވެސް ގުރުއާން އަޑުއަހަން އަދި ކިޔަވަން ވަގުތުކޮޅެއް ހޯދަންވާނެއެވެ."
***
"ނޯ ޑޭޑް... މީ ހަމަ އަސްލު...ކޮންމެވެސް ކަޅު ކަޅު ކުއްޖަކާ...ގޯނި ހެދުމެއް ލައިގެން ހުރި..ޑޭޑް އައި ވޯންޓް ހިމް. ފަރަހް އަމިއްލަ އަށް މަރުވެސް ވެދާނަން މާޒް ނުލިބެންޏާ. ޑޭޑް އައި ވޯންޓް ހިމް..." ފަރަހް އަށް މިއަދު ދިމާވި ކަންތަކާއި ސަބީހާ ގެ ވާހަކަވެސް ޖައިލަމް އަށް ކިޔައދިނެވެ.
"ޕްރިންސެސް..ބައްޕަ އެބަ ބަލަން ތިކަމުގެ ހަގީގަތް...ދަރިފުޅަށް މާޒިމް ހޯދައިދޭނަން ކޮންމެ ގޮތެއް ހަދާފައިވެސް...ދަރިފުޅަށް ނޫނީ އެހެންމީހަކަށް މާޒިމް އެއް ނުލިބޭނެ..................." ޖައިލަމް ފުން ނޭވާ އެއް ދޫކޮށްލަމުން ފަރަހް އަށް ޔަގީންކަން އެރުވިއެވެ.
***
ކެނާންގެ ކަރުނަތައް ފޮހެދެމުން މަދީނާ ވަރަށް ލާނެތް ގޮތަކަށް ހޭންފެށިއެވެ.
"ސޮރީ...އަސްލު ކުޑަބެ ގެ ރިއެކްޝަން ބަލަން ވެގެން ޖެއްސި ޕްރޭންކެއް. އައި ޖަސްޓް ފެލް އޮން މައި ހޭންޑް، އިޓްސް ނަތިން ޓު ވޮރީ......" މަދީނާ ދޮގުހެދިއެވެ. ކެނާން އަށް އުވެއިސް ގެ އުނދަގުލެއް ފޯރާފާނެ ކަމުގެ ބިރަށްޓަކައެވެ. އަދި މަދީނާ އާއި މެދު ކެނާން އެހާ ކަންބޮޑުވާން ނޭދެނީއެވެ.
"ރިއަލީ. ކޮންދުވަހަކު މަދީނާ ތިކަހަލަ ދޮގު ހަދަން ފެށީ. އިޓްސް ނަތިން ޓު ޖޯކް އެބައުޓް. އަސްލުގަވެސް ކުޑަބެ ވަރަށް ހާޓް........" ކެނާން ފުން ނޭވާ އެއް ދޫކޮށްލަމުން މޫނު އަނބުރާލީ މަދީނާ އާއި އިތުރައް ވާހަކަދައްކަން ބޭނުން ނޫން ކަމަށް ހަދަމުންނެވެ. މަދީނާގެ އެ ސަކަރާތުން ހިނދުކޮޅަކަށް ނަމަވެސް ކެނާން އަމިއްލަ ނަފްސު ކުށްވެރި ކުރެވުނެވެ. އެއީ މަދީނާ ރަނގަޅަށް ނުބެލެހެއްޓެނީ ކަމަށް ހިތާއެވެ.
"ދެންންން. ކުޑަބޭ.. ކުޑޫ..އައިމް ސޮރީ އޭ. ވަރަށް ވަރަށް ބޮޑަށް މާފް..އަސްލު މާޒްވިލާ ހޯންޓެޑް އޭ ބުނާތީވެ އައި ވޯންޓެޑް ޓު ސްކެއަ ޔޫ..އެކަމް ކުޑަބެ ރުއީމަ..." މަދީނާ ކުޑަކުއްޖެހެން އާދޭސް ކުރަމުން ދިޔައެވެ.
"ހްމްމް ދެން އެހެންވިއްޔާ ޕްރޮމިސް އެކަހަލަ ދޮގެއް ނަހަދާނެ ކަމަށް..އެންޑް ވަން މޯ ތިންގް...ކުޑަބެއެއް ނުރޮން....އެއީ އައި ލީކޭޖް އެއް............" ކެނާން ސަމާސާ ކޮށްލިއެވެ. މަދީނާގެ ހިތުގައި ޖެހޭ ފަދަ އެއްވެސް ކަމެއް ނުކުރުމަށް ކެނާން އަބަދުވެސް މަސައްކަތް ކުރެއެވެ.
"ޕްރޮމިސް...އެނގޭތަ މިރޭ ދޮންބެ އަށް ވަރަށް ވަރުގަދަ ލަނޑެއްދީފަ މިއައީ...ދޮންބެ ބުންޏެއްނު ތަޅުދަނޑި ގަސް ޕޮޓް ތެރޭ ބާއްވަން. އެކަމް އައި ޓުކް އިޓް ވިތް މީ. ނައު ހީ ހޭޒް ޓު ސްޓޭއި ވިތް އުރޫޖް..." ވަރަށް ފަހުރުވެރިކަމާއެކު މަދީނާ ބުނެލިއެވެ. އުރުޖުވާންއާއި މާޒިމްގެ ކައިވެންޏަކީ ހާލަތުގެ ނިޔާކުރިގޮތުން ކުރެވުނު ކައިވެންޏެއް ކަމުގައިވިޔަސް މަދީނާ ބޭނުންވަނީ ވީހާވެސް އަވަހަށް އެ ގުޅުމުގައި ލޯބީގެ ކުލަވަރުޖެހިގެން ދިޔުމަށެވެ.
"ހެހެ. އަސްލުވެސްތަ. ތި ޕްރޭންކަށް ކުޑަބެ ވެސް ވަރަށް ތާއީދު..............." ކެނާންއަށް ބާރަށް ހީގަނެވުނެވެ.
"ތި މާޒްވިލާއާއި ކޮން ގުޅުމެއް އޮތް ކުދިބަޔެއް..." ކާރު ދުއްވަން އިން ޑްރައިވަރު އަހާލިއެވެ.
"މިއީ އެގޭގެ ކުދިން.........." ކެނާން ވަރަށް އަދަބުވެރިކަމާއެކު ބުނެލިއެވެ.
"ބޭސް ހަކީމުގެ ކާފަ ދަރީންދޯ. ހާދަ ބޮޑުވެއްޖެ އޭ ހުރިހާ ކުދިންވެސް...ނަބީލާގެ ހަބަރު އެހިން މިފަހުން...ވަރަށް ދެރަކޮށް ދިމާވި ކަމެއް އަސްލު..." ޑްރައިވަރުގެ އަޑުގައިވީ ހަމްދަރުދީއެވެ.
"ކާފަ ދަންނަންތޯ؟ " މަދީނާ އަށް އަހާލެވުނެވެ.
"ބޭސް ހަކީމު ދޯ...މުއްސަނދިކަން ލިބުނު ނަމަވެސް އެގޮތަށް ހެދުން ލާ އުޅޭ އެހެން މީހެއް މި މާލެތެރޭ އުޅުނުހެނެއް ހީއެއްނުވޭ...ތި ކުދިންގެ ކާފަ ނުދަންނަ މީހަކު މި މާލޭގަ މަދުވާނެ..." ޑްރައިވަރު ބުނެލީ ވަރަށް ފާޑަކަށެވެ. އެ ވަގުތަކީ މާޒްވިލާ އަށް ކާރު މަޑުކޮށްލި ވަގުތުވެސްމެއެވެ. ތަޅުދަނޑި ހަވާލުކުރުމަށް ގެ މަރާމާތުކޮށް ސާފު ކުރި މީހުން ތިއްބެވެ.
ކާރުން ފައިބައިގެން މަދީނާގެ ހިނގުން ހުއްޓުނީ ގޭޓުން އެތެރެއަށް ދެ ފިޔަވަޅު އެޅުމަށްފަހުއެވެ. ޖައްވުގައި ވީ ތެތްފިނިކަމެވެ. ބޮޑު ގަނޑުވަރެއް ފަދަ ގެ ވަނީ، ރީތި އަލިން ޒީނަތްތެރިކުރުވާފައެވެ. މުޅީން ދިއްލިފައިވީ ނަމަވެސް އެ މާހައުލުގައިވީ ހިތް ނުތަނަސްކުރުވާ ފަދަ ފަޅުކަމެކެވެ. މަދީނާ ގައިން ހީބިހި ނަގައިގެންދިޔައީ ރޭގަނޑުގެ ފިނި ވައިރޯޅިތަކުގެ ތެރެއިން، ނުފެންނަ ދިރުންތަކުގެ ހަޅޭކުގެ އަޑު އިވެމުން ދިޔުމުންނެވެ.
" ކެނާން ދޯ ތި އީ... އަހަރެން މިއީ ޝަފީގް...ތަޅުދަނޑި ހަވާލުކޮށްލަންވެގެން...." ޝަފީގް ތައާރަފްވެލިއެވެ.
" ލައްބަ......ޝަފީގް ތި ކޮށްދެވި މަސައްކަތައް ވަރަށް ޝުކުރު...ޝަފީގު ނޫން މީހަކު މި މަސައްކަތާއި ހަވާލުވާންވެސް ބޭނުންނުވި........." ޝަފީގުއާއި ސަލާން ކުރަމުން ކެނާން ޝުކުރު އަދާކުރިއެވެ.
"ނޯ ވޮރީސް...އެކަމު އަދި މުޅީން ނުނިމޭ...ތަޅުދަނޑި ނެތުމުން ދެވަނަ ބުރީގެ ހޯލު ނިމޭ ހިސާބުގައި ހުރި ކޮޓަރިއަކާއި އަދި ބެކްޔާޑް ދިމާގައި ހުރި ކޮޓެޖްގެ މަސައްކަތް ނުނިމޭ....މާޒިމް އާއި ވާހަކަ ދައްކާލީމަ ބުނި އެތާ ތަޅުދަނޑިވީ ސޭފެއްގަ ކަމަށް....އަންނަ ހަފްތާ ހިސާބު އެ މަސައްކަތައް ގުޅާނެކަމަށް......." ވަރަށް އެކުވެރިކަމާއެކު ޝަފީގު ވާހަކަ ދެއްކިއެވެ.
"ބޮސް. ބޫތު...ބޫތު ހުންނަނީ ނު...އެ ވާހަކަ ބުނަނީ ނު..." ޝަފީގު ކައިރީ ހުރި ބޭރު މީހާ ޝަފީގު ގައިގާ ކޮށްޓާލުމަށް ފަހު ވައި އަޑުން ބުނަމުން ދިޔައެވެ. ޝަފީގު އަވަހަށް އެމީހާ ކައިރީ ހިމޭނުން ހުރުމަށް އިޝާރާތުން ލޯ އަޅާލިއެވެ. އަދި އިތުރު ބޭރު ދެމީހުންވެސް އެކަކު އަނެކަކު މޫނަށް ބަލައި ތިބީ ބިރުގެންފައި ތިބި ފާޑަކަށެވެ.
ކެނާންއަށް އެ މީހާ ދެއްކި ވާހަކަ އަޑު ނީވުނުކަމުގައިވިޔަސް އެ މީހުންގެ މޫނުތަކުގެ ކުލަވަރު ފެނުމުން ހީކުރީ އަނެއްކާ ރުފިޔާގެ މައްސަލައެއް އުޅެނީކަމުގައެވެ. ނަމަވެސް ކޮންސްޓްރަކްޝަން ފީގެ ވާހަކަ އަހާލުމުން އެ ކަމުގެ ލާރި ދީފައި ހުރިކަން އެނގުނެވެ. އަދި ކެނާން އާއި މަދީނާ ގެނައި ފޮށިތައް ގެއަށް ވެއްދުމަށް އެހީތެރިވާން ޝަފީގު އެ ބޭރު މީހުންނަށް އެންގިއެވެ.
***
"ނާޝިދު...ކޮންތާކު ތިހިރީ. ހަމަ މިހާރު މަ ބޭނުން ނާޝިދު އާއި ބައްދަލުކުރަން...." އަމުރުވެރި ރާގެއްގައި ޖައިލަމް ނާޝިދު އަށް އެންގިއެވެ.
"ޖައި...ކިހިނެއްވީ؟ ކަމެއް ގޯސްވީތަ؟" ނާޝިދު ވާނުވާގައި ހުރެ އަހާލެވުނެވެ.
" އާނ ގޯހުން ގޯހަށް ކަންތައް ވެ ނިމިފަ އެއްނު މިއޮތީ...އަހަރެން ހީނުކުރަން އިނގޭ ނާޝިދު ތިހާ ކަޑަ ހަދާފާނެކަމަކަށް...މާޒިމް އާއި ފަރަހްގެ ކައިވެނި ރާވާފައި އޮތްވާ އެހެންމީހަކާ މާޒިމް އިނުން އެއީ ބަލައިގަނެވޭ ކަމެއްނޫން....މަ ކޮށްދިން ކަންތައް އެހާ އަވަހަށް ހަނދާން ނެތުނީތަ؟" ޖައިލަމް ރުޅިވެރިކަމާއެކު ބުނެލިއެވެ.
"ޖައިލަމް...އަހަރެންނަށް ވެސް ތި ހަބަރު ލިބުނީ ހަމަ އިރުކޮޅެއް ކުރީން....މާޒިމް އަށް ގުޅުމުންވެސް ފޯނެއް ނުނަގާ. މިރޭ ރާއްޖެ ދާން ޓިކެޓްވެސް ނަގައިގެން މިހިރީ. އަހަންނަށް އެނގިގެން ކުރި ނަމަތާ...މަވެސް ބޭނުން ގޮތެއް ނޫން މިއީ....އައި ޕްރޮމިސް އައި ވިލް ސޯޓް ދިސް އައުޓް........" އާދޭހުގެ އަޑެއްގައި ނާޝިދު ބުނެލިއެވެ.
ފޯނުން އިތުރަށް ވާހަކަ ދައްކަން ބޭނުންނުވާ ކަމަށް ބުނެ ޖައިލަމް ބުނަމުން ދިޔައީ ލަންޑަންގައި އޭނަ ހުރި ގެއަށް އައިސް ބައްދަލު ކުރުމަށެވެ. ޖައިލަމް އަކީ މުއްސަނދިކަމާއި އެއްވަރަށް ބާރާއި ނުފޫޒު އޮތް މީހެކެވެ. ނަބީލާގެ މަރު އޮޅުވާލުމުގައިވެސް ނާޝިދުއަށް އެހީވެދިން މީހަކީ ޖައިލަމް ކަމުން ނާޝިދުއަށް ޖައިލަމްގެ ބޭނުންތައް ފުއްދަން މަޖުބޫރުވެއެވެ.
***
ކާރުން ގެއާއި ހިސާބަށް އާދެވުނު އިރު ވަރަށް ގިނަ ފަހަރު މާޒިމްގެ ފޯނު ރިންގުވިއެވެ. ނަމަވެސް ކޮންމެ ފަހަރަކު މާޒިމް އެ ފޯނު ކަނޑާލައެވެ. އުރުޖުވާންގެ ހިތުގެ ތެޅުން ބާރު ވަމުން ދިޔައީ ކާރުން ފައިބައިގެން އައި ވަގުތުގައެވެ. އިމާރާތުގެ ތެރެއަށް ވަދެވުނުތާ ސިކުންތެއް ނުވަނީސް ވާރޭ އޮއްސާލިއެވެ. ލިފްޓަށް މަޑުކޮށްލައިގެން މާޒިމް އާއި ދެމީހުން ތިބި އިރު ނޭވާލާން ވެސް އުނދަގޫ ކުރުވާ ކަހަލައެވެ. ލިފްޓުގެ އަޑު ޖެހުމާއެކު އުރުޖުވާން އަވަސް އަވަހަށް ލިފްޓު ތެރެއަށް ދެމިގަތީ ލިފްޓުން ފައިބަމުން ދިޔަ މީހުންގެ ތެރެއިންނެވެ. އަދި ހިތް އަވަސް ވެފައި ހުރުމުން ލިފްޓުގެ ދޮރު ލައްޕައިލާ ބަޓަނަށް ފިއްތުނީ މާޒިމް އެރުމުގެ ކުރީންނެވެ. ބޭނުންވީ މާޒިމް އެރެންދެން ލިފްޓު ހިފަހައްޓައިލުމަށް ކަމުގައި ވީނަމަވެސް އޮޅިގެން ފިތުނީ ލައްޕާލާ ބަޓަނަށެވެ. ވީ ނުވީއެއްނޭނގި މާޒިމް އަށް ހުރެވުނެވެ. އުރުޖުވާން ލިފްޓަށް އެރި ކަމެއް ނުވަތަ ނާރާކަމެއްވެސް މާޒިމް އަކަށް ނޭނގުނެވެ. ލިފްޓަށް މަޑު ކުރުމެއްނެތި އަވަހަށް ސިޑިން މައްޗަށް އެރުމަށް ދުއްވައިގަނެވުނެވެ.
ހަތަރު ވަނަ ބުރިއަށް އަރައި ނިމުނު އިރު ލިފްޓުގެ ދޮރު ވެސް ހުޅުވުނެވެ. މާނޭވާ ލެވިފައިހުރި މާޒިމް ބެލީ އުރުޖުވާން އަށް އޭނައަށް ވެފައި ހުރިވަރު ނޭންގުމަށެވެ. ސިޑި ބޭނުން ކުރުމަކީ މާޒިމް އެހާ ފޫހިވާ ކަމެކެވެ. ލިފްޓު ބާރު ބޮޑުވުމުގެ ސަބަބުން ތަނަކަށް ދާން ކިތަންމެ ލަސްވިކަމުގައިވިޔަސް މާޒިމް ސިޑި ބޭނުން ކުރަން ބޭނުމެއްނުވާނެއެވެ. މާޒިމް އަމިއްލަ ނަފްސުވެސް ހައިރާންކުރުވީ ސިޑި ބޭނުން ކުރަން އެންމެ ސިކުންތެއްވެސް ފަސްނުޖެހުމުންނެވެ.
" އާ ޔޫ އޯކޭ؟" ނޭވާ ހަމަޔަކަށް އެޅުމަށް މަސައްކަތް ކުރަމުން މާޒިމް އަހައިލިއެވެ.
ލަދުން މަރުވާ ވަރުވެފައި ހުރި އުރުޖުވާން އިސްޖަހައިގެން ހުރެ ލިފްޓުން ނިކުތެވެ. "ސޮރީ...އެއީ އަސްލު އޮޅުމަކުން....އުރޫޖް...މި ބުނީ....އަޅުގަނޑަށް އޮޅިގެން ފިތުނީ..............." އުރުޖުވާން ވާހަކަދެއްކީ ވަރަށް ބިރުން ހުރެއެވެ.
މާޒިމް އަށް ހެވުނެވެ. މަދު ބައަކަށް ނޫނީ އެ ހުނުމުގެ އަޑު އިވިފައިނުވާނެއެވެ. މާޒިމް ގެ އެ ހުނުމުގައިވީ ހަގީގަތުގައިވެސް އޭނާގެ ހިތުގައި ބީހިގެންދިޔަ އުފާވެރިކަމުގެ ހިނދުކޮޅެވެ. އިސްޖަހައިލައިގެން ހުރި އުރުޖުވާންގެ ތުންފަތަށް ވެރިވީ ލަދުވެތި ހިނިތުންވުމެކެވެ.
" ތިހާ ފޯމަލްކޮށް ވާހަކަ ނުދެއްކިޔަސް އޯކޭ ވާނެ....އައިމް ނޮޓް ޔޯ ބޮސް............" މާޒިމް ހުނުން ކޮންޓްރޯލް ކުރަން މަސައްކަތް ކުރަމުން ބުނެލިއެވެ. އުރުޖުވާން އެހާ ރަސްމީ ބަހުރުވައަކުން ވާހަކަ ދެއްކުމުން މާޒިމް އަށް ވީ ވަރަށް މަޖާކަމަކަށެވެ.
އުރުޖުވާން އަވަސް އަވަހަށް އެޕާޓްމެންޓަށް ވަދެ ދޮރު ލައްޕައިލިއެވެ. އަދި ފިނިވެ ގަނޑުވެފައިވާ އަތުތެރޭ މޫނު ފޮރުވާލެވުނެވެ.
އުރުޖުވާން ލަދުގެންފައި ހުރިކަން މާޒިމް އަށް ވިސްނުނެވެ. ކުޑަކޮށް އަމިއްލަ ނަފްސުވެސް ކުށްވެރި ކުރެވުނެވެ. މާޒިމް ހުރީ ފޯނު ނަންބަރު ހޯދުމަށް ހިތުއަޅައިގެންނެވެ. ކަމެއް ބޭނުން ވިޔަސް މެސެޖަކުން ނަމަވެސް ވާހަކަ ދައްކާލަން ފަސޭހަވާނެތީއެވެ. މާޒިމް ގެ އެޕާޓްމެންޓަށް ވަންނަން ތަޅުދަނޑި ހޯދާ ހޯދާ ނުފެނުނެވެ. ކެނާން އާއި މަދީނާ އަށް ގުޅުމުންވެސް ހަބަރެއް ނުވިއެވެ. ގޮތް ހުސްވެ ދެ ފަރާތައް ހިނގަމުން މާޒިމް ދިޔައެވެ. ވާރޭވެސް އެހާ ބޯކޮށް ވެހޭއިރު ތަޅުދަނޑި ބަލައިދާންވެސް އުނދަގޫ ވާނެއެވެ. އަދި އުރުޖުވާން އެކަނި ބަހައްޓާފައި ދާންވެސް ހިތް ނޭދެއެވެ.
"ދެންންންން....ހާދަ ފޫއްސޭ...ބޮސް ނޫނަސް ހުންނަނީ އެހާ ބޮސް ހެދިފަ....ދެން އެކަމަކު ހާދަ އެމްބަރޭސިން އޭ....." އުރުޖުވާން ލަދުން ހިތާ ހިތުން ކިޔާލެވުނެވެ. އަދި ދޮރުގައި ހުރި ޕީޕް ހޯލް އިން މާޒިމް ކުރާކަމެއް ބަލައިލަން ބޭނުންވިއެވެ.
"ޔާ ﷲ....ސޭވް މީ....މާޒިމް ކީއްވެތަ މި ދޮރު ކައިރީ....ސުބްޙާނައްﷲ...." އުރުޖުވާން ހިތާ ހިތުން ކިޔަމުން ދިޔައީ އެ ލޯކޮޅުން މާޒިމް ދޮރު ކައިރީ ހުރިތަން ފެނުމުންނެވެ. މާޒިމް ބެލް ޖެހުމަށް އަތް ނެގިތަން ފެނުމުން އުރުޖުވާން އަށް ދޮރު ހުޅުވުނެވެ.
ނުނިމޭ