18 Jan 2024, 06:54
ބޮލީވުޑްގެ ތަޖުރިބާކާރު ޑައިރެކްޓަރު ރާޖް ކުމާރު އަލަށް ތައްޔާރު ކުރާ ވެބް ސީރީޒުން އެކްޓަރު ވިކްރާންތް މަސޭއަށް ފުރުސަތު ލިބިއްޖެއެވެ.
ޑިޒްނީ ޕްލަސް ހޮޓް ސްޓާގައި ސްޓްރީމް ކުރަން ނިންމާފައިވާ މި ވެބް ސީރީޒްއަކީ ރާޖް ކުމާރުގެ ބެލުމުގެ ދަށުން އުފައްދާ ސީރީޒްއެއް ނަމަވެސް މި ސީރީޒް ޑައިރެކްޓް ކުރާނީ ރާޖް ކުމާރު ހިރާނީ ނޫން ކަމަށް އޭނާ ވަނީ ބުނެފައެވެ.
ވިކްރާންތު މަސީ ލީޑު ރޯލު ކުޅޭ މި ސީރީޒް ގެނެސްދޭނީ ޑިޒްނީ ޕްލަސް ހޮޓް ސްޓާއާ ގުޅިގެން ކަމަށާއި ސީރީޒްގެ މަސައްކަތް މި މަސް ތެރޭ ފަށަން ނިންމާފައިވާ ކަމަށް "ދުންކީ"ގެ ޑައިރެކްޓަރު ވަނީ ބުނެފައެވެ. އިންޑިއާގެ ޕްރެސް ޓްރަސްޓް އިންޑިއާއަށް ދިން އިންޓަވިއުއެއްގައި ރާޖް ކުމާރު ބުނެފައިވަނީ މި ސީރީޒްގެ ސްކްރިޕްޓް އޭނާއަށް ވަރަށް ކަމުދިޔަކަމަށެވެ.
ވަކި ނަމެއް ހަމަޖެހިފައިނުވާ މި ސީރީޒްގެ މާ ބޮޑު ތަފުސީލެއް އަދި ހާމަކޮށްފައި ނުވާއިރު ރާޖް ކުމާރުގެ ހިއްސާ ހަމައެކަނި އޮންނާނީ ވެބް ސީރީޒްގެ ޕްރޮޑަކްޝަން އަދި ޝޯވް ރަނިންގްގައި ކަމަށް އޭނާ ވަނީ ބުނެފައެވެ.
އެކްޓަރު ވިކްރާންތު ފިލްމު "ހަސީން ދިލްރުބާ"ގެ މަންޒަރެއްގައި-- ފޮޓޯ/ އިންޓަނެޓް
މި ވެބް ސީރީޒްގެ ލީޑް ރޯލަށް ސޮއި ކުރި އެކްޓަރު ވިކްރާންތަކީ މިދިޔަ އަހަރުގެ އޮކްޓޯބަރު މަހު ރިލީޒްކުރި ފިލްމު "th12 ފެއިލް"ގެ ލީޑް ރޯލުން ފެނުނު އެކްޓަރެވެ. މީގެ ކުރިން ވެސް ބޮލީވުޑްގެ ބައެއް ފިލްމުތަކުން ފެނިފައިވާ އެކްޓަރު "th12 ފެއިލް"ގައި ދެއްކި މޮޅު އެކްޓިންއަށް ފިލްމު އިންޑަސްޓްރީގެ ގިނަ ފިލްމީ ތަރިން ވަނީ ތައުރީފުކޮށްފައެވެ.
ވިކްރާންތު ފަދަ ހުނަރުވެރި އެކްޓަރަކާ އެކު ކެރިއަރުގެ ފުރަތަމަ ވެބް ސީރީޒް ގެނެސްދެވޭތީ އެކަމާ ވަރަށް ބޮޑަށް އުފާވާކަމަށް ޑައިރެކްޓަރު ރާޖް ކުމާރު ވަނީ ބުނެފައެވެ.