17 Jan 2024, 21:43
އޮސްޓްރޭލިއަން އޯޕަން ޓެނިސް މުބާރާތުގެ ތިންވަނަ ބުރުން މި މުބާރާތުގައި ހަތަރު ވަނައަށް ސީޑް ކުރެވިފައިވާ އިޓަލީވިލާތުގެ ޔަނިކް ސިނާ ޖާގަ ހޯދައިފިއެވެ.
މި މުބާރާތުގެ ތިންވަނަ ބުރުން ސިނާ ޖާގަ ހޯދައިފައިވަނީ ދެވަނަ ބުރުގައި ނެދަލަންޑްސްގެ ޖެސްޕާ ޑި ޖޮން އާއި ބައްދަލުކުރި މެޗު ސީދާ ތިން ސެޓުން ކާމިޔާބު ކޮށްގެންނެވެ. 103 މިނެޓްގެ ތެރޭގައި ސިނާ މެޗު ކާމިޔާބު ކުރިއިރު ސެޓްތައް ކާމިޔާބު ކޮށްފައިވަނީ 2-6 ، 2-6 އަދި 2-6 އިންނެވެ.
ތިންވަނަ ބުރުގައި ސިނާ ބައްދަލުކުރާނީ ޑެނިއެލް އެލާނީ ގަލަމް އާއި ސެބަސްޓިއަން ބައެޒް ބައްދަލުކުރާ މެޗުން މޮޅުވާ ކުޅުންތެރިޔަކާއެވެ.
މިމުބާރާތުގައި 17 ވަނަ އަށް ސީޑް ކުރެވިފައިވާ އެމެރިކާގެ ފްރަންސެސް ޓިއަފޯ ވަނީ ދެވަނަ ބުރުގައި ޗެކް ރިޕަބްލިކްގެ ތޯމަސް މަޗަކް އާއި ބައްދަލުކުރިމެޗުން ސީދާ ތިން ސެޓުން ބަލިވެފައެވެ.