17 Jan 2024, 21:51
އެންބީއޭ ބާސްކެޓް ބޯޅަ މުބާރާތުގައި ފިލަޑެލްފިއާ ސެވަންޓީ ސިކްސާސް އާއި އެންމެފަހުގެ ޗެމްޕިއަން ޑެންވާ ނަގެޓްސް ބައްދަލުކުރި މެޗު ސެވަންޓީ ސިކްސާސްއިން ކާމިޔާބުކޮށްފިއެވެ.
ފިލަޑެލްފިއާގެ ވެލްސް ފާގޯ ސެންޓަރުގައި ކުޅުނު މި މެޗު ސެވަންޓީ ސިކްސާސްއިން ކާމިޔާބު ކޮށްފައިވަނީ 126 ޕޮއިންޓުންނެވެ.
ދެ ޓީމުގެ ފަރާތުން ވާދަވެރި އަދި އެހާމެ ފޯރިގަދަ ކުޅުމެއް ފެނުނު މި މެޗުގެ ފުރަތަމަ ތިން ކުއާޓަރުގައި ވެސް ދެ ޓީމުގެ ފަރާތުން ފެނުނީ ވަރަށް ހަމަހަމަ ކުޅުމެކެވެ.
މި މެޗުގައި ސިކްސާސްއިން ކުރި ހޯދައިފައިވަނީ ފަހު ކުއާޓަރުގައެވެ. މި މެޗުގައި ސިކްސާސްގެ ޖޮއެލް އެމްބިޑްވަނީ 41 ޕޮއިންޓް ހޯދައިދީ ހަތް ރީބައުންޑް ނަގައިދީ 10 އެސިސްޓް ކޮށްފައެވެ.
އަދި ނަގެޓްސްއަށް އެންމެ ރަނގަޅު ކުޅުމެއް ދެއްކީ 25 ޕޮއިންޓް ހޯދައިދީ 19 ރީބައުންޑް ނަގައިދީ ތިން އެސިސްޓް ދިން ނިކޮލާ ޔޮކިޗްއެވެ.
މި މެޗު ނިމުމުން އެމްބިޑްވަނީ މި ފެންވަރުގެ ޓީމުތަކުގެ ކުޅުންތެރިންގެ މެދުގައި އެއް ކުޅުންތެރިއެއް އަނެއް ކުޅުންތެރިއަކަށް ކުރާ އިހްތިރާމްގެ ރީތި ނަމޫނާއެއް ދައްކައިލައިފައެވެ.
އެގޮތުން މެޗު ނިމުމާއެކު އެމްބިޑްވަނީ ޔޮކިޗްގެ ކަންފަތްކައިރީ އޭނާއަކީ އެންބީއޭގައި މިވަގުތު ކުޅެމުންދާ އެންމެ މޮޅު ކުޅުންތެރިޔާކަމަށް ބުނެފައެވެ.