15 Jan 2024, 09:05
"ކޮންމެ ދުވަހެއްގެ ވަގުތުތައް ހެޔޮ އަމަލުތަކުން ފުރައިލާށެވެ. ހެޔޮ އަމަލުގެ ތެރޭގައި ފަރުޟު ނަމާދުތަކާއި އެކީ ރަވާތިބު ސުންނަތްތަކާއި ދަމު ނަމާދު، ޟުހާ އަދި ވިތުރުކުރުން، ހެނދުނާއި ހަވީރުގެ ޒިކުރުކުރުން، ގުރުއާނުން ކޮންމެވެސް މިންވަރެއް ކިޔެވުން، ގިނަގިނައިން ދުޢާކުރުން، އެކަނި އިނދެ ﷲ ތައާލާގެ މަތިން ހަނދާންކުރުން، އާއިލާމީހުންގެ ހާލު ބެލުން، ސަދަގާތްކޮށްލުން އަދި ހުރިހާ ނުބައިކަންތައްތަކުން ދުރުހެލިވުމެވެ."
***
"ހީކުރީތަ މަށަށް ނޭނގޭނެކަމަށް އަހަރެންގެ ދަރި ދުނިޔޭގަ ހުރިކަމެއް....އެވެސް ކަލޭގެ ދަނބިދަރިއެއްގެ ގޮތުގައި މިހާރު...." އަޑުގައިވީ ހީލަތްތެރިކަމެވެ. "މޮޔަވީތަ އާދަނު....ކީކޭ ތި ކިޔަނީ...." ނާޝިދު އަށް އަހާލެވުނީ ހައިރާންކަމާއެކުއެވެ.
***
ހޮސްޕިޓަލުގެ ކެފެޓީރިޔާއިން ނިކުމެގެންގޮސް އައިސީޔޫއަށް އުރުޖުވާންވަނީ މާޒިމްއާއެކުގައެވެ. އެއީ ސަބީހާ ދެކެލުމަށެވެ. ކެނާން އަދި މަދީނާ ދިޔައީ މާޒްވިލާ އަށް އެއްޗިހި ޕެކް ކޮށްލައިގެން ދިޔުމަށެވެ. އައިސީޔޫ ތެރޭ ހުރި ފަރަހްގެ މޫނު މަތީން ފެންނަމުން ދިޔައީ ކިޔުނު އެއްޗަކާއި މެދު ލަދުގެންފައި ހުރި މަންޒަރެކެވެ. މާޒިމް ކައިރިޔަށް ޖެހިލުމަށްފަހު ކުރިން ކިޔުނު އެއްޗިއްސަށް އުރުޖުވާން އާއި މާޒިމް ގެ ފަރާތުން މާފަށްވެސް އެދުނެވެ. ސަބީހާ ގެ ހާލަތު ހުރި ގޮތުން އަދި ގެޔަށް ބަދަލުކުރެވޭނެ ވަރެއް ނުވެއެވެ. ޖެހުނު ސްޓްރޯކްގެ ސަބަބުން ސިކުނޑީގެ ބޮޑު ބަޔަކަށް ވަނީ ލޭ އެޅިފައި ކަމުން އަދިވެސް ސާޖަރީ ކުރިކަމުގައި ވިޔަސް ހޭ އަރަން ވަގުތު ބޭނުންވާނެ ކަމަށް ފަރަހްގެ ފަރާތުން އެނގުނެވެ. ސަބީހާ މިހާރުވަނީ ކޯމާ ސްޓޭޓެއްގައެވެ. އުރުޖުވާން ހިތްވަރު ކުރިނަމަވެސް ލޮލުން ފޭދެމުން ދިޔަ ކަރުނަތަކަކަށް ހުއްޓުމެއް ނެތެވެ. ސަބީހާ ގެ އަތުގައި ހިފަހައްޓާލައިގެންހުރެ ގޮވާލެވެނީ އެވެ.
" މާމާ...މާމަ މިއަދު ވަރަށް އުފާވާނެ، އައި ގޮޓް މެރީޑް، އެއްފަހަރު ނަމަވެސް އުރޫޖް އާ ވާހަކަ ދައްކާލަން މާމަ ލޯ ހުޅުވައިލަބަ....ޕްލީޒް......." އުރުޖުވާން ސަބީހާ ގެ އަތުގައި ފިރުމަމުން ވާހަކަ ދެއްކީ ގިސްލަމުންނެވެ. މާޒިމް ކުޑަކޮށް ދުރުގައި ސާޖަރީ ޓީމް އާއި ވާހަކަ ދައްކަން ހުރި ކަމުގައިވީ ނަމަވެސް އުރުޖުވާން އަށް ލޯ ހިންގާލައެވެ. އުރުޖުވާން ނަފްސާނީ ގޮތުން ބަލިކަށި ވާން މާޒިމް ހިތް ނޭދެއެވެ. ސަބިހާ ހޮސްޕިޓަލަށް ގެނައި ދުވަހު އުރުޖުވާން ހޭނެތި ގޮތް ގޮތް ވުމުން އެކަމާ ފިކުރުބޮޑުވެއެވެ. މިއަދު އުރުޖުވާން ބެލެހެއްޓުމުގެ ޒިންމާ އޮތީ މާޒިމްގެ ބޮލުގައި އެޅިފައިކަން ގަބޫލުކުރެވެއެވެ.
***
"އަހަރެންގެ ޕްލޭނާއި ދެކޮޅަށް ކަންތައްތައް ކުރަމުން ތިދަނީ މުޅީންވެސް، ހީކުރީތަ މަމީ ގަމާރެއް ކަމަށް....ނާވިޔާގެ މަރުގެ ހަގީގަތް ހާމަ ކުރަންވީތަ؟" އާދަމް ދިޔައީ ނާޝިދަށް އިންޒާރުދެމުންނެވެ.
"އާދަމް..............." ނާޝިދަށް ހަޅޭއްލަވައިގަނެވުނެވެ.
"ކިތަންމެ ހަޅޭކެއް ލެއްވިޔަސް ވެސް ކަމުގެ ހަގީގަތެއް ބަދަލެއް ނުވާނެ، އަހަރެންގެ ބޭނުންތައް ކަލެއަށް ފުއްދައިދެވިއްޖެތަ؟ ނަބީލާ ނުލިބުނުތާ ނާވިޔާގެ ގެ މަގޭ ނަން މައްޗަށް ބަދަލު ކުރަން ބުނީމަ އެކަމެއްވެސް ނުވިއެއްނު. ޖަލުން މިނިވަން ނުވާނެ ކަމަށް ހިތާ ދޯ ހުރީ. ކަލޭގެ ދުވަސް ގުނަން ފަށާ. ނިމުން ހިތި ވާނެ...ކަލެއަށް ދެން އެހެންގޮތެއް ނެތް......" މަކަރުވެރި ހުނުމެއް މޫނަށްވެރި ކޮށްލަމުން އާދަމް ބުނެލިއެވެ.
"އާދަމް، އުރުޖުވާން ދުނިޔޭގަ ހުރިކަން އެނގުނީ ވަރަށް ފަހުން.........." ބާރަށް ހިތް ތެޅެމުންދިޔަ ނާޝިދު ދޮގު ހެދިއެވެ.
"ޗި...އުރުޖުވާން އޭ...ކޮން ކަހަލަ ނަމެއްތަ؟ އެހެންނޫނަސް ތި ދޮގު ގަބޫލުކުރާނީ ގަމާރެއް، މަށެށް ނޫން. ނާޝިދު ތިހާ މޮޔަ ހަދައިފާނެ ކަމަށް ހީވެސް ނުކުރަން. ނާޝިދުގެ އެންމެ ބޮޑު ސިއްރު ދެނެހުރީވެސް މި އާދަމް. ޖަލުގައި އަހަރެން ވޭތު ކުރި އަހަރުތަކަކީ ބޭކާރު ދުވަސްތަކަކަށް ހަދަން ނޫޅޭތި.. ހުރިހައި ކަމެއް ފަޅާ އަރުވަންވީތަ.؟އަދި އެ ނާވިޔާގެ ދަރިގަނޑުވެސް މާޒިމް އާއި ކައިވެނި ކުރުވާފަ، ލައްކަ ފޯރިއެއް އެބަހުއްޓެއްނު......" އާދަމްގެ އަޑުގައިވީ އެއްވެސް ކަމެއް ކުރަން ފަސްނުޖެހޭނޭ ފަދަ ބިރުވެރި ގޮތެކެވެ. ނާޝިދަށް އެއްޗެއް ނުބުނެވި އުޅެނީސް ފޯނު ކަނޑައިލިއެވެ.
ބަސްހުއްޓުން އަރައިފައި ހަދާނެ ނަހަދާނެ ގޮތެއް ނެތިފައި ނާޝިދަށް ހުރެވުނެވެ. އާދަމް ގުޅި ނަންބަރަށް ދެތިން ފަހަރު ގުޅާލުމުންވެސް ޖަވާބެއް ނުލިބެއެވެ. އިތުރަށް ބޯހާސް ކުރުވީ މާޒިމް އަށް އެތައް ފަހަރު ފޯނު ކުރުމުންވެސް ފޯނު ކަނޑާލުމުންނެވެ. ކޮންމެވެސް ގޯހެއް ވެއްޖެކަން ނާޝިދު އަށް ވިސްނިއްޖެއެވެ. ކެތްމަދުވެފައި ހުރެވުނު ނާޝިދު މަދީނާ އާއި ކެނާން އަށް ގުޅުމުންވެސް ޖަވާބެއް ނުލިބުނެވެ. ފޯނުން ސަބީހާގެ ނަންބަރު ހޯދުމަށްފަހު ގުޅާލިއެވެ. ދިހަ ވަރަކަށް ފަހަރު ފޯނަށް ގުޅުނު ކަމުގައިވިޔަސް އެ ކޮޅުން ޖަވާބެއް ނުލިބުނެވެ. ނާޝިދު ނިންމީ ވަގުތުން ވަގުތަށް ރާއްޖެ ދިޔުމަށް ޓިކެޓް ނެގުމަށެވެ.
***
އައިސީޔޫ އިން ނިކުތް ވަގުތަކީ އުރުޖުވާންގެ ހިތައް އެންމެ އަސަރު ކުރުވި ވަގުތެވެ. ސަބީހާގެ އަތުގައި ބޮސް ދިނުމަށް ފަހު އެ އަތުން ވީއްލައިލީ ގިސްލެވޭ ހާލުގައެވެ. އައިސީޔޫ އިން ބޭރަށް ނިކުތުމަށް ދޮރު ހުޅުވާލަދިނީ މާޒިމްއެވެ. މަންޒަރު ބަލަން ދުރުގައި ހުރި ފަރަހްގެ ހިތުގައި ހީވީ އަލިފާން ކަނި ބުރައިގެންދާ ހެންނެވެ. މާޒިމް އާއި އުރުޖުވާން އެކަނި ވެލީ ދެނެވެ. ސަބީހާ ފުރަތަމަ ހޮސްޕިޓަލަށް ގެނުވުނު ރޭ ފަހުން މާޒިމް އާއި އުރުޖުވާން އެކަނިވެލި ފުރަތަމަ ފަހަރެވެ. ދެ މީހުންގެ ފިޔަވަޅުތައް އެކަކު އަނެކަކާއި އެއްވަރު ކުރުމަށް މަސައްކަތްކުރެވެއެވެ. މާޒިމްގެ ހަލުވި ފިޔަވަޅުތައް ބައެއް ފަހަރު ލަސްވެ އުރުޖުވާންގެ މަޑުމައިތިރި ފިޔަވަޅުތައް އަވަސްވެލަނީ ދެމީހުންވެސް އެކަކު އަނެކަކާއި އެކީ ހިނގޭތޯބެލުމަށެވެ. ހަލަބޮލި ހޮސްޕިޓަލުތެރޭ ބައެއް މީހުންގެ ކޮނޑާއި ކޮނޑު ޖެހޭ ފަހަރު ގިނައެވެ. އުރުޖުވާންގެ ގަޔާ ދިމާޔަށް ވާ ގޮތައް އައި ބިޔަ މީހަކު ފެނުމުން މާޒިމްގެ ގަމީހުގައި ހިފުނީ ގަތް ބިރެއްގެ ސަބަބުންނެވެ. މާޒިމްގެ ގަމީހަށް ވާންވުމުން ބެލުނީ އުރުޖުވާންގެ މޫނަށެވެ. ލޯ ފިތައި ބާރުކޮށްލައިގެން ހުރި އިރު އެ ލޮލުގެ ދިގު އެސްފިޔަތަކުގެ ރީތި ކަން އިތުރަށް ހާމަވެއެވެ. އުރުޖުވާންގެ ލޯ ހުޅުވުނީ މާޒިމްގެ އެ އަތުގައި ހިފައި ބާރު ކޮށްލުމުނެވެ. ގަނޑުފެން ހާ ފިނި އެ އަތައް އިހުސާސްވި ހޫނަކީ އެ ހަލަބޮލި ކަމުގެ ތެރެއިން ލިބުނު ހިމާޔަތެކެވެ. ލަދުން މަރުވާ ވަރުވެފައި ހުރި އުރުޖުވާން އަށް ހިތާ ހިތުން ނަފްސު ކުށްވެރި ކުރެވުނެވެ. އޭނަގެ ދޮން މޫނަށް އެޅިގެން ދިޔައީ ރަތުގެ ހުރިހާ ކުލަވަރެކެވެ.
"ސޮރީ..." އުރުޖުވާން އަށް ބުނެލެވުނީ މަޑު ވައި އަޑަކުންނެވެ. ކަރުގައި އަޑު ތާށިވެފައި ހުރެވުނީ ލަދުގެންފައި ހުރުމުންނެވެ. މާޒިމްގެ ތޫނު ކަންފަތުގައި އެ އަޑު ޖެހުމުން ލުއި ހިނިތުންވުމެއް މޫނަށް ވެރިވިއެވެ. ނަމަވެސް އެއްޗެއް ނުބުނެ ހުރީ އިތުރަށް އުރުޖުވާންގެ އަޑު އަހާލުމުގެ އުއްމީދުގައެވެ. ނަމަވެސް އުރުޖުވާން ގަނެފައި ހުރި ލަދުން ބަހެއް ނުބުނެ މަޑުކުރީ ކާރާއި ހިސާބަށް އާދެވެންދެނެވެ. ކާރާއި ހިސާބަށް އާދެވި ކާރު ދޮރު ހުޅުވައިލުމަށްފަހު މާޒިމް އިނީ އުރްޖުވާން ކާރަށް އެރެންދެން ދޮރު ކައިރީ މަޑުކޮށްލައިގެންނެވެ. އުރުޖުވާން ލާފައި ހުރި އަބާޔާ ދިގު ކަމުން ކާރުން ބޭރަށް އޮތް ބައި ވެސް ކާރުތެރެއަށް ލައިދިނީ ނުހަނު އޯގާތެރިކަމާއިއެކީއެވެ. އުރުޖުވާން އަށް ކުރިން ފެންނަ މާޒިމް އާއި މިހާރު ފެންނަ މާޒިމްގެ ތަފާތުކަން ފެނި ހައިރާންވާވަރުވެއެވެ. ކުރީން މާޒިމް ސިފަ ކުރެވެނީ ވަރަށް ހަރުކަށި އަދި ރުޅިވެރި މޫނަކާއި އެކުއެވެ. މިހާރު ތަފާތެވެ. ކާރު ތެރެއަށް ވެރިވެފައިވީ ހަމަހިމޭންކަން ފަނޑުފިލުވައިލުމަށް ރޭޑިޔޯ ޖައްސާލިއިރު އިނީ ޤުރުއާނެވެ. ޝެއިޚް މިންޝާވީގެ ރީތި އަޑުން ކިޔަވަމުން ދިޔައީ ސޫރަތުއް ރޫމް އެވެ. މާޒިމް އަވަހަށް މިއުޒިކް ޗެނަލަކަށް ބަދަލުކޮށްލަން އުޅުމުން އުރުޖުވާންއަށް ބޭއިޚްތިޔާރުގައި ބަދަލުނުކުރުމަށް އެދެވުނެވެ.
"ނޯ...ވެއިޓް..."
"ވަރަށް ރިތި ސޫރަތެއް...ކޭން ވީ ލިސިން ޓު ދިސް ސޫރަތް ޓިލް ވީ ރީޗް ހޯމް.............." ލަދުން އިސްޖަހައިލައިގެން ހުރެވެސް އުރުޖުވާންއަށް ފުރަތަމަ ފަހަރަށް ބުނަން ބޭނުންވި ޖުމްލަ ފުރިހަމަ ކޮށްލެވުނެވެ.
"އޯކޭ..........."މާޒިމްގެ ތުންފަތަށް ލުއި ހިނިތުންވުމެއް ވެރިވިއެވެ.
މުޅި ކާރުގައި ހިފާފައި ހުރީ ވެނީލާގެ މީރު ވަހާއި އެކު އަޑު އިވެމުންދިޔަ ޤުރުއާންގެ މޫރިތި އާޔަތްތަކުން ހިތް ފުރޭހާ އުފާވެރިކަން އުރުޖުވާންއަށް އިހުސާސްވެއެވެ. އެ ސޫރަތުގެ 21 ވަނަ އާޔަތް (وَمِنۡ ءَايَٰتِهِۦٓ أَنۡ خَلَقَ لَكُم مِّنۡ أَنفُسِكُمۡ أَزۡوَٰجٗا لِّتَسۡكُنُوٓاْ إِلَيۡهَا وَجَعَلَ بَيۡنَكُم مَّوَدَّةٗ وَرَحۡمَةًۚ إِنَّ فِي ذَٰلِكَ لَأٓيَٰتٖ لِّقَوۡمٖ يَتَفَكَّرُونَ)މާނައީ : "ތިޔަބައިމީހުންނަށްޓަކައި ހަމަ ތިޔަބައިމީހުންގެ ނަފްސުތަކުން އަނބިން ހެއްދެވިކަމީ، އެކަލާނގެ ކުޅަދުންވަންތަކަމުގެ ހެކިތަކުގެ ތެރެއިންވާ ކަމެކެވެ. އެއީ ތިޔަބައިމީހުން އެކަނބަލުންގެ ފަރާތުން ހަމަހިމޭންކަން ލިބިގަތުމަށްޓަކައެވެ. އަދި އެކަލާނގެ ތިޔަބައިމީހުންގެ މެދުގައި ލޯތްބާއި، އޯގާވެރިކަން ލެއްވިއެވެ. ހަމަކަށަވަރުން، ފިކުރު ހިންގާ ބަޔަކަށް އެކަމުގައި ހެކިތަކެއްވާކަން ކަށަވަރެވެ." އެ އާޔަތް އިވުމުން އުރުޖުވާންއަށް މިއަދު ކުރެވުނު ކައިވެނި ހަނދާންވެ އަނގަމަތީ އަތް އެޅުނީ ހައިރާންކަމާއެކުއެވެ. އެ މަންޒަރު ދުށް މާޒިމް އަށް އެ އާޔަތުގެ މާނަ ބަލައިލަން ހިތް އެދުނެވެ.
***
"ކުޑަބެ.....އައި ހޭވް އަ ކުއެސްޝަން..." މާޒްވިލާ އަށް ދާން ދިޔަ ކާރުތެރޭ ހުރެފައި ކެނާން ގާތު މަދީނާ އަހައިލިއެވެ.
" މްހްމް...ކޮން ވާހަކައެއް..." ކެނާން ވަރަށް ޝައުގުވެރިކަމާއެކު އަޑުއަހާހިތްވިއެވެ.
"ކުޑަބެ ދުވަހަކުވެސް އެކްސްޕީރިޔަންސް ކުރިންތަ އަދަރ ވޯލްޑްލީ ޕަވަރ އެއް؟ ބައެއް ފަހަރު އައި ތިންކް އައި ޑޫ..." މަދީނާ ވަރަށް ޖެހިލުންވެފައި ހުރެ ކެނާން އާއި ވާހަކަ ދެއްކީ ވައި އަޑަކުންނެވެ.
"ޔެސް...ކުޑަބެއަށް އެކަހަލަ ކަމެއް ދިމާވި...ޑިޑް ސަމްތިންގް ހެޕެން؟" ކެނާން ހިތް ބިރުގަތެވެ.
"ރިމެމްބަރ މައި އިމޭޖިނަރީ ސްޓޯކާ. ދެޓް ބޯއި. ވަރަށް ގިނައިން މިހާރު އާދޭ. ދޮންބެ ކައިރީ އެކަމު ނުބުނައްޗޭ. ދޮންބެ ބުނާނީ އައިމް ހެލޫސިނޭޓިން އޭ....އެކަމަކު.." މަދީނާ ލައިގެން ހުރި އަތް ދިގު ޓީޝާރޓު އޮޅާލުމަށްފަހު ދައްކާލިއެވެ.
" ސުބްޙާނަﷲ. ހާދަ ބޮޑަށް މިއޮތީ ނޫފައިގެންފަ...ވައި ޑިންޓް ޔޫ ޓެލް މީ؟" ކެނާން ގެ ލޮލަށް ކަރުނަތައް ޖަމާވިއެވެ.
" އިމޭޖިނަރީ ނަމަ މިގޮތައް އަނިޔާއެއް ނުލިބޭނެއެއްނު. އުރޫޖް މާމަ ބަލިވީ ރޭ ވީ ކަންތައްތައް މި އީ...އައިމް ރިއަލީ ސްކެއާޑް ޓު ބީ އެލޯން ނައު..................."
***
" ޑޭޑް....މާޒިމް ގޮޓް މެރީޑް..." ރުއިމުގެ އަޑުގައި ފަރަހް ވާހކަ ދެއްކީ އޭނަގެ ބައްޕަ އާއި އެވެ. ފަރަހް އަކީ ސިޔާސީ މައިދާނުގައި މަޝްހޫރު ނަންހިނގާ ޖައިލަމް ސާދިގު ގެ ހުރި އެންމެ ދަރިއެކެވެ. ފަރަހް އަކީ ބޭނުންވާ ހުރިހާ ކަމެއް ހާސިލުކޮށްފައި ނޫނީ ދޫ ނުކުރާނޭ ކަހަލަ މިޒާޖެއް ހުންނަ ފޮނި ބޮޑު ކުއްޖެކެވެ. ޖައިލަމް އާއި ފަރީޝާ ގެންގުޅެ ބޮޑުކުރީވެސް ހަމަ އެފަދައިންނެވެ.
"ކީކޭ...ކާކާ އިނީ؟ ބައްޕަ މިހިރީ ހަމަ އަޑު އެހިތާ...ނާޝިދު އާއިވެސް ދަރިފުޅުމެންގެ ކައިވެނީގެ ވާހަކަ ދެކެވިފަ އޮތީ...ބައްޕަ ތިކަން އެބަ ބަލަން...ދަރިފުޅަށް ޔަގީންތަ؟" ޖައިލަމް ހުރީ ހައިރާންވެފައެވެ.
"ނޯ ޑޭޑް... މީ ހަމަ އަސްލު...ކޮންމެވެސް ކަޅު ކަޅު ކުއްޖަކާ...ގޯނި ހެދުމެއް ލައިގެން ހުރި..ޑޭޑް އައި ވޯންޓް ހިމް. ފަރަހް އަމިއްލަ އަށް މަރުވެސް ވެދާނަން މާޒް ނުލިބެންޏާ. ޑޭޑް އައި ވޯންޓް ހިމް..." ފަރަހް އަށް މިއަދު ދިމާވި ކަންތަކާއި ސަބީހާ ގެ ވާހަކަވެސް ޖައިލަމް އަށް ކިޔައދިނެވެ.
"ޕްރިންސެސް..ބައްޕަ އެބަ ބަލަން ތިކަމުގެ ހަގީގަތް...ދަރިފުޅަށް މާޒިމް ހޯދައިދޭނަން ކޮންމެ ގޮތެއް ހަދާފައިވެސް...ދަރިފުޅަށް ނޫނީ އެހެންމީހަކަށް މާޒިމް އެއް ނުލިބޭނެ..................." ޖައިލަމް ފުން ނޭވާ އެއް ދޫކޮށްލަމުން ފަރަހް އަށް ޔަގީންކަން އެރުވިއެވެ.
ނުނިމޭ