14 Jan 2024, 08:59
ޔުކްރޭންގެ މައި ރަށްތަކަށް އަމާޒުކޮށް ރަޝިޔާއިން ވައިގެ ހަމަލާތަކެއް ދީފިއެވެ.
އެ ހަމަލާތައް ދީފައިވަނީ 37 މިސައިލާއި ތިން ޑްރޯން ބޭނުންކޮށްގެނެވެ.
ޔުކްރެއިންގެ އަސްކަރިއްޔާއިން ބުނާ ގޮތުން އެ މިސައިލްތަކުގެ ތެރެއިން ޔުކްރޭނަށް ވައްޓައިލެވުނީ އެންމެ އަށް މިސައިލެވެ.
އެއީ އެ ގައުމުގެ ވައިގެ ދިފާއީ ނިޒާމުގައި ބޭނުންކުރާ މިސައިލްތަކުގެ އަދަދު މަދުވަމުން ދިމާވި ކަމެއްކަމަށް އަސްކަރިއްޔާއިން ބުނެއެވެ.
ރަޝިޔާގެ ހަމަލާތަކުގައި ބޭނުންކޮށްފައި ވަނީ ވަރަށް ދުވެލި ބާރު ބެލިސްޓިކް މިސައިލްތަކެއް ކަމަށާއި އެ ފަދަ މިސައިލްތަކަކީ ދިފާއު ކުރަން ފަސޭހަ މިސައިލްތަކެއް ނޫންކަމަށް ވެސް ޔޫކްރެއިނުން ބުނެއެވެ.
ރަޝިޔާގެ ޙަމަލާތައް އަމާޒު ކޮށްފައިވާ ރަށްތަކުގެ ތެރޭގައި ޔޫކްރެއިންގެ އިރުދެކުނުގައިވާ ދްނީޕްރޯއާއި އުތުރުގައި އޮންނަ ޗަރްނިހިވް ހިމެނެއެވެ.
ނަމަވެސް ހަމަލާތައް އަމާޒުކޮށްފައިވަނީ ކޮން ސަރަހައްދުތަކަކަށް ކަމެއް ކަށަވަރެއް ނޫނެވެ. ނަމަވެސް މިހާތަނަށް އެ ހަމަލާތައް ޔުކްރޭންގެ ފަސް ސަރަހައްދަކަށް އަމާޒުވެފައިވާ ކަމަށް ރިޕޯޓުތައް ބުނެއެވެ.