11 Jan 2024, 19:50
ހުރިހާ ވަގުތަކު ވެސް ސިއްހީ ޚިދުމަތް ލިބޭނެހެން ހުޅުމާލެ ދެވަނަ ފިޔަވައްސާ ގުޅިފައި އޮތް ފަރުކޮޅުފުށީގައި ޕެޓް ކެއާ ފެސިލިޓީއެއް ގާއިމު ކުރަން މިއަދު ނިންމައި އެ ކަމުގެ އެއްބަސްވުމުގައި މިއަދު ސޮއިކޮށްފިއެވެ.
މި މަޝްރޫއުގެ އަމަލީ މަސައްކަތް ފެށުމަށް ޓަކައި ފަރުކޮޅުފުށީގެ ބިން މިނިސްޓްރިއާ ހަވާލުކުރުމަށް މިއަދު ވަނީ އެއްބަސްވުމެއްގައި ސޮއިކޮށްފައެވެ. މި އެއްބަސްވުމުގައި އާބަންކޯއާއި އެގްރިކަލްޗަރު މިނިސްޓްރީގެ ފަރާތުން ވަނީ ސޮއިކޮށްފައެވެ.
މި ރަސްމިއްޔާތުގައި ވާހަކަދައްކަވަމުން، އެގްރިކަލްޗަ އެންޑް އެނިމަލް ވެލްފެއާގެ ސްޓޭޓް މިނިސްޓަރު ހުސައިން އިސްމާއިލް ވިދާޅުވީ، މި މަޝްރޫއަކީ ވަރަށް ބޮޑު މަސައްކަތެއް ކަމަށެވެ. މީގެ އިތުރަށް އޭނާ ވިދާޅުވީ މި ފެސިލިޓީވާނީ ވަރަށް ގިނަ ޚިދުމަތްތަކެއް ލިބޭނެ ފެސިލިޓީއަކަށް ކަމަށެވެ.
ޕެޓް ކެއާ ފެސިލިޓީ ހެދުމަށް ބިން ހަވާލު ކުރުމަށް އާބަންކޯއާއި، އެނިމަލް ވެލްފެއާ މިނިސްޓްރީން ސޮެއި ކުރުމުގެ ރަސްމިއަޔާތުގެ ތެރެއިން-- ސަން ފޮޓޯ: އިނފިނިޓް މޮމެންޓްސް/ އަހުމަދު އަމަން ލަތީފް
އޭނާ ވިދާޅުވީ މި ފެސިލިޓީ ގާއިމު ކުރުމުގެ އެއް މަގުސަދަކީ، ބުޅާތައް މާލޭގައި ގިނަވަމުންދާތީ، އެ ބުޅާތަކަށް ފަރުވާދީ، ގެންގުޅެވޭނެ ކެޓް ޝެލްޓާއެއް ގާއިމުކުރުން ކަމަށެވެ. އަދި މިކަމުގެ ސަބަބުން ބުޅާ ގިނަވެ މަގުތައް ނަޖިސްވުން ފަދަ ކަންކަމަށް ދާއިމި ހައްލެއް ލިބޭނެކަމަށް އުންމީދު ކުރައްވާކަމަށް ވެސް އޭނާ ވަނީ ވިދާޅުވެފައެވެ.
"މިގެ ސަބަބުން ދާއިމީ ހައްލެއް ލިބިގެންދާނެ ކަމަށް އުންމީދު ކުރަނީ. މިއީ ފެށުމެއް. އަޅުގަނޑުމެން މި މަސައްކަތް މުޅި ރާއްޖެއަށް ފެށިގެންދާގޮތަށް ކުރިން އެއީ، މި ސަރުކާރުގެ އަމާޒު" އޭނާ ވިދާޅުވިއެވެ.
އޭނާ ވިދާޅުވީ، މި ފެސިލިޓީގެ މަސައްކަތަކީ ސަރުކާރުގެ ހަފުތާ14ގެ ތެރޭ ހިމެނޭ ކަމެއް ކަމަށެވެ. އެހެންކަމުން ފުރަތަމަ 100 ދުވަހުގެ ތެރޭ އެ ކަން ކުރައްވާ ނިންމަވާނެކަމަށް ވިދާޅުވިއެވެ.
ޕެޓް ކެއާ ފެސިލިޓީ ހެދުމަށް ބިން ހަވާލު ކުރުމަށް އާބަންކޯއާއި، އެނިމަލް ވެލްފެއާ މިނިސްޓްރީން ސޮެއި ކުރުމުގެ ރަސްމިއަޔާތުގެ ތެރެއިން-- ސަން ފޮޓޯ: އިނފިނިޓް މޮމެންޓްސް/ އަހުމަދު އަމަން ލަތީފް
މި ރަސްމިއްޔާތުގައި ޕީޕީއެމް ޕީއެންސީގެ މޭޔަރު ކެނޑިޑޭޓު އާޒިމާ ޝަކޫރު ވެސް ބައިވެރިވެވަޑައިގަތެވެ.
އާޒިމާ ވިދާޅުވީ މިހާރު ރާއްޖޭގައި ހުރި ފެސިލިޓީތަކުގައި ޚިދުމަތް ލިބޭ ވަގުތުކަމަށްވާ ހަވީރު 6:00 އާއި ރޭގަނޑު 08:00 އާ ޚިލާފަށް މި ފެސިލިޓީން 24 ގަޑިއިރުގެ މެޑިކަލް ޚިދުމަތް ލިބޭނެ ކަމަށެވެ.
ޕެޓް ކެއާ ފެސިލިޓީ ހެދުމަށް ބިން ހަވާލު ކުރުމަށް އާބަންކޯއާއި، އެނިމަލް ވެލްފެއާ މިނިސްޓްރީން ސޮެއި ކުރުމުގެ ރަސްމިއަޔާތުގެ ތެރެއިން-- ސަން ފޮޓޯ: އިނފިނިޓް މޮމެންޓްސް/ އަހުމަދު އަމަން ލަތީފް
މީގެ އިތުރުން ފެސިލިޓީ ހެދުމާއެކު މަގުތަކުން ބުޅާތައް ނެގުމުން މަގުތައް ސާފުކުރުމުގެ ބޮޑު މަސައްކަތެއް ކުރެވުނީ ކަމަށް ވިދާޅުވިއެވެ.
"ހަމައެއާއެކު ނެގުމާއެކުގައި މަގުތައް އިތުރަށް ވިސްނަން ޖެހޭނެ އަޅުގަނޑުމެންނަނށް މީދަލާއި ދެން ހުރި އެއްޗެހީގެ ސާފުތާހިރު ކަމަށް އަޅުގަނޑުމެން އިމިޑިއެޓްލީ ފަށަން ޖެހޭނެ. އެކަމު ފެން ބޮޑުވެގެން ދެން އަޅުގަނޑުމެން ނަޖިހުގެ ތެރޭގައި އުޅެން ޖެހޭ ޖެހުމާ މި ކަންތައްތައް ވަރަށް ބޮޑަށް ހައްލު ވެގެންދާނެ," އާޒިމާ ވިދާޅުވިއެވެ.
އެއާއެކު އޭނާވަނީ މި މަޝްރޫއު ސަރުކާރުން ފެއްޓެވީތީ އެ ކަމަށް ޝުކުރު އަދައިކުރައްވައިފައެވެ.