11 Jan 2024, 23:23
އެންބީއޭ ބާސްކެޓްބޯޅަ މުބާރާތުގައި ބޮސްޓަން ސެލްޓިކްސް އާއި މިނެސޯޓާ ޓިމްބާވުލްވްސް ބައްދަލުކޮށް ސެލްޓިކްސްއިން މެޗު ކާމިޔާބު ކޮށްފިއެވެ.
ބޮސްޓަންގެ ޓީޑީ ގާޑެންގައި ކުޅުނު މި މެޗުގައި އިތުރު ވަގުތު ކުޅެ ސެލްޓިކްސް ކާމިޔާބު ކޮށްފައިވަނީ 127 ޕޮއިންޓުންނެވެ.
ވާދަވެރި ކުޅުމެއް ފެނުނު މި މެޗުގައި ސެލްޓިކްސްގެ ޖޭސަސް ޓެޓުމްވަނީ 45 ޕޮއިންޓް ހޯދައިދީ ހަތް ރީބައުންޑް ނަގައިދީ ހަ އެސިސްޓް ކޮށްފައެވެ. އަދި ވުލްވްސްއަށް އެންމެ ރަނގަޅު ކުޅުމެއް ދެއްކީ 25 ޕޮއިންޓް ހޯދައިދީ 13 ރީބައުންޑް ނަގައިދީ ހަ އެސިސްޓް ކޮށްދިން ކާލް އެންތަނީ ޓައުންސްއެވެ.
މިމުބާރާތުގައި ކުޅުނު އެހެން މެޗުތަކަށް ބަލާއިރު އިންޑިއާނާ ޕޭސާސްއާއި ވޮޝިންޓަން ވިޒަޑްސް ބައްދަލުކުރި މެޗު 112 ޕޮއިންޓުން ޕޭސާސް ކާމިޔާބު ކުރިއިރު ސެން އެންޓޯނިއޯ ސްޕާސްއާއި ޑެޓްރޮއިޓް ޕިސްޓަންސް ބައްދަލުކުރިމެޗު 130 ޕޮއިންޓުން ކާމިޔާބު ކޮށްފައިވަނީ ސްޕާސްއެވެ.
ސެކްރެމެންޓޯ ކިންގްސް އާއި ޗާލޮޓް ހޯނެޓްސް ބައްދަލުކުރި މެޗު 123 ޕޮއިންޓުން ކިންގްސް ކާމިޔާބު ކޮށްފައިވާއިރު އެޓްލާންޓާ ހޯކްސް އާއި ފިލަޑެލްފިއާ ސެވަންޓީ ސިކްސާސް ބައްދަލުކުރި މެޗު އޯވާ ޓައިމް ކުޅެ 139 ޕޮއިންޓުން ކާމިޔާބު ކޮށްފައިވަނީ ހޯކްސްއެވެ.