11 Jan 2024, 09:08
ފިލްމު "ހޫބުސޫރަތު"އިން 2014ވަނަ އަހަރު ބޮލީވުޑަށް ތައާރަފްވި ޕާކިސްތާނުގެ ކާމިޔާބު ފިލްމީ ތަރި ފަވާދު ޚާން ބޮލީވުޑްގައި ކުރެވުނު ތަޖުރިބާތަކާ ބެހޭގޮތުން ވާހަކަ ދައްކައިފިއެވެ.
ޕާކިސްތާނުގެ އެކްޓަރު އަހްމަދު އަލީ ބަޓްގެ ޔޫޓިއުބް ޗެނަލްއަށް ދިން އިންޓަވިއު އެއްގައި ފަވާދު ބުނީ ބޭރު ޤައުމަކަށް ވުރެ ބޮޑަށް އަމިއްލަ ޤައުމުގެ ފިލްމު ފިލްމު އިންޑަސްޓްރީގައި 'ޕޮލިޓިކްސް'އާ ކުރިމަތިލުން މާ ފަސޭހަ ކަމަށެވެ.
ފަވާދު ޚާން ބޮލީވުޑްގެ ފިލްމީ ތަރިން ކަމަށްވާ އާލިއާ ބަޓް އަދި ސިދާތު މަލްހޯތުރާއާއެކު— ފޮޓޯ/ޖީކިއު އިންޑިއާ
ޕާކިސްތާނުގެ ފިލްމު އިންޑަސްޓްރީގެ އެންމެ ކާމިޔާބު، އެންމެ މަގުބޫލު ފިލްމީ ތަރި ހިންދީ ސިނަމާއަށް ތަޢާރަފް ވުމާއެކު އިންޑިއާގެ ގިނަ ބައެއްގެ ތަރުހީބު ފަވާދަށް ލިބުނެވެ.
ހަލުވިކަމާ އެކު ގަދަ ހަތަރަކުން ޖާގަ ލިބުމުން ފަވާދަކީ ބޮލީވުޑްގެ ފިލްމީ ތަރިންނަށް ހުރި ނުރައްކަލެއް ކަމަށް ގިނަ ބަޔަކު އައީ ސިފަ ކުރަމުންނެވެ.
އަހުމަދު އަލީ މިކަމާ ގުޅޭގޮތުން ސުވާލު ކުރަމުން ފަވާދު ބުނީ އެކަމާ ގުޅޭގޮތުން އެއްޗެއް ބުނަން ނޭނގޭ ކަމަށެވެ. ފަވާދުގެ ޕީއާރް މެނޭޖާއާ އެންމެ ގިނައިން ދެ ބަސްވާން ޖެހޭ ކަމަކަށް އޮންނަނީ ފަވާދުގެ ސޯޝަލް މީޑިއާ ޕޯސްޓުތައް މަދު ކުރުމަށް އެދޭ އެދުން ކަމަށާއި އަމިއްލަ ޤައުމުން ބޭރުގައި ބޮޑު ހަނގުރާމައެއް ފަށަން ފަވާދު އެއްވެސް އިރަކު ތައްޔާރު ނޫން ކަމަށް މި ޔޫޓިއުބް ޗެނަލް އިންޓަވިއުގައި އެކްޓަރު ވަނީ ބުނެފައެވެ.
އިންޑިއާގެ ވަރަށް ގިނަ ބައެއްގެ ލޯބި ހީކުރި ވަރަށްވުރެ މާބޮޑަށް ވެސް ލިބުނު ކަމަށާއި އާއްމުންގެ ތެރެއަށް މާބޮޑަށް ނުކުމެ 'އެކްސްޕޯސް' ވުމަކީ ފަވާދު އެހާ ގާޔާވާ ކަމެއް ނޫން ކަމަށް ވަނީ ބުނެފައެވެ. އެހެންވެ ވަރަށް ގިނަ ފަހަރަށް ފަވާދުގެ ނަން ވަރަށް ގިނަ މުނާސަބާތަކުން ނެގުމަށް ޕީއާރު ޓީމުގައި އެދިފައި ވާނެ ކަމަށް އެކްޓަރު ވަނީ ބުނެފައެވެ.
ފަވާދު ޚާން ޕާކިސްތާނުގެ ބަތަލާ މާހިރާ ޚާންއާ އެކު—
ޕާކިސްތާނުގެ މަޝްހޫރު ވެބް ސީރީސް "ހަމް ސަފަރު" އަދި "ޒިންދަގީ ގުލްޒާރު ހޭ"ގެ އެކްޓަރު ކުޅުނު ހިންދީ ފިލްމު ތަކުގެތެރޭ ދަރުމާ ކުންފުނީގެ ދެ ފިލްމު "ކަޕޫރު އެންޑް ސަންސް" އަދި "އޭ ދިލް ހެ މުޝްކިލް" ހިމެނެއެވެ.
ފަވާދުގެ އިތުރުން ޕާކިސްތާނުގެ ގިނަ ފިލްމީ ތަރިންނާ ލަވަކިޔުންތެރިން އިންޑިއާގައި މަސައްކަތް ކުރުން ހުއްޓާލީ 2016ވަނަ އަހަރުގެ އުރީ ހަމަލާއަށް ފަހުއެވެ. ޕާކިސްތާނުގެ ފިލްމީ ތަރިންނަށް އިންޑިއާގައި މަސައްކަތް ނުކުރެވޭ ގޮތަށް ނިންމި ނިންމުން މިދިޔަ އަހަރު ބޮމްބޭ ހައި ކޯޓުން ވަނީ އުވާލާފައެވެ.