09 Jan 2024, 14:50
އެވިއޭޝަން ސެކިއުރިޓީ ކޮމާންޑުގެ ޗީފް އިންސްޕެކްޓާ އަހުމަދު ރަޝީދު މިއަދުގެ ވަގުތެއްގައި ނިޔާވެއްޖެއެވެ.
ރަޝީދު ނިޔާވިއިރު އޭނާގެ އުމުރަކީ 61 އަހަރެވެ.
ނިޔާވިއިރު ވެސް ރަޝީދު މަސައްކަތްކުރައްވަމުން ގެންދިޔައީ ރެގިއުލޭޓާ އޮފް އޭވިއޭޝަން ސެކިރުޓީއިން މޯލްޑިވްސް (ދާސާ)ގައެވެ.
ރަޝީދުގެ ކަށުނަމާދު ކުރަން ހަމަޖެހިފައިވަނީ އަސްރުނަމާދަށް ފަހުގައި ހުޅުމާލެ މަސްޖިދު ޒައިދު ބިން ޘާބިތުގައެވެ.
ޑިފެންސް މިނިސްޓްރީން ބުނީ އޭވިއޭޝަން އިންޑަސްޓްރީގައި ރަޝީދު 42 އަހަރަށްވުރެ ގިނަ ދުވަހު ޚިދުމަތްކޮށްފައިވާ ކަމަށެވެ.
ރަޝީދަކީ އަބަދު ވެސް އިންޑަސްޓްރީގެ ޓީމު ވަރުގަދަކުރަން އެހީތެރިވެދީ، މުހިންމު މަސައްކަތްތަކެއް ކޮށްފައިވާ ބޭފުޅެއް ކަމަށް އެ މިނިސްޓްރީން ބުންޏެވެ.
ރަޝީދަކީ އޯގާތެރިކަމުން ފުރިގެންވާ ހުރިހާ އެންމެންނަށް ވެސް ގާތް ގުޅުމެއް ބޭއްވި މީހެއް ކަމަށް ޑިފެންސުން ބުންޏެވެ. އަދި އޭނާއަކީ މުރާލި އެހެން މީހުންނަށް އެހީތެރިކަން ފޯރުކޮށްދިނުމުގެ ނަމޫނާ ދެއްކި ބޭފުޅެއް ކަމަށް މިނިސްޓްރީން ބުންޏެވެ.