08 Jan 2024, 10:46
"މަރަކީ އެންމެ ގާތުގައިވާ އެއްޗެއްކަން ހަނދާންކުރާ މީހާ ދުނިޔޭގެ ރީތި ދަޅަތަކަށް ހެއްލިގެން ނުދާނެއެވެ.އަބަދުވެސް މަރަށް ތައްޔާރުވެގެން ހުރެ ދެދުނިޔޭގެ ނަސީބު ހޯދަން މަސައްކަތްކުރާށެވެ."
***
"ވަރަށް ކުޑަކޮށް ހަނދާން ހުރޭ. ގިނައިން ގެ ބޭރުގައި ހުންނަ ކޮޓެޖް ގަ ސަބީހާ ދިރިއުޅޭނީ. އަހަރެން އެހާ ބޭރު ގޯތި ތެރޭ ނޫޅެން ކުޑައިރުވެސް.. މާޒިމް އަބަދުވެސް ބޭރު ތެރޭ ދުވެ ސަކަރާތް ޖެހުމުގަ އުޅޭނީ. އެހެން ނޫނަސް އެ ނާޝިދު އަހަރެން އައިސް މިކޮޅު ބޯޑިން އަށްވެސް ލައިފި. އޭގެ ފަހުން ރާއްޖެ ދިޔަޔަސް އަބަދުވެސް ރިސޯޓުތަކަށް ފެމިލީ ހޮލިޑޭތަކަށް ދަނީ. މާޒްވިލާގައި މަޑު ނުކުރަން...އެހާ ހަނދާނެއް ނުހުރޭ ސަބީހާގެ...ވެދާނެ ސަބީހާ އަށް އެހާ އެޓޭޗް ވެފަ ހުރުމުން މާޒިމް އޭނައަށް ހަމަދަރުދީވެ އިންނަން އެއްބަސްވީ ކަމަށްވެސް..ކެނާންވެސް މެސްޖަކަށް ރިޕްލައި ނުކުރޭ.ނޭނގޭ ހުސް ބޯ ހަލާކު ކަންތައް...." ހުޝަލް ގެ އަޑުގައިވީ ވަރުބަލިކަމެވެ.
***
" ކޮބާ އަވަހަށް ހިނގާ ދާން...ފުރަތަމަ ހޮސްޕިޓަލަށް ވަދެލާފަ ގެއަށް ދާ ގޮތައް....." ކެނާން މަދީނާ އާއި އުރުޖުވާން އަށް ބުނެލިއެވެ.
"ލެޓްސް ގޯ......." މަދީނާ އުރުޖުވާން އަތުހިފައިގެން ދަމަމުން ކަހަލަ ގޮތަކަށް ކާރު އޮތް ހިސާބުގައި މަޑުޖެހެލިއެވެ. މާޒިމް ކާރު ދުއްވާ ސީޓުގައި ހުރިއިރު، ކެނާން އިނީ ކުރިޔަށް އަރަން އުރުޖުވާން އަށް ފުރުސަތު ދީގެންނެވެ. ނަމަވެސް އުރުޖުވާން އަވަހަށް ފަހަތު ސީޓަށް އަރައި މަދީނާ ކައިރީ އިށީނުމުން ކެނާން ކުރީ ސީޓުގައި އިށީނެވެ.
" މާޒްވިލާ އަށް ދާން އެންމެންވެސް މިރޭ ހުރިހާ ޕެކިންގ އެއް ކޮށް ތައްޔާރުވެގެން ތިބޭތި... ޝާޕް އަށެކަށް.............." ކާރު ދުއްވައިލަމުން މާޒިމް ގެ ހަރުކަށި އަޑަކުން ބުނެލީ ކާރު ލޯގަނޑުން އުރުޖުވާން އަށް ބަލައިލަމުންނެވެ.
"ބަޓް ދޮންބޭ...އަދި ވަރަށް ބައިވަރު ސާމާން ޕެކް ނުވެ އެބަހުރި....އަދި އެއް ދުވަސް ލަސްކޮށްލުން ކިހިނެއް....ޕްލީޒް.." މަދީނާ ޅަ ކުއްޖެއްހެން އާދޭސްކުރަންފެށިއެވެ.
"ނުވާނެ ތިކަމެއް....އެއް ދުވަސް ކީއްކުރަން އެއް ހާސް އަހަރު ޕެކް ކުރަން ދިނަސްވެސް މަދީނާ ޕެކްކޮށް ނުނިމޭނެ.."ކެނާން މަލާމާތުގެ ރާގުގައި ހެމުން ބުނެލިއެވެ.
މާޒިމް ގެ ލޯ މަގު މައްޗައްވުރެ ބޮޑަށް ހިންގާލެވެނީ ލޯގަނޑުން ފެންނަމުން ދިޔަ އުރުޖުވާންއަށެވެ. އުރުޖުވާންގެ ނަޒަރުގައިވީ ފުން ހިތާމަ ވަނީ ބިއްލޫރިގަނޑުގެ ބޭރުން ހިނގަމުންދިޔަ ދުނިޔެއަށް ހުއްޓިފައެވެ. ކާރު ތެރޭގައި ދެކެވޭ ވާހަކައިގެ ހިލަމެއްވެސް ނުވެއެވެ. މި މަންޒަރުން މާޒިމް ބޭނުން ނުވިޔަސް ހިތަށް އުނދަގޫ ކުރުވައެވެ. ކޮންމެވެސް ގޮތަކުން އުރުޖުވާންގެ ސަމާލުކަން ހޯދުމަށް މާޒިމް ހިތް އެދެމުންދިޔައެވެ.
"އުރޫޖް...އުރޫޖް...ބުނެބަ ދޮންބެ ކައިރީ....ދޮންބެ ވިލް ލިސިން ޓު ޔޫ..." މަދީނާ އުރުޖުވާން އާ ވާހަކަ ދެއްކުމުންވެސް ބަހެއް ނުބުނެ ގެއްލިފައި ހުރީ ބޭރުގެ މަންޒަރަށް ކަމުން ކޮނޑުގައި ކޮށްޓާލިއެވެ.
"އޯ...ކިހިނެއް ވީ؟ " އުރުޖުވާން ކުޑަކޮށް ސިހިފައި މަދީނާ ކައިރިން އަހައިލިއެވެ.
ކާރު ބުރަކި މާޒިމް އަށް ޖައްސާލެވުނީވެސް ހަމަ އެ ތަންވަޅުގައެވެ.
"ޑޭމް...މީ ކިހިނެއް ދުއްވާ ބަޔެއްތަ...މިހާވަރުން މަގު މައްޗައް ނުނިކުތީމަ ވީނު...." މާޒިމް އައި ރުޅީގައި ބުނެވުނީ ބާރަށެވެ. އަސްލު މާޒިމް މަގު މަތި ރަނގަޅަށް ނުބަލައި ނުބައި ފަޅީން ގޯޅި އެޅުމުން ދިމާވި ކަމެއްކަން ކެނާން އަށް އެނގުނު ނަމަވެސް އެއްޗެއް ނުބުނީ ހާލަތުގެ ގޮތުންނެވެ. ބްރޭކް ޖެއްސިލެއް ބާރުކަމުން އުރުޖުވާންގެ ބޯ ކާރު ބިއލޫރި ގަނޑުގައި ޖެހުނު ނަމަވެސް މާ ބޮޑު ކަމަކަށް ނަހަދައެވެ. މަދީނާ އަށް ގޮތެއް ނުވި ކަމުގައިވިޔަސް އަޑުގެ ނެތް ކޮޅަށް ހަޅޭއްލަވައިލިއެވެ.
"އަރ ޔޫ އޯކޭ؟" ވަރަށް އޯގާތެރި އަޑަކުން މާޒިމް އަހައިލީ ލޯގަނޑުން އުރުޖުވާން އަށް ބަލައިލަމުންނެވެ. ނަމަވެސް އޭގެ ޖަވާބު ދިނީ މަދީނާ އެވެ.
"އާނ..ކިރިޔާ އެއްނު މަރުނުވީ...އައި ތޯޓް އައި ޑައިޑް" މަދީނާ ވަރަށް ޑްރާމެޓިކް ކޮށް ބުނެލުމުން އުރުޖުވާން އަށްވެސް ކުޑަކޮށް ހެވުނެވެ.
***
"މި ގޭގަ ކޮފީ އެބަ ހުރިތަ؟ " މީކާއިލް ބަދިގެ ކަބަޑުތައް ހާވަމުން ސޯފާގައި ޖައްސާލައިގެން އޮތް ހުޝަލް ކައިރިން އަހާލިއެވެ.
"ކޮފީ ނުބޮން...ނޮޓް ގުޑް ފޯ މައި އެންޒައިޓީ...މިތާ ކައިރި ކެފޭ އަށް ވީ ކެން ގޯ...އައި ނީޑް ސަމް ހޮޓް ޗޮކްލެޓް..." ހުޝަލް ފޯނާ ކުޅެމުން ބުނެލިއެވެ.
" އާނ ރަނގަޅު ވާނެ...ކުޑަކޮށް ގްރޮސަރީ ޝޮޕިން ވެސް ކޮއްލަންޖެހޭނެ. މިގޭގަ ނެތެއް ނު ކާނެ އެއްޗެއް. ހުސް ޖަންކް ފުޑް ކައިގެން ވިއްޔާ ހުޝަލް ތިއުޅެނީ. އެންޒައިޓީ ޓްރިގަރ ކުރާނެ ޖަންކް ފުޑްސްއިން........" މީކާއިލް ސަމާސާ ރާގެއްގައި ބުނެލިއެވެ. މީކާއީލް އަކީ ވަރަށް ސިއްހަތައް ބަލައިގެން އެޅޭ ކުއްޖެއްކަމުން ޖަންކު ކާނާ އަކީ އޭނަ އެހާ ކާން ބޭނުންވާ އެއްޗިއްސެއް ނޫނެވެ. މީކާއީލް އަކީ ޕާޓް ޓައިމް ޖިމް އިންސްޓްރަކްޓަރެއްގެ އިތުރުން ނިއުޓްރިޝަނިސްޓަކަށް ވުމަށް ޔުނިވަރސިޓީގައި ކިޔަމުންދާ ކުއްޖެކެވެ.
ބޭރުގައި ތުނިކޮށް ސްނޯ ވެހެމުންދާތީ ފިންޏަށް ކޯޓާއި ބޫޓުލައިގެން ނިކުތް ހުޝަލް އާއި މީކާއިލް ވާހަކަ ދައްކަމުންދިޔައީ ޖިމްއަށް މާދަމައިން ފެށިގެން ދާންވާނެ ވާހަކަ ދައްކަމުންނެވެ.
އިމާރާތުގެ ބޭރުގައި ކަޅު އޯޑީ ކާރެއް ހުޝަލްގެ ލޮލުގައި އަޅައިގަތެވެ. އެ ކާރުގެ ނަންބަރ ޕްލޭޓަށް ބަލައިލުމުގެ ކުރީން ކާރުން ނިކުމެގެން އައި މީހާ ފެނުމުން ހުޝަލްގެ ދޮން މޫނު ރަތް އަރައި ނޭވާ އަވަސް ވިއެވެ.
"އަންކަލް ނާޝް..."މީކާއިލް ވެސް ލޯ ބޮޑުވެ ހުޝަލް އަށް ބަލައިލެވުނެވެ.
" ހުޝަލް...މީކާއީލް...ދެ ކުދިން އެކީތަ...ކޮންތަނަކަށް ދާން؟" ނާޝިދު ސުވާލުކޮށްލީ ޒަމާންވީ ރައްޓެއްސެއް ސުވާލުކޮށްލާނޭ ހާ ގާތް ގޮތަކަށެވެ.
ދޭނެ ޖަވާބެއް ނެތިފައި މީކާއީލް އަށް ހުރެވުމުން މީކާއީލް ސަލާމް ކޮށްލުމަށް އަތް ދިއްކޮށްލިއެވެ. ނާޝިދު ސަލާމް ބަލައިގަނެ މީކާއިލް ގައިގަ ބައްދާލީ އެހާ ދުވަސް ފަހުން ދިމާވުމުންނެވެ. ހުޝަލް ރުޅީގައި ވަރަށް ބާރު ހިނގުމުގައި ހުޝަލްގެ ކާރަށް އަރަން ދާން އުޅުމުން ނާޝިދު ހުޝަލް އަތުގައި ހިފައިލިއެވެ.
" ހުޝަލް...ބައްޕަ ބޭނުން ވާހަކައެއް ދައްކަން...ކޭން ވީ ޓޯކް ޕްލީޒް...ފަސް ގަޑި އިރު ކާރުގަ ދަތުރުކޮށްފަ މިއައީ މިކޮޅަށް..ޕްލީޒް................." ނާޝިދު އާދޭސްކުރިއެވެ.
ހުޝަލް ރުޅި ކޮންޓްރޯލު ކުރަން ވަރަށް މަސައްކަތް ކުރިއެވެ. ފަހަރެއްގައި ނަބީލާގެ ވާހަކަ ދައްކާން ބާއޭ ހިތައް އަރާފައި ހުޝަލް ބޭނުންވީ ނާޝިދު ދައްކަން ބޭނުންވާ ވާހަކަ އަޑު އެހުމަށެވެ. ނަމަވެސް ނާޝިދު ދެކެ އަންނަ ރުޅީން އެއްވެސް ގޮތަކަށް ގާތްކަމެއް ބާއްވަން އޭނާގެ ހިތް ނޭދެއެވެ.
" ތި ދައްކަން ބޭނުންވާ ވާހަކައެއް އަވަހަށް ދައްކަބަލަ. އައި ޑޯންޓް ހޭވް ޓައިމް..............." ހުޝަލް ރުންކުރު ގޮތަކަށް ޖަވާބު ދިނީ ނާޝިދުގެ އަތް ފޮޅާލަމުންނެވެ.
" ހުޝަލް. އަހަރެން ގޮސްލީ އިނގޭ. ވަރަށް އުފާ ވެއްޖެ މި ހާ ދުވަސްކޮށްލާފަ ދިމާވުމުން، ހޯޕް ޓު ސީ ޔޫ އެގެއިން ސޫން އިންޝާﷲ.............." މީކާއިލް ވާހަކަ ދެއްކި ގޮތުން ހުޝަލް އަށް އޭނާ މިހާރު އެ އެޕާޓްމެންޓުގަ އުޅޭ ކަމަށް ނާޝިދު އަށް އަންގަން ބޭނުން ނުވާ އެނގުނެވެ.
މީކާއިލް ނާޝިދުއާ ވެސް ސަލާމް ބަދަލުކޮށްލުމަށްފަހު މަގުމަތީން ޓެކްސީ އެއް ނަގައިގެން ދިޔައީއެވެ. ފޯނުން ހުޝަލް އަށް މެސެޖު ފޮނުވާލީ ނާޝިދު ދިޔުމުން އަންގާލުމަށް ކަމަށެވެ.
" ދަރިފުޅު ކީއްވެ މީކާ އާއި އެކީ؟އަހްމަދު ބެ ވެސް މިހާރު މީކާ އާއި މެހެކް އާއި ގުޅުމެއް ނުބާއްވާ. އެހާ ރަނގަޅެއް ނޫންހެން ހީވަނީ. ވަރަށް އެކްސްޓްރީމިސްޓް އައިޑިއޮލޮޖީއެއްގެ ކުދިން އެއީ މިހާރު...ބެޓަރ ޓު ކީޕް ޔޯ ޑިސްޓެންސް................." ނާޝިދު ބުނެލީ ވަރަށް ފާޑަކަށް މީކާއީލް ކާރަށް އަރާތަން ބަލަން ހުރެއެވެ.
" ތީ ހާދަ ހިތް ނުބައި މީހެކޭ..ގައިމު ދެންމެ މީކާ ފެނުނީމަ ހީވީ އަމިއްލަ ދަރިއެއްހެން އެއީ.. އަހަންނަކީ ޅަ ކުއްޖެ ނޫން ހެވާ ނުބައި ނޭނގޭކަށް. އެހެންނޫނަސް ތި އީ މާ މާތް މީހެއް ނޫން އެހެންމީހުންގެ ވާހަކަ ދައްކާކަށް. ތި ބުނަން އުޅޭ ވާހަކައެއް ބުނޭ އަވަހަށް. އައި ޑޯންޓް ހޭވް ޓައިމް ޓު ވޭސްޓް.................." ހުޝަލް ގެ ރުޅި ހީވީ ކޮންޓްރޯލުން ނެއްޓިދާނެ ހެންނެވެ.
***
އުރުޖުވާން ބޯ ޖެހުނު ތަން ކުޑަކޮށް ދުޅަވެފައި ހުރުމުން ތަދު އިހުސާސްވެ އެނބުރުން އަރާ ގޮތެއްވެސް ވެއެވެ. މި ތިން ދުވަސް ތެރޭ ކެއުމާއި ބުއިން އެއީ ނެތް ކަމެކެވެ. ސަބީހާ އެ ހާލަތުގައި އޮތުމުން އުރުޖުވާން ވެސް ވަނީ ބަލިކަށިވެފައެވެ. ހޮސްޕިޓަލާ އަރާ ހަމަވުމުން މަޣުރިބް ބަންގީގެ އަޑުވެސް އިވެން ފެށިއެވެ. މާޒިމް ދޮރު ހުޅުވާލަދިނުމުން އުރުޖުވާން އާއި މަދީނާ ކާރުން ފޭބި އެވެ. އަދި ކެނާން މިދަނީ ނަމާދަށޭ ބުނެ ކާރުން ދިޔައީ މަސްޖިދަށެވެ.
"އަ....ސޮރީ" އުރުޖުވާން އަށް ބުނެވުނެވެ. ކާރުން ފޭބި ގަޑީގައި ބޯ އަނބުރާ ގޮތެއް ވެފައި ހުރުމުން މަދީނާގެ އަތުގައި ހިފުނެވެ.
" އުރޫޖް އަރ ޔޫ އޯކޭ؟ފައި އޮޅުނީ ދޯ..."މަދީނާ އަހައިލިއެވެ.
"އާނ. ކުޑަކޮށް ކައްސާލީ. އައިމް އޯލް ގުޑް. ޕްރެޔަރ ރޫމް އަށް ގޮސްލާފަ އެބަ އަންނަން އިނގޭ..." އުރުޖުވާން ބޯ އަނބުރާގޮތްވެފައި ހުރިކަން މަދީނާ އާއި މާޒިމްއަށް އަންގަން ބޭނުން ނުވިއެވެ. އަވަސް ހިނގުމުގައި ދުއްވައިގަތީ ނަމާދަށެވެ. އުރުޖުވާން އަކީ ބަންގި ދިނުމާއިއެކު ކޮންމެ ތާކު ހުއްޓަސް ނަމާދުކުރުމަށް ފަރުވާ ބަހައްޓާ ކުއްޖެކެވެ.
"ވިޔާޑް ގަލް.............." މާޒިމް އަށް ބުނެވުނެވެ.
" ދޮންބޭ....ޝީ އިޒް ޔޯ ވައިފް.............." މާޒިމް އަތުގައި ވިކާލަމުން މަދީނާ ސަމާސާކޮށްލިއެވެ. އަދި މާޒިމް އާއި އެކީ ހިނގައިގަތީ އައި.ސީ.ޔޫ އާއި ދިމާއަށެވެ.
މަދީނާ ވިކާލުމުން މާޒިމް އަށް މިއަދު ކައިވެނި ކުރިކަން ހަނދާންވެ މިއީ އަސްލުބާއޭ އަނެއްކާ ވެސް ހިތާ ހިތުން ސުވާލުކުރެވި ހިތް ނުތަނަސްވާގޮތް ވިއެވެ. އުރުޖުވާން އާއި ކައިވެނި ކުރުމަކީ ހުވަފެނަކުންވެސް ވެދާނެ ކަމެއް ކަމަށް ގަބޫލެއްނުކުރެވެއެވެ. އުރުޖުވާން އަކީ މާޒިމް ދެކޭގޮތުގައި އޭނާ އާއި އެތައް ގޮތަކުން ތަފާތުހުރި ކުއްޖެކެވެ.
***
ހުޝަލް އެޕަރޓްމެންޓަށް ނާޝިދު ވަންނަން ނުބުނާނެ ކަން އެނގޭތީ ކައިރީ ބިލްޑިންގ ގެ ރިސެޕްޝަންގައި މަޑުކޮށްލައިގެން ވާހަކަ ފެށިއެވެ.
" ދަރިފުޅާ....ބައްޕަ މިއައީ ވަރަށް ބޮޑު ކަމަކު. އެނގޭ ދުވަހަކު މާފު ނުކުރާނެކަން މި ބައްޕަ އަށް..."
" ތި އީ އާ ވާހަކައެއް ނޫނެއް ނު...ތި ވާހަކަ ދައްކަން މާ ލަސްވެއްޖެ..އަވަހަށް ތި ބުނަން އުޅޭ ވާހަކަ ބުނޭ.............." ހުޝަލް ރުންކުރު ޖަވާބެއްދިނެވެ.
" އަނ. އިނގޭ....ބައްޕަ އަސްލު މި އައީ...މަންމަ ނިޔާވިއިރު ދަރިފުޅަށް ދީފަވާ މާލޭގެ ބިމެއް އެބަ އޮތް....އެއީ މާމަގެ ގެ...." ނާޝިދު ގެ އަޑުގައި އެ ވާހކަ ބުނަން އުނދަގޫވެގެން އުޅޭ ކަހަލަ ގޮތެއް ހުއްޓެވެ.
ނުނިމޭ