07 Jan 2024, 23:43
އެންބީއޭ ބާސްކެޓްބޯޅަ މުބާރާތުގައި ބޮސްޓަން ސެލްޓިކްސް އާއި އިންޑިއާނާ ޕޭސާސް ބައްދަލުކުރި މެޗު ސެލްޓިކްސްއިން ކާމިޔާބުކޮށްފިއެވެ.
އިންޑިއާނަ ޕޮލިސްގެ ގެއިންބްރިޖް ފީލްޑްހައުސްގައި ކުުޅުނު މި މެޗު ސެލްޓިކްސް ކާމިޔާބުކޮށްފައިމިވަނީ 118 ޕޮއިންޓުންނެވެ. މި މެޗުގެ ފުރަތަމަ ކުއާޓަރުގައި ސެލްޓިކްސް މޮޅަށް ކުޅުނު އިރު ދެވަނަ އާއި ތިންވަނަ ކުއާޓަރުގައި މޮޅަށް ކުޅެފައިވަނީ ޕޭސާސްއެވެ.
މި މެޗުގައި ސެލްޓިކްސްގެ ޖޭސަސް ޓެޓުމްވަނީ 38 ޕޮއިންޓް ހޯދާއިދީ 13 ރީބައުންޑް ނަގައިދީ ހަ އެސިސްޓް ކޮށްފައެވެ. އަދި ޕޭސާސްއަށް އެންމެ ރަނގަޅު ކުޅުމެއް ދެއްކީ 17 ޕޮއިންޓް ހޯދައިދީ ހަ ރީބައުންޑް ނަގައިދީ ހަތް އެސިސްޓް ދިން ޓައިރީސް ހެލިބާޓަންއެވެ.
މި މުބާރާތުގައި މިލްވައުކީ ބަކްސްއާއި ހިއުސްޓަން ރޮކެޓްސް ބައްދަލުކުރި މެޗު 112 ޕޮއިންޓުން ކާމިޔާބު ކޮށްފައިވަނީ ރޮކެޓްސްއެވެ. މި މެޗުގައި ރޮކެޓްސްއަށް އެންމެ ރަނގަޅު ކުޅުމެއް ދެއްކީ 21 ޕޮއިންޓް ހޯދައިދީ 11 ރީބައުންޑް ނަގައިދީ ހަތަރު އެސިސްޓް ދިން އަލްޕެރެން ސެންގުންއެވެ.
އަދި ބަކްސްއަށް އެންމެ ރަނގަޅު ކުޅުމެއް ދެއްކީ 48 ޕޮއިންޓް ހޯދައިދީ 17 ރީބައުންޑް ނަގައިދީ 2 އެސިސްޓް ދިން ޖިއާނިސް އެންޓެޓޮކޮއުމްޕޯއެވެ.