06 Jan 2024, 23:48
ރައީސް އޮފީހުގެ ވެބްސައިޓް ހިމެނޭހެން، ދައުލަތުގެ ތިން ވެބްސައިޓެއް މިރޭ ޑައުންވެއްޖެއެވެ.
ރައީސް އޮފީހުގެ ސައިޓުގެ އިތުރުން ޑައުންވެފައި ވަނީ ފޮރިން މިނިސްޓްރީގެ ވެބްސައިޓާ، ޓޫރިޒަމް މިނިސްޓްރީގެ ވެބްސައިޓެވެ.
ދައުލަތުގެ މި ތިން ވެބްސައިޓަށް ނުވަދެވޭތާ މިހާރު އިރުކޮޅެއްވެއްޖެއެވެ.
އެ ވެބްސައިޓްތައް ޑައުންވެފައި ވަނީ ކީއްވެ ކަމެއް މިހާތަނަށް ސާފެއް ނޫނެވެ.
މިކަމާ ގުޅިގެން ސަރުކާރުގެ އިސް އޮފިޝަލަކު 'ސަން'އަށް ބުނީ ނޭޝަނަލް ސެންޓާ ފޯ އިންފޮމޭޝަން ޓެކްނޮލިޖީ (އެންސީއައިޓީ)އާއި ކަމާބެހޭ ސަރުކާރުގެ އިދާރާތައް ގުޅިގެން ރައީސް އޮފީސް ވެބްސައިޓަށް ދިމާވެފައިވާ މައްސަލަ ބަލަމުންދާ ކަމަށެވެ.
މިކަމާ ގުޅިގެން އެއްވެސް ރިޕޯޓެއް ލިބިފައިވޭތޯ ބެލުމަށް 'ސަން'އިން ގުޅުމުން މިހާތަނަށް ފުލުހުންގެ ޖަވާބެއް ނުލިބެއެވެ.
ރައީސް އޮފީސް ވެބްސައިޓަކީ ރައީސުލްޖުމްޙޫރިއްޔާއާއި އެމަނިކުފާނުގެ ނައިބުގެ ހުރިހާ ޚަބަރުތަކާއި ސަރުކާރުގެ މުހިންމު ކަންކަމާ ގުޅޭ މައުލޫމާތު ލިބެން ހުންނަ ވެބްސައިޓެކެވެ.