05 Jan 2024, 10:39
"އެންމެ ބޮޑު އުފަލަކީ ހިތްހަމަޖެހުމަކީ ﷲ ތައާލާއާއި އޮތް ގުޅުން ވަރުގަދަވުމެވެ. އެ ގުޅުން ވަރުގަދަމީހާ އެންމެ އިސްކަން ދޭނީ ފަރުޟު ނަމާދު ވަގުތުގައި ޚުޝޫއަތް ތެރިކަމާއެކު ނަމާދު ކުރުމަށެވެ."
*** ތިން ދުވަސް ފަސް ***
އަނބި ގަބޫލުތަ؟ ގާޒީ އެ ސުވާލު އަހައިލީ ދެވަނަ ފަހަރަށެވެ. ބަސް ހުއްޓިފައި ހުރެވުނު މާޒިމް ގައިގާ ކެނާން ކޮއްޓާލުމުން މާޒިމް އަށް މިއީ ހުވަފެނެއް ނޫންކަން އެނގުނެވެ. އަދި ބޯ ޖަހައިލުމުން ގާޒީ ދެވަނަ ފަހަރަށް ވެސް ތަކުރާރުކޮށް އެ ސުވާލު ކޮށްލީ އަނގަ ބަހުން ޖަވާބެއް ހޯދުމަށެވެ.
"އާނ އަނބި..ގަބޫލު.." ޖެހިގެން އިން ގޮނޑީގައި ދެ އަތްތިލައިގެ އިނގިލިތައް މަހާލައިގެން، ދެ ފައި ތުރު ތުރު އަޅަމުން ދިޔަ އުރުޖުވާންއަށް ބަލައިލުމަށްފަހު މާޒިމް ބުނެލިއެވެ. ކައިވެނި ކޮށް ދެވުނު ކަމުގެ ލިޔުމުގައި އުރުޖުވާންގެ ސޮއި ފޭދިފައިވަނީ ލޮލުން އޮހުނު ކަރުނައިންނެވެ. އުފަލަކުން ނޫނެވެ. ނަމަވެސް އުރުޖުވާން ނޭނގޭ މީހަކަށް އެއީ ހިތާމައިގެ ކަރުނަތިކިތަކެއް ކަމެއް ނޭނގޭނެއެވެ. ޒަވާޖީ ހަޔާތުގެ ގޮށް ޖެހޭ ދުވަހަކީ އެންމެނަށްވެސް އުފާވެރި ދުވަހެކެވެ. ނަމަވެސް އުރުޖުވާން އާއި މާޒިމްގެ މި ހަޔާތުގެ ފުރަތަމަ ސަފުހާވެސް ލިޔެވެނީ ހިތާމައިގެ ކަރުނުންނެވެ.
އަލަތު ކައިވެނީގެ ޖޯޑު ނިކުމެގެން އައީ ކޯޓު ބޭރުގައި ހަދާފައިވާ ރީތި ބަގީޗާގެ ތެރެއަށެވެ. ހަވީރުގެ އިރުއޮއްސޭ އަލީގެތެރޭ ހިތްގައިމު ކުލަތަކުންނާއި ވަސްމީރު ފުޅަނދުތަކުން ޖަރީވެފައިވާ އެ ބަގީޗާތެރެ ފަޅު ފިލުވަމުން ދިޔައީ އެތައް ބައެއްގެ އުއްމީދުން ފުރިގެންވާ އާ ހަޔާތާއި މުސްތަގުބަލެވެ. އުރުޖުވާން އަޅައިގެން ހުރި މަޑުއަޅި ޝޯލްގެ ފަހަތައް ދޫކޮށްފައިވާ ބޮޑު ބައި ވިހުރެމުން ދިޔައީ އެ ފިނިފެންމަލުގެ މީރުވަހާއި ފަތްތަކުގެ މަޑު ތުރުތުރުގައިވީ ލޯތްބާއި އުފާވެރިކަމުގެ އަޑުތަކު ތެރޭއެވެ. އިންތިޒާރުގައި ހުރި މަދީނާގެ އުފާ ބަޔާންކޮށްނުދެވޭހާއެވެ. އަވަހަށް ދުވެފައި ގޮސް އުރުޖުވާން އާއި މާޒިމް ގައިގާ ބައްދާލީ އެކު އެކީގައެވެ. ކެނާން ދިޔައީ ކާރު ބަލައެވެ.
"ބްލެސް ޔޯ މެރިޖް. ސޯ ސޯ ހެޕީ..ދުވަހަކުވެސް ހީ ނުކުރަން އުރޫޖް އެންޑް ދޮންބެ ވިލް ބީ އަ ކަޕްލް.. އަ މެޗް މޭޑް އިން ހެވެން ޓްރޫލީ...." މަދީނާ އަވަހަށް ފޯނުން ފޮޓޯ ނަގަން އުޅުމުން މާޒިމް ކެމަރާ މަތީ އަތް އެޅިއެވެ. އަދި އުރުޖުވާންވެސް މޫނު ފޮރުވާލައި ކެމަރާ އިން ފޮޓޯ ނުނެގުމަށް އެދުނެވެ.
"ދެންން ޕްލީޒް އެންމެ ފޮޓޯއެއް...ޕްލީޒް..." ކުޑަކުއްޖެ ބޮޑާހާކާނޭހެން މަދީނާ ދިޔައީ ބޮޑާހާކަމުންނެވެ. ކޯޓުތެރޭގައި ތިބި އެންމެންގެ ލޯތައް އެއްފަހަރާ ހުއްޓުނީ އެމަންޒަރަށެވެ. މަދީނާ ގެ މިޒާޖު ހުންނަގޮތުން ދޫ ނުދޭނެ ކަން އެނގޭތީ މާޒިމް އަވަހަށް ލަދުން ސަލާމަތްވުމަށް ފޮޓޯއަށް ހުއްޓުނެވެ.
"އޯކޭ...ޖަސްޓް ވަން..." މާޒިމް ލޯ އަޅާލަމުން މަދީނާއަށް އިންޒާރުދިނެވެ.
މަދީނާ ފޮޓޯ ނެގުމުގެ ކުރިން އުރުޖުވާން ގަދަ ހެދުމުންވެސް އޭނަ އަޅައިގެން ހުރި މާސްކުވެސް ނަގާލިއެވެ. އުރުޖުވާންގެ އެ ލޯބި މޫނުގައިވި ސާފު ކަމާއި ލަދުވެތިކަން ލައިގެން ހުރި އަޅިކުލައިގެ އަބާޔާ ފަޅުފިލުވާދިނީ ޗާލު ގޮތަކަށެވެ. އެތާ ތިބި އެންމެން ތިބީ ޖަރީކަންބޮޑު ހެދުމާއި މޭކަޕުން މޫނުތައް ފުރާލައިގެންނެވެ. އުރުޖުވާންގެ ރީތިކަމާއި ހާސް ތަފާތެވެ. މޭކަޕުގެ ޒައްރެއްގެ މިންވަރުވެސް ނުލައި ހުރި އެ މޫނުގައިވީ އަލިކަން އިތުރައް ފާޅުކޮށްލަދިނީ މޫނަށް އެޅިފައިވާ އިރުއޮއްސޭ އައްޔެވެ. މާޒިމް ނޫނީ ހުދު ގަމީހާއި ކޯޓެއް ނުލައި ހުރި ފިރިހެނެއް އެތާ ނެތެވެ. ނަމަވެސް މާޒިމް ގެ ފިރިހެންވަންތަ ހަށިގަނޑާއި އެ ދޮން މުށިކުލައިގެ އަލި މޫނުގައިވި ޖާދޫގައި ނުޖެހޭ އެންމެ އަންހެން ކުއްޖެއްވެސް އެތާ ނެތްކަން ކަށަވަރެވެ. ފިރިހެނުންގެ ހަސަދަ ވެރި ބެލުންތައް މާޒިމް އަށް ބަލަމުންދިޔައެވެ. ކަޅު އަތް ދިގު ގަމީހަކާއި މަޑު އަޅި ފަޓުލޫނެއް ލައިގެން ބުޅި އިސްތަށިގަނޑެއް ކޮނޑާ ހިސާބަށް ވިހުރިފައި އޮތް އިރު ލޮލުގެ ކަޅީގައި ހުރި މަޑު މުށި ކުލަ އިތުރައް ފާޅުކޮށްދެމުން ދިޔައީ އިރުއޮއްސޭ އަލީގެ ހިތްގައިމުންނެވެ.
"ދޮންބޭ އަދި ކުޑަކޮށް ކައިރި....އުރޫޖް...ދޮންބެ އާ ކައިރިއަށް ޖެހިލަބަ... މާ ދުރުގައޭ...އަނހާ..." މާދީނާ ޝަކުވާ ކުރަމުންދިޔައީ މާޒިމް އާއި އުރުޖުވާން ދެމެދުގައިވި ހުސް ޖާގަ ބޮޑުކަމުންނެވެ. ދެމީހުން ވެސް ކައިރި ނުވުމުން މަދީނާ އަމިއްލައަށް ގޮސް މާޒިމް އާއި އުރުޖުވާން ދެމެދުގައި ވި ހުސް ޖާގަ ބައްދާލީ ދެ މީހުން ކައިރި ކޮށްލަމުންނެވެ. ހަ ފޫޓު ދިގު މާޒިމްގެ ކޮނޑާ ހިސާބައް ވެސް ނާރާ އުރުޖުވާން އާއި މާޒިމް ގެ ލޮލާ ލޯ ދިމާވިއެވެ. އުރުޖުވާން ލޮލުގެ ކަޅު މުތީ އިތުރައް ބޮޑުކޮށް ފާޅުވިއެވެ. މާޒިމް ލޮލުގައިވި ދިގު އެސްފިޔަތައް މަޑުޖެހިލައި ހުއްޓުން އެރިއެވެ. ހަމަހިމޭން ކަމެއް ވެރިވި އެ ސުކޫތުގެ ރީތި މަންޒަރު ނަގަމުން ދިޔަ މަދީނާ ދިޔައީ ހުއްޓުމެއް ނެތި ފޮޓޯ ނަގަމުން ފުރުސަތުގެ ބޭނުން ކުރަމުންނެވެ. އުރުޖުވާންގެ ލަދުން ފުރިގެންވީ ބެލުން ތިރިވެ ތުންފަތައް ވެރިވި ލުއި ހިނިތުންވުމާއި މާޒިމްގެ ހުއްޓުން އަރާފައިވާ ބެލުންވެސްމެއެވެ.
"ޔެސް ޕާފެކްޓް ޝޮޓް....ޖަސްޓް ވާވް...ހާދަ ރީއްޗޭ..." މަދީނާ އުފަލުން ފުމެމުން ދިޔަ އަޑު މުޅިތަނުގައިވިއެވެ. ސިހިފައިދިޔަ މާޒިމްއަށް އަތް މުށްކަވާލެވުނީ ކުށެއް ކުރެވުނީ އޭ ހިތައް އަރައެވެ. އަވަސް ހިނގުމުގައި މާޒިމް ދިޔައީ ގޭޓުން ބޭރަށެވެ. އުރުޖުވާން ގަތް ލަދު ފޮރުވުމަށް މަދީނާ އަތުގައިވި މާސްކުނަގައި މޫނު ފޮރުވާލިއެވެ.
"މާމަ ކައިރީ މިހާރު ކާކު؟ މަދީނާ ކީއްވެ އައީ..." އުރުޖުވާން މަދީނާ ގާތު އަހައިލީ ނުރުހުންތެރިކަމާއެކުއެވެ.
"ފަރަހް...ބުނި އަޕްޑޭޓްސް ދޭނަމޭ...އުރޫޖް ރުޅި އައީތަ... މާމަ އަށް ދެރަގޮތެއް ނުވާނެއޭ...ޕްރޮމިސް..."މަދީނާ އުރުޖުވާންގެ ފިނިވެފައި އަތް މޮޑެލަދެމުން ބުނެލިއެވެ.
"ފަރަހް އަކީ އެއީ ނިއުރޯސަރޖަން އެއްނު... މަދީނާ...އަބަދުވެސް އިންޝާﷲ ކިޔަންވާނެ، އޭރުން ދެރަ ގޮތެއް ދިމާނުވާނީ....ﷲ ދެނެ ވޮޑިގެންވާނީ ހުރިހާ ކަމެއް"
"އޯކޭ ސޮރީ....އިންޝާﷲ މާމަ ވިލް ބީ ފައިން....ދެން އެހާ ހާސް ނުވެބަލަ.... އެންޑް ފަރަހް އިޒް އަ ފެމިލީ ފްރެންޑް ޓޫ...އަދި ދޮންބެގެ ކުރީގެ...." މަދީނާގެ ވާހަކަ މެދުކަނޑާލީ ކެނާން ގޮވާލުމުންނެވެ.
***
"މާޒިމް... ދިރިއުޅުމަކީ ކުޅޭ ކުޅިވަރެއް ނޫން...މީހަކާ އިންނަނީ ލޯބިވެގެން އެމީހަކާއެކީ ދިރިއުޅުމެއް ބިނާ ކުރަން...18 އިޔަސް ކުއްޖަކާ މެރީ ކުރަން.....ޑޯންޓް ބީ ފޫލިޝް" ހުޝަލްގެ އަޑުގައިވީ ހަރުކަށިކަމެވެ.
"ނޫން..އައި ނީޑް ޓު ފައިންޑް ދަ ޓްރުތް ހުޝަލް....ބައްޕަ ވެސް އެތައް ހާސް ދޮގެއް ހަދައިފި...ސަބީބީ އޯލްސޯ އެލައިވް...ސަބީބީގެ އެދުމަކީ އަހަރެން އުރުޖުވާން އާއި އިނުން. ހަޤީޤަތް ހޯދުމަށް އައި ނީޑް ހާ...އައި ނީޑް ދިސް މެރިޖް...." މާޒިމް ހުޝަލް އަށް ވިސްނަދޭން މަސައްކަތް ކުރިއެވެ.
"ނާޝިދަކީ އަބަދުވެސް ދޮގުވެރި މަކަރުވެރިއެއް...އެކަމުގަ މާ ބޮޑު ހައިރެންވުމެއް ނެތް...ސަބީބީ އަކީ ކާކުތަ؟ އެއީ އެއްކަލަ މެއިޑް އެއްނު މާޒިމް ކޮން ހަޤީޤަތެއްތަ ނޭނގިގެން ތި އުޅެނީ...އަސްލު ތި ސަބީބީއެއް ދުނިޔޭގަ ހުރުމާ ކޮބާ ގުޅުމަކީ.........." ހުޝަލް އަށް ވާނުވާނޭނގޭ ކަހަލައެވެ.
"ސަބީބީ ވޯޒް ނޮޓް އަ މެއިޑް ފޯ މީ. ސަބީބީ ލުކްޑް އާފްޓާރ މީ.ހުޝަލް އަށް މިގުޅީ ހަމައެކަނި މެރީ ކުރާ ވާހަކަ ބުނަން..އައި ޑޯންޓް ނީޑް ޔޫ ޓު ޖަޖް މީ..." މާޒިމްއަށް ރުޅި އިސްކުރެވުނެވެ.
"މާޒިމް ހަމަޖެހިބަލަ.މީ ޖަޖް ކުރުމެއް ނޫން. އަންހެން ކުއްޖެއްގެ ލައިފް އާ ތި ކުޅެވެނީ އަމިއްލަ ބޭނުމަކަށް. މާޒިމް ކޮން ހަގީގަތެއް ހޯދަންތަ ތި މަސައްކަތް ކުރަނީ...."ހުޝަލް ކަންބޮޑުވުން ފާޅުކުރިއެވެ.
މާޒިމް އިތުރު ވާހަކަ ދެއްކުމެއްނެތި ފޯނު ކަނޑާލިއެވެ. އަދި ހުޝަލް ގުޅުމުންވެސް ފޯނު ކަނޑާލިއެވެ. އޮޕަރޭޝަން ތިއޭޓަރުގެ ބޭރުގައި ވި ގޮނޑި ބަރީގައި މާޒިމް އާއި ޖެހިގެން އިން ގޮނޑީގައި ހުރި ކެނާން އަށް ހުރެވުނީ ބުނާނެ އެއްޗެއް އެ ދަނޑިވަޅުގައި ނޭނގިފައެވެ. ކެނާން ގެ ފޯނަށް ހުޝަލް މެސްޖު ކުރަމުންދިޔައީ ހުއްޓުމެއްނެތިއެވެ.
"އެއްވެސް މީހެއްގެ އޮޕީނިއަން އެއް ބޭނުމެއް ނޫން........" މާޒިމް ކެނާން އަށް ލޯ އަޅާ ލަމުން ބުނެލީ ހުޝަލް މެސްޖް ކުރާކަން އެނގިގެންނެވެ.
"މާޒް...ކާމް ޑައުން....މާޒް ކުރަން ބޭނުން ކަމެއް ކުރަންވީ...އެކަމަކު ސަބީބީ ބުންޏަކަސް އެހެންމީހަކު ބުންޏަސްވެސް އުރުޖުވާންގެ ހުއްދަ ނެތި ކިހިނެއް އިންނާނީ" ކެނާން އަހައިލީ މަޑުމައިތިރިކަމާއެކުއެވެ.
" އުރުޖުވާން ވިލް މެރީ މީ. ނޯ ޗޮއިސް. ސަބީބީ ހޭ އެރި ވަގުތު އެދުނު ކަމަކަށް އުރުޖުވާން ނޫނެކޭ ނުބުނާނެ..." މާޒިމް ޔަގީން ކަންދިނެވެ.
"މާޒް....އަސްލު ތި ހޯދަން އުޅޭ ހަގީގަތަކީ ކޮބައިތަ؟ ހަމަޖެހިގެން ވާހަކަ ދައްކަބަލަ....އަންހެން ކުއްޖެގެ ދިރިއުޅުން ހަލާކެއްގެ ތެރެއަށް ވައްޓާނުލާ. އަދި އެވެސް އުރޖުވާން ކަހަލަ ކުއްޖެއްގެ..."
"އުރުޖުވާން ބޭނުން ނުވަންޏާމުން ގަދަ ބާރުން ކުރާކަށް ނޫޅެމޭ..." މާޒިމް ފުން ނޭވާ އެއް ދޫކޮށްލުމަށްފަހު ހިނގައިގަތީ ވޯޑާއި ދިމާއަށެވެ.
ސަބީހާ ހޮސްޕިޓަލަށް ގެނައުމަށް ފަހު ހޭ އެރި ނަމަވެސް ދެވަނަ ފަހަރަށް ޖެހުނު ސްޓޮރޯކު ބޮޑުކަމުން ހަ ގަޑި އިރުގެ އޮޕަރޭޝޭނެއް ކުރުމަށް ވަނީ ތިއޭޓަރުގައެވެ. ސަބީހާ ހޭ އެރި ވަގުތުގައި ދެއްކި ވާހަކަ ތަކުންނާއި ސަބީހާގެ ހާލު އިތުރަށް ގޯސް ވާންފެށުމުން ލިބުނު ޝޮކެއްގައި ހޭނެތުމުން ވަނީ ނިދާ ބޭސް ދީ ނިންދަވާފައެވެ.
***
ހުޝަލް ފޯނުން އަޑު ހަރުކޮށް ވާހަކަ ދައްކާ އަޑު އިވުމުން ނިދިފައި އޮތް މީކާއިލް އަށް ހޭލެވުނެވެ.
"ކިހިނެއްވީ ހުޝަލް...ހުރިހާ ކަމެއް އޯކޭތަ؟" މޯޅިއަކަށް ދެމެމުން މީކާއިލް އަހާލިއެވެ.
"ނޫން...އިޓްސް މާޒް. މާޒް އެ އުޅެނީ އަށާރަ އަހަރުވީ އަންހެން ކުއްޖަކާ ކައިވެނި ކުރަން. މަދީނާ ހާ ޔަންގް ކުއްޖަކާ..." ބޯ ހޫރުވަމުން ހުޝަލް ނުރުހުންތެރިކަމާއެކު ވާހަކަ ފެށިއެވެ.
"އެއީ މައްސަލައެއްތަ؟ ޔަންގް ކުއްޖަކާ ކައިވެނި ކުރުމަކީ ރަނގަޅު ކަމެއް.މއެހެންނޫނަސް ބާލިޢު ވުމުން ކައިވެނި ހުއްދަ ވާނެ 18 އަހަރު ނުވިޔަސް..." މީކާއިލް ހިނިތުންވެލަމުން ބުނެލިއެވެ.
"ނޫން.. މާޒް ކޮންމެވެސް ބޮޑުކަމެއްގެ ހަގީގަތް ނޭނގިގެން އެ ހޯދަންށޯ އެކުއްޖާ އާ ކައިވެނި ކުރަނީ. މީތި ހަމަ އެއްނުޖެހޭ. އަނެއްކާ މަންމަ ދުނިޔޭގައި ހުރިކަން އެނގެނީ ބާ....އަހަނަނަށް ކޮންމެވެސް ކަމެއް ފޮރުވާ އެބަ މާޒް...." ހުޝަލް ކަންބޮޑުވިއެވެ.
"އެއީ ކާކުކަން އެނގޭތަ؟އެ އަންހެންކުއްޖާ؟ މާޒިމް އެހާ މޮޔައެއް ނުވާނެ އަންހެން ކުއްޖެއްގެ ދިރިއުޅުމާއި ކުޅެލާކަށް...ތި ކަމުގަ ފޮރުވިފައިވާ ކަމެއް އެބަ އޮތްހެން މަށަށްވެސް ހީވަނީ..." މީކާއިލްވެސް ހިޔާލު ބަދަލު ކޮށްލިއެވެ.
"އުރުޖުވާން ކިޔާ ކުއްޖެ. ކުރިން ގޭގަ މެއިޑް އަކަށް އުޅުނު ސަބީހާ ނަމަކަށް ކިޔާ މީހެއްގެ މާމަ ދަރިއެކޯ.....ނޭނގޭ މާޒިމްވެސް މޮޔަ ވީ ތޯއްޗެއް؟"
"ސަބީހާ ދަންނަންތަ އެހެންވީމަ؟" މީކާއިލް އަހައިލިއެވެ.
"ވަރަށް ކުޑަކޮށް ހަނދާން ހުރޭ. ގިނައިން ގެ ބޭރުގައި ހުންނަ ކޮޓެޖް ގަ ސަބީހާ ދިރިއުޅޭނީ. އަހަރެން އެހާ ބޭރު ގޯތި ތެރޭ ނޫޅެން ކުޑައިރުވެސް.. މާޒިމް އަބަދުވެސް ބޭރު ތެރޭ ދުވެ ސަކަރާތް ޖެހުމުގަ އުޅޭނީ. އެހެން ނޫނަސް އެ ނާޝިދު އަހަރެން އައިސް މިކޮޅު ބޯޑިން އަށްވެސް ލައިފި. އޭގެ ފަހުން ރާއްޖެ ދިޔަޔަސް އަބަދުވެސް ރިސޯޓުތަކަށް ފެމިލީ ހޮލިޑޭތަކަށް ދަނީ. މާޒްވިލާގައި މަޑު ނުކުރަން...އެހާ ހަނދާނެއް ނުހުރޭ ސަބީހާގެ...ވެދާނެ ސަބީހާ އަށް އެހާ އެޓޭޗް ވެފަ ހުރުމުން މާޒިމް އޭނައަށް ހަމަދަރުދީވެ އިންނަން އެއްބަސްވީ ކަމަށްވެސް..ކެނާންވެސް މެސްޖަކަށް ރިޕްލައި ނުކުރޭ.ނޭނގޭ ހުސް ބޯ ހަލާކު ކަންތައް...." ހުޝަލް ގެ އަޑުގައިވީ ވަރުބަލިކަމެވެ.
ނުނިމޭ