05 Jan 2024, 15:56
އެންބީއޭ ބާސްކެޓުބޯޅަ މުބާރާތުގައި ލޮސް އެންޖަލިސް ކްލިޕާސްއިން ފީނިކްސް ސަންސްގެ މައްޗަށް ކުރި ހޯދައިފިއެވެ.
ފީނިކްސްގެ ފުޓްޕްރިންޓް ސެންޓާގައި ކުޅުނު މި މެޗު ކްލިޕާސް ކާމިޔާބު ކޮށްފައިވަނީ 131 ޕޮއިންޓް 122 ޕޮއިންޓުންނެވެ. ދެ ޓީމުގެ ފަރާތުން ވާދަވެރި ކުޅުމެއް ފެނިގެންދިޔަ މި މެޗުގައި ކްލިޕާސްއަށް އެންމެ ރަނގަޅު ކުޅުމެއް ދެއްކީ 33 ޕޮއިންޓް ހޯދައިދީ ހަތް ރީބައުންޑް ނަގައިދީ ތިން އެސިސްޓް ދިން ޕޯލް ޖޯޖެވެ. އަދި، ސަންސްއަށް އެންމެ ރަނގަޅު ކުޅުމެއް ދެއްކީ 35 ޕޮއިންޓް ހޯދައިދީ 2 ރީބައުންޑް ނަގައިދީ 6 އެސިސްޓް ދިން ޑެވިން ބޫކާއެވެ.
މި މުބާރާތުގައި ސެކްރެމެންޓޯ ކިންގްސްއާއި ޑެލަސް މެވްރިކްސް ބައްދަލުކުރި މެޗު 138 ޕޮއިންޓް 135 ޕޮއިންޓުން ކާމިޔާބުކުރީ ކިންގްސްއެވެ.
ސެކްރެމެންޓޯގެ ގޯލްޑެން ވަން ސެންޓާގައި ކުޅުނު މި މެޗުގައި ދެ ފަހަރު އޯވާ ޓައިމް ކުޅެން ޖެހުނެވެ. މި މެޗުގައި ކިންގްސްގެ ޑޮމަންޓާސް ސަބޮނިސްވަނީ 22 ޕޮއިންޓް ހޯދައިދީ 23 ރީބައުންޑް ނަގައިދީ 12 އެސިސްޓްކޮށް ޓްރިޕްލް ޑަބަލްއެއް ހަދައިފައެވެ. މެޖިކަށް އެންމެ ރަނގަޅު ކުޅުމެއް ދެއްކީ 43 ޕޮއިންޓް ހޯދައިދީ ހަތަރު ރީބައުންޑް ނަގައިދީ ފަސް އެސިސްޓް ދިން ޕައޮލޯ ބަންޗޭރޯއެވެ.
މީގެ އިތުރުން، މައޭމީ ހީޓް އާއި ލޮސް އެންޖަލިސް ލޭކާސް ބައްދަލުކުރި މެޗު 110 ޕޮއިންޓް 96 ޕޮއިންޓުން ކާމިޔާބު ކުރީ ހީޓެވެ. މި މެޗުގައި ހީޓަށް އެންމެ ރަނގަޅު ކުޅުމެއް ދެއްކީ 21 ޕޮއިންޓު ހޯދައިދީ ހަ ރީބައުންޑް ނަގައިދީ ހަތަރު އެސިސްޓް ދިން ޓައިލާ ހޭރޯއެވެ. އަދި، ލޭކާސްއަށް އެންމެ ރަނގަޅު ކުޅުމެއް ދެއްކީ 29 ޕޮއިންޓް ހޯދައިދީ 17 ރީބައުންޑް ނަގައިދީ ހަ އެސިސްޓް ދިން އެންތަނީ ޑޭވިސްއެވެ.
މިމުބާރާތުގައި ކުޅުނު އެހެން މެޗުތަކަށް ބަލައިލާއިރު އިންޑިއާނާ ޕޭސާސްއާއި މިލްވައުކީ ބަކްސް ބައްދަލުކުރި މެޗު 142 ޕޮއިންޓް 130 ޕޮއިންޓުން ޕޭސާސް ކާމިޔާބުކުރިއިރު ކްލީވްލަންޑް ކެވެލިއާސްއާއި ވޮޝިންޓަން ވިޒަޑްސް ބައްދަލުކުރި މެޗު 140 ޕޮއިންޓް 101 ޕޮއިންޓުން ކާމިޔާބުކުރީ ކެވެލިއާސްއެވެ. އެޓްލާންޓާ ހޯކްސްއާއި އޮކްލޮހޯމާ ސިޓީ ތަންޑާ ބައްދަލުކުރި މެޗު 141 ޕޮއިންޓް 138 ޕޮއިންޓުން ހޯކްސް ކާމިޔާބުކުރިއިރު ނިއުއޯލިއަންސް ޕެލިކަންސް އާއި މިނެސޯޓާ ޓިމްބާވުލްވްސް ބައްދަލުކުރި މެޗު 117 ޕޮއިންޓް 106 ޕޮއިންޓުން ކާމިޔާބުކުރީ ޕެލިކަންސްއެވެ.
ޓޮރޮންޓޯ ރެޕްޓާސްއާއި މެމްފިސް ގްރިޒްލީސް ބައްދަލުކުރި މެޗު 116 ޕޮއިންޓް 111 ޕޮއިންޓުން ރެޕްޓާސް ކާމިޔާބު ކުރިއިރު ހިއުސްޓަން ރޮކެޓްސްއާއި ބްރޫކްލިން ނެޓްސް ބައްދަލުކުރި މެޗު 112 ޕޮއިންޓް 101 ޕޮއިންޓުން ކާމިޔާބުކުރީ ރޮކެޓްސްއެވެ. ޑެލަސް މެވްރިކްސްއާއި ޕޯޓްލަންޑް ޓްރެއިލް ބްލޭޒާސް ބައްދަލުކުރި މެޗު 126 ޕޮއިންޓް 97 ޕޮއިންޓުން މެވްރިކްސް ކާމިޔާބު ކުރިއިރު ނިއުޔޯކް ނިކްސްއާއި ޝިކާގޯ ބުލްސް ބައްދަލުކުރި މެޗު 116 ޕޮއިންޓް 100 ޕޮއިންޓުން ކާމިޔާބުކުރީ ނިކްސްއެވެ. އަދި، ޔޫޓާ ޖޭޒްއާއި ޑެޓްރޮއިޓް ޕިސްޓަންސް ބައްދަލުކުރި މެޗު އޯވާ ޓައިމަށް ގޮސް 154 ޕޮއިންޓް 148 ޕޮއިންޓުން ކާމިޔާބު ކުރީ ޖޭޒްއެވެ.