04 Jan 2024, 23:44
ކޮޕާ އިޓަލިއާގެ ކުއާޓާ ފައިނަލުން އޭސީ މިލާން ޖާގަ ހޯދައިފިއެވެ.
މި މުބާރާތުގެ ކުއާޓަ ފައިނަލުން އޭސީ މިލާން ޖާގަ ހޯދައިފާވަނީ ރައުންޑް އޮފް ސިކްސްޓީންގައި ކަގްލިއާރީ އާއި ބައްދަލުކޮށް 4-1ގެ ނަތީޖާއަކުން ކުރި ހޯދައިގެންނެވެ.
ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔަ މި މެޗުގައި ގިނައިރު ބޯޅަ ގެންގުޅެ ގިނަ ހަމަލާ އުފައްދައިފައިވަނީ މިލާންއިންނެވެ. މި މެޗުގެ ފުރަތަމަ ލަނޑު ޖަހައި މެޗުގެ ލީޑު 29ވަނަ މިނެޓްގައި ނެގީ މިލާންއިންނެވެ.
މި ލަނޑު އެ ޓީމަށް ޖަހައިދިނީ ލޫކާ ޔޮކިޗްއެވެ. އަދި މި މެޗުގައި ޔޮކިޗްވަނީ މެޗުގެ 42ވަނަ މިނެޓްގައި އިތުރު ލަނޑެއް ޖަހައި މިލާންގެ ލީޑު ފުޅާކޮށްދީފައެވެ.
މި މެޗުގައި މިލާންގެ ތިންވަނަ ލަނޑު މެޗުގެ 50ވަނަ މިނެޓްގައި ޖަހައިދިނީ ޗާކާ ޓްރައޯރޭއެވެ. މި މެޗުގައި ކަގްލިއާރީއިން ކާމިޔާބުކުރި ހަމައެކަނި ލަނޑު މެޗުގެ 87ވަނަ މިނެޓްގައި އެ ޓީމަށް ކާމިޔާބު ކޮށްދިނީ ޕައުލޯ އާޒީއެވެ.
މި މެޗުގައި މިލާންއިން ކަމިޔާބުކުރި ފަހު ލަނޑު މެޗުގެ އިތުރު ވަގުތުގެ ފުރަތަމަ މެޗުގައި ޖަހައިދިނީ ރަފައެލް ލިއާއޯއެވެ.
މި ކާމިޔާބީއާއެކު މިލާން މިހާރުވަނީ ކޮޕާ އިޓާލިއާގެ ކުއާޓާ ފައިނަލުން ޖާގަ ލިބިގެން ގޮސްފައެވެ. ކުއާޓާ ފައިނަލްގައި މިލާން ބައްދަލުކުރާނީ އެޓަލާންޓާއާއެވެ.
މި މުބާރާތުގެ ކުއާޓާ ފައިނަލުން އެޓަލާންޓާ ޖާގަހޯދީ ރައުންޑް އޮފް ސިކްސްޓީންގައި ސަސުއޮލޯ އާއި ބައްދަލުކުރި މެޗު 3-1 އިން ކާމިޔާބުކޮށްގެންނެވެ.