04 Jan 2024, 16:29
ޣައްޒާގެ ރައްޔިތުން ޣައްޒާއިން ބާލަން ޖެހޭ ކަމަށް ބުނެ އިސްރާއީލުގެ ވަޒީރުން ދެއްކެވި ވާހަކަފުޅުތަކާމެދު އެމެރިކާއިން ނުރުހުން ފާޅުކޮށްފިއެވެ.
އެމެރިކާއިން ނުރުހުން ފާޅުކޮށްފައި ވަނީ, އިސްރާއީލުގެ ރައްޔިތުންނަށް ޣައްޒާ ހަވާލުކުރުމަށްފަހު ފަލަސްތީނުގެ ރައްޔިތުން އެ ބިމުން ފައިބަން އިސްރާއީލުގެ މާލީ ވަޒީރު ބެޒަލެލް ސްމޮޓްރިޗާއި ގައުމީ ސަލާމަތާއި ބެހޭ ވަޒީރު އިތަމާރް ބެން ގްވީރް ގޮވައިލެއްވުމުންނެވެ.
އެމެރިކާގެ ސްޓޭޓް ޑިޕާޓްމަންޓުގެ ތަރުޖަމާނު މެތިއު މިލާ ވިދާޅުވީ ޣައްޒާއިން ބޭރުގައި ފަލަސްތީނުގެ މީހުން އަލުން ވަޒަންވެރިކުރުމަށް ވަކާލާތުކުރާ އިސްރާއީލުގެ ވަޒީރުން ކަމަށްވާ ބެޒާލެލް ސްމޮޓްރިޗް އާއި އިތަމާރް ބެން ގްވިރު ދެއްކެވި ވާހަކަފުޅުތައް ވަރަށް ބޮޑަށް ކުށްވެރިކުރާ ކަމަށެވެ.
އަދި ޣައްޒާ އަކީ ފަލަސްތީނުގެ ބިމެއް ކަމަށާއި ޣައްޒާ އޮންނާނީވެސް ފަލަސްތީނުގެ ބިމެއްގެ ގޮތުގައި ކަމަށް އެމެރިކާއިން ދެކޭ ކަމަށް އޭނާ ވިދާޅުވިއެވެ. ނަމަވެސް ފަލަސްތީނުގެ މުސްތަގުބަލު ކޮންޓްރޯލު ކުރަން ހަމާސް އޮތުމާއި އިސްރާއީލަށް ނުރައްކާ ކުރާނެ އެހެން ޖަމާއަތެއް ވެސް އޮތުމަށް އެމެރިކާއިން ބޭނުންވާ ކަމަށްވެސް މިލާ ވިދާޅުވިއެވެ.
އެ ވާހަކަތަކާ ގުޅިގެން އިސްރާއީލުން ވަނީ އެކަމަށް ރައްދުވެސް ދީފައެވެ.
އެގޮތުން އެމެރިކާއަކީ އިސްރާއީލުގެ އެންމެ ގާތް އެކުވެރިޔާ ނަމަވެސް އެންމެ ބޮޑު އިސްކަމެއް ދޭނީ އިސްރާއީލުގެ ދައުލަތަށް އެންމެ ރަނގަޅު ގޮތަށް ކަމަށް ބެން ގްރީވެ ވިދާޅުވެފައިވެއެވެ.