03 Jan 2024, 14:31
އާ އަހަރެއް ފެށުމަކީ ދިރިއުޅުމުގެ އާ ބާބެއް ފެށުމެވެ. ދިރިއުޅުމުގެ ވައްޓަފާޅިއާއި ގައިގައި އަށަގެންފައިވާ ނުރަނގަޅު އާދަތައް އިސްލާހުކުރުމަށް ލިބޭ ރަނުގެ ފުރުސަތެކެވެ. ކޮންމެ އާ އަހަރަކާ ދިމާކޮށް އާ އަޒުމްތަކެއް ކަނޑައަޅަނީ މިހެންވެއެވެ. އިނގިރޭސި ބަހުން ނަމަ، "ނިއު އިޔާ ރިސޮލިއުޝަންސް" އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ވަނީ މި ފެށުނު އަހަރުގެ އާ ނިއު އިޔާ ރިސޮލިއުޝަންސްގެ ގޮތުގައި ކަނޑައެޅިދާނެ ކަންތައްތަކެއް ފާހަގަކޮށްފައެވެ. އެއީ ދުޅަހެޔޮ ސިއްހަތެއް ހޯދުމަށް އާ އަހަރު އަޒުމު ކަނޑައެޅުމެވެ.
އެޗްޕީއޭ އިން ފާހަގަކޮށްފައިވާ ބައެއް ކަންތައްތަކަކީ:
ދުފުމާ ދުރުހެލިވުން: ސުޕާރި، ފޯއް، ބިލެތް އަދި ހުނި ފަދަ ތަކެތި ބޭނުންކުރުން ހުއްޓާލުން.
އެތަކެތީގެ ބަދަލުގައި ފޮނިތޮށި، ކަރަންފޫ، ކާފޫރުތޮޅި އަދި ދިރި ބޭނުންކުރެވިދާނެ.- ދުންފަތުގެ އިސްތިއުމާލުކުރުން ހުއްޓާލުމަށް އަޒުމް ކަނޑައެޅުން: ދުންފަތުގެ އިސްތިއުމާލުކުރުން ހުއްޓާލުމުން ހިތުގެ ބަލި ޖެހުމާއި، ކެންސަރު ޖެހުމާއި ފުއްޕާމޭގެ ބަލި ޖެހުމުގެ ފުރުސަތު ކުޑަކޮށްދޭ. ދުންފަތުގެ ބާވަތްތަކުގެ ތެރޭގައި ޝިޝާ، ހީޓެޑް ޓޮބެކޯ، ވޭޕް އަދި އީ-ސިނގިރޭޓްގެ ހުރިހާ ބާވަތެއް ހިމެނޭ. ދުންފަތުގެ އިސްތިއުމާލު ކުރުން ހުއްޓާލުމަށް އެހީތެރިކަން ދިނުމަށް ދެވޭ ހިދުމަތްތަކާއި ބޭސް، އާސަންދައިނެ ހިލޭ ލިބޭ
- ކެއުމުގައި ލޮނު ބޭނުންކުރާ މިންވަރު މަދުކުރުން:
ކެއުމުގައި ލޮނު ބޭނުންކުރާ މިންވަރު ދުވާލަކަށް ފަސް ގުރާމަށް ވުރެ އިތުރުނުކުރަން އެޗްޕީއޭއިން ލަފާދޭ. ފަސް ގުރާމަކީ އެއް ސައިސަމުސާ. - ހަފުތާއަކު ފަސް ދުވަހު، ކޮންމެ ދުވަހަކު މަދުވެގެން 30 މިނެޓު ކަސްރަތުކުރުން:
ދުޅަހެޔޮ ސިއްހަތެއްގައި ހުރުމަށް ހެލިފެލިވެ އުޅުން މުހިއްމު. ވިމާ، ހިނގުން، ދުވުން، ފެތުން ނުވަތަ މިނޫންވެސް ކަސްރަތެއް ޙިޔާރުކުރުން ރަނގަޅު. އަދި، މަސައްކަތުގެ މާހައުލުގައި ކޮންމެ 30 މިނެޓަކުން އިށީނދެ އިންނަ ގޮނޑިން ތެދުވެ ހަރަކާތެއް ކުރުމަށް އެޗްޕީއޭއިން ލަފާދޭ.
'ދުޅަހެޔޮ ސިއްހަތަކަށް އަހަރެންގެ އަޒުމް' ޝިއާރުގެ ދަށުން އެޗްޕިއޭއިން އާއްމުކުރި އިންފޯގްރެފިކް --- ފޮޓޯ: އެކްސް، އެޗްޕިއޭ
މީގެ އިތުރުން:
ސިއްހަތަށް ފައިދާހުރި ނާސްތާއަކުން ދުވަސް ފެށުން
- ނިދި ހަމަކުރުމާއި އަރާމުކުރުން
- އެކަށީގެންވާ ވަރަށް ފެންބުއިން
- ބަރުދަން، ހުންނަން ޖެހޭ މިންވަރުގައި ހިފެހެއްޓުން
- އަމިއްލަ ނަފުސަށް އަޅާލުމާއި އޯގާތެރިވުން (ސެލްފް ކެއާ)