27 Dec 2023, 13:28
ދިވެހިބަހުގެ އެކެޑަމީގެ ބަސްކޮމެޓީގެ މެންބަރުކަމަށް ދެ ބޭފުޅަކު މިއަދު އައްޔަންކޮށްފިއެވެ.
މިއަދު އައްޔަންކުރި ދެ ބޭފުޅުންނަކީ ވ. ކަންދު، ޙަސަން މަނިކާއި، މއ. ވިލުވެލި، ބަދުރުއް ނަޞީރެވެ.
މި ދެ ބޭފުޅުން ބަސްކޮމެޓީގެ މެންބަރުންގެ ގޮތުގައި ހަމަޖެއްސުމަށް ނިންމެވީ، މިދިޔަ ބުރާސްފަތި ދުވަހު ބޭއްވި އެކެޑަމީގެ މެންބަރުންގެ ބައްދަލުވުމުގައެވެ.
މި ދެ ބޭފުޅުން ކޮމެޓީއަށް އައްޔަންކުރީ މިއަދެވެ.
ދިވެހިބަހުގެ އެކެޑަމީގެ ބަސް ކޮމިޓީގައި މި ވަގުތު މަސައްކަތްކުރައްވަނީ ހަތް މެންބަރުންނެވެ.
ބަސް ކޮމިޓީއަކީ ދިވެހިބަހާ ގުޅުންހުރި ދާއިރާތަކުން ބަސް އުފެއްދުމާއި ބަހުގެ މާނައާއި، ބަސްފޮތާއި، ރާއްޖެއާއި ރާއްޖެއިން ބޭރުގެ މުއައްސަސާތަކުން ދިވެހިބަހާއި ގުޅުންހުރި މަސައްކަތްތަކަށް އެހީތެރިކަން ފޯރުކޮށްދޭ ކޮމިޓީއެކެވެ.
އަދި ބަހުގެ ހަމަތަކާއި އުސޫލުތައް ދަމަހައްޓައި، ބަސް ކުރިއެރުވުމުގެ ބޭނުމުގައި އުފައްދައިފައިވާ ކޮމިޓީއެކެވެ.