29 Oct 2023, 10:55
ސެމްސަންގްއިން ދެން ނެރޭ ގެލެކްސީ އެސް24 ސީރީޒްގެ ފްލެގްޝިޕް ސްމާޓްފޯނަކީ ސެޓެލައިޓް ކޮމިއުނިކޭޝަން ސަޕޯޓް ފޯރުކޮށްދޭ އެ ކުންފުނީގެ ފުރަތަމަ ފޯނު ކަމަށް ވެދާނެ ކަމަށް ޓެކްރިޕޯޓްތައް ބުނެފިއެވެ.
ސެމްސަންގްގެ ހެޑް އޮފް ސިސްޓަމް އެލްއެސްއައި ބިޒްނަސް ޔޮންގް-އިން ޕާކް ސީސާ ޖާނަލް-އީ އިން ރިޕޯޓުކޮށްފައިވާ ގޮތުގައި އަންނަ އަހަރުން ފެށިގެން އެ ކުންފުނީގެ ސްމާޓްފޯނުތަކުގައި ސެޓެލައިޓް ކަނެކްޓިވިޓީ ގާއިމު ކުރުމަށް އެ ކުންފުނިން ވަނީ ތައްޔާރީތައް ވެފައެވެ.
ސީދާ ޓައިމްލައިނެއް ހާމަކޮށްފައި ނުވި ނަމަވެސް އަންނަ އަހަރު ލޯންޗްކުރަން ހަމަޖެހިފައިވާ ގެލެކްސީ އެސް24 ލައިން ވެގެންދާނީ މި ފީޗާ ތައާރަފު ކުރަން އެންމެ ރަނގަޅު ކެނޑިޑޭޓަކަށެވެ. މިކަމުގެ ސަބަބުން ފޯނުގެ ރޭންޖުން ބޭރުގައި މެސެޖްކުރުމާއި އިމަޖެންސީ އެހީއަށް ސެޓެލައިޓް ނެޓްވޯކްތަކަށް ވަނުމުގެ ފުރުޞަތު ލިބޭނެއެވެ.
އެޕަލް އިން މިދިޔަ އަހަރު އައިފޯން 14 މޮޑެލްތަކުގައި އެފަދަ އިމަޖެންސީ އެސްއޯއެސް ފީޗާއެއް ތައާރަފުކޮށްފައެވެ. ސެމްސަންގްގެ އަމިއްލަ އެގްޒިނޯސް 5300 އާއި ގޫގުލްގެ ޓެންސަ މޮބައިލް ޗިޕްސް އިން ވެސް ނޮން-ޓެރެސްޓްރިއަލް ނެޓްވޯކް (އެންޓީއެން) ކަނެކްޓިވިޓީއަށް އެހީތެރިވެދެއެވެ.
ސްނެޕްޑްރެގަން 8 ޖެން 3 ޗިޕް ބޭނުންކުރާނެ ކަމަށް ބެލެވޭ ސެމްސަންގުން ގެލެކްސީ އެސް23 ސީރީޒްގެ ސެޓެލައިޓް ކޮމިއުނިކޭޝަން އެކްޓިވޭޓް ކުރަން ނިންމާފައިވާ ކަމެއް އަދި ސާފެއް ނުވެއެވެ. ސެމްސަންގްގެ މޮބައިލް ޑިވިޝަންގެ ހެޑް ޓީއެމް ރޯހް ބުނީ މިދިޔަ ފެބުރުއަރީ މަހު ނެރުނު އެސް23 ސިރީޒްގެ ފޯނުތަކުގައި ސެޓެލައިޓް ފަންކްޝަނަލިޓީ ދަށްކޮށްފައި ވާކަމަށެވެ.
އަންނަ އަހަރުގެ މޮޑެލްތަކުގައި ސެޓެލައިޓް ސަޕޯޓަށް ތައްޔާރުވެ، ސެމްސަންގްގެ އަމާޒަކީ ޒަމާނީ މުވާސަލާތީ ގާބިލުކަން ފޯރުކޮށްދިނުމުގައި އެޕަލްއާ އެއްގޮތަށް ކުރިއަށް ދިއުމެވެ. އެކަމަކު ހަގީގީ ދުނިޔޭގައި ހުރި ގޮންޖެހުންތަކުގެ ސަބަބުން މިފަދަ ޚިދުމަތްތަކަށް ހުރަސް އެޅިދާނެކަމަށް ބައެއް ފަރާތްތަކުން ދެކެއެވެ.
ސެޓެލައިޓް ނެޓްވޯކްތަކާ ސްމާޓްފޯންތައް ގުޅުވާލެވޭ ވަރަކަށް ސެލިއުލާ ނެޓްވޯކްތަކުގެ ބޭރުން ހަރުދަނާ އިމަޖެންސީ މެސެޖިން އާއި ކަވަރޭޖް ހަގީގަތަކަށް ވެދާނެކަމަށް ބެލެވެއެވެ. ސެމްސަންގްގެ ސެޓެލައިޓް ކަނެކްޓިވިޓީ އަކީ ކުރިއަށް އޮތް ތަނުގައި ސްޓޭންޑަޑް ފްލެގްޝިޕް ފީޗާއަކަށް ހަދަން ނިންމާފައިވާ ޚިދުމަތެއްކަމަށްވެސް ބައެއް ރިޕޯޓްތައް ބުނެއެވެ.