Last Updated: 2 year 3 month ago
ރިޔާސީ ކެންޑިޑޭޓުންގެ ބަހުސްގެ ލައިވް ކަވަރޭޖް
[މި އިންތިޚާބަކީ] ވަރަށް ސަރުކާރުގެ ނުފޫޒާއި ބާރު ފޯރުވައިގެން ކުރިއަށްގެންދާ، އެތެރެ ނުފެންނަ އިންތިޚާބެއް.
ގައުމުގެ މައްސަލަތައް ރަނގަޅު ކުރެވޭނީ، އެންމެނަށް އެއްބަސްވެވޭ ޕްލޭނެއް އެކުލަވައިލެވިގެން. ސިޔާސީ ވިސްނުން އެއްކިބާކޮށް މުޅި ގައުމުގެ މިސްރާބެއް ކަނޑައެޅިގެން،
އިލްޔާސް ލަބީބު ވިދާޅުވީ، މި އަންނަނީ މުޅި ގައުމު ބަދަލު ކުރަން ކަމަށް. ޖީލު ބަދަލުވެއްޖެ ކަމަށް ވިދާޅުވި.
އޭނާ ވިދާޅުވީ، ޑިމޮކްރެޓްސް މިހާރު ވެސް އޮތީ ދެވަނަ ބުރެއްގައި ކަމަށާއި އިރާދަކުރެއްވިއްޔާ ރައީސުލްޖުމްހޫރިއްޔާ ކަމުގެ ހުވާ ކުރައްވާނެ އޭނާ ކަމަށް.
އަޅުގަނޑު އިރާދަކުރެއްވިއްޔާ މިހިރީ މިހާރު ދެވަނަ ބުރުގަ. އިރާދަކުރެއްވިއްޔާ އަޅުގަނޑު ވެރިކަމުގެ ހުވާ ކުރާނަން.
އަޅުގަނޑަށް ފުރިހަމަ ތާއިދާއި އިތުބާރާއެކު ޓިކެޓް ހަވާލުކުރެއްވީ ރައީސް ޔާމީން.
އަޅުގަނޑުގެ ސަރުކާރަކު އަޅުގަނޑުގެ އާއިލާގެ މީހަކަށް އަދި ވަޒީފާ ދީފައެއް ނުހުންނާނެ. އަދި ދެންވެސް ނުދޭނަން.
އަޅުގަނޑުގެ ސަރުކާރަކު އަޅުގަނޑުގެ އާއިލާގެ މީހަކަށް އަދި ވަޒީފާ ދީފައެއް ނުހުންނާނެ. އަދި ދެންވެސް ނުދޭނަން.
އުމަރު ނަސީރު ވިދާޅުވީ ރާއްޖޭގެ މައްސަލަތައް ހައްލުކުރަން، ޔޫރަޕުން އިމްޕޯޓް ކުރި މޮޑެލްތައް ބަދަލުކުރުމަށް އިސްލާމީ ޝަރީއަތުގައި ހިފަން ޖެހޭ ކަމަށް. އަދި ކޮރަޕްޝަނާއި މީހުން މެރުން ފަދަ ބޮޑެތި މައްސަލަތައް ހައްލުކުރަން އިސްލާމީ ޝަރީއަތުގައި ހިފާނެ ކަމަށް އުމަރު ވިދާޅުވި.
އުމަރު ވިދާޅުވީ، ރިސޯޓުތަކުގައި ވަގުތުން ރާ މަނާ ކުރުމަކީ ކުރެވޭނެ ކަމެއް ނޫން ކަމަށް.
ރައީސް ވިދާޅުވީ މި ވެރިކަން ފެށުނު އިރު ސިއްހީ ދާއިރާ އޮތީ ފެއިލްވެފައި ކަމަށް. އަދި "އާސަންދައަށް ފަރުވާ ދިނުމުގެ" މަސައްކަތް ކުރަމުންދާ ކަމަށާއި އޭގެ ތެރޭގައި ޔޫރަޕުން ބޭސް ގެނެވޭ ގޮތަށް އެއްބަސްވުން ހެދުމުގެ މަސއްކަތައް ކުރަމުން ދާ ކަމަށް ރައީސް ވިދާޅުވި.
މީގެ އިތުރުން މި ސަރުކާރުން 71 ބޭހެއްގެ އަގު ހާމަނައިޒްކޮށް، 20 މިލިއަން ރުފިޔާ ސަލާމަތް ކުރެއްވިއްޖެ ކަމަށް ރައީސް ވިދާޅުވި.
އިލްޔާސް ވިދާޅުވީ، ސަރުކާރުން ކޮށްފައިވާ އެންމެ ބޮޑު ބޭއިންސާފަކީ އާސަންދައަށް ސަލާން ޖަހަން މަޖުބޫރު ކުރުން ކަމަށް.
އިލްޔާސްގެ ވެރިކަމުގައި ސަލާން ޖަހަން ނުޖެހި، އާސަންދައަކީ ވަރުގަދަ ނިޒާމަކަށް ބަދަލުކުރާނެ ކަމަށް ވިދާޅުވި. ސިއްހީ ދާއިރާގެ މުސާރައަށް ގެނައި ބަދަލުވެސް ރަނގަޅު ނޫން ކަމަށް އިލްޔާސް ވިދާޅުވި.
ފާރިސް ވިދާޅުވީ ރިޓަޔާ ކުރާ އުމުރު 65 އަހަރުން 70 އަހަރަށް މަތި ކުރާނެ ކަމަށް. އަދި ޒުވާނުންނަށް ފާޑު ކިޔުމުގެ ބަދަލުގައި ޒުވާނުންނަށް މަގު ދައްކަން ޖެހޭ ކަމަށް ވިދާޅުވި.
ގާސިމް ވިދާޅުވީ ޒުވާނުންނަށް ފުރުސަތު ފަހި ކޮށްދެއްވާނެ ކަމަށް. އަދި، މުސްތަގުބަލު ރަނގަޅު ކުރުމަށް ތައުލީމީ ނިޒާމަށް ވެސް ބަދަލު ގެންނަން ޖެހޭ ކަމަށް.
އޭނާ ވިދާޅުވީ، އިސްރަށްވެހިންނަށް ދޭ އެލަވަންސް ވެސް ބޮޑު ކުރަން ޖެހޭ ކަމަށް. އެގޮތުން އޭނާގެ ވެރިކަމެއްގައި 5،000 ރުފިޔާގެ އިނާޔާތް 7،000 ރުފިޔާއަށް ބޮޑު ކޮށްދެއްވާނެ ކަމަށް.
ރައީސް ވިދާޅުވީ ތޮއްޖެސުން ހައްލު ކުރުމަށް ޓަކައި އާބަން ސެންޓަރުތަކެއް ގާއިމު ކުރުމުގެ މަސައްކަތް ކުރަމުންދާ ކަމަށް.
ތާއަބަދަށް ބޯހިޔާވަހިކަމުގެ މައްސަލަ ހައްލުކޮށް ނިންމައިދޭނަން،
އަޅުގަނޑު ދަންނަވާލަން ބޭނުންވަނީ ފަސް އަހަރު ނިމެން ދެ ހަފުތާއަށް ވީމައި ގޯތި ދިނުމަކީ ތޯއޭ ރައްޔިތުންނަށް ހައްގު މިންވަރަކީ،
ވެރިކަން ކުރާ ބޭފުޅުންނަށް ޝަރަފުވެރިކަމާއި އަބުރުވެރިކަމާ އެކު އުޅެވެން ޖެހޭ. އަޅުގަނޑުގެ ސަރުކާރެއްގައި ކުރީގެ ރައީސުން ފަހަތުން ނުދުވާނަން،
އިލްޔާސް ލަބީބު ވިދާޅުވީ، ކުރީގެ ރައީސުންގެ ފަހަތުން ދުވަން އެއްވެސް ޝައުގުވެރިކަމެއް ނެތް ކަމަށް. އަދި، ދިވެހި ރައްޔިތުންނަށް އިންސާފު ހޯދައިދިނުމަށް ކުރަން ޖެހޭ މަސައްކަތްތައް އޭނާގެ ވެރިކަމެއްގައި ކުރައްވާނެ ކަމަށް.
އޭނާ ވިދާޅުވީ، ވަޒީފާގެ ބިރުވެރިކަން ނައްތައިލާ، މިނިވަންކަމާ އެކު ވަޒީފާ އަދާ ކުރެވޭނެ މާހައުލެއް ހޯދައިދެއްވާނެ ކަމަށް.
އިލްޔާސް ވިދާޅުވީ، ފަރުދީ ތަނަވަސްކަން އިތުރު ކުރުމަށް އޭނާގެ ވެރިކަމުގައި ފުރުސަތު ދެއްވާނެ ކަމަށް.
އަޅުގަނޑުގެ އެއްވެސް ޝައުގުވެރިކަމެއް ނެތް އެއްވެސް ކުރީގެ ރައީސެއްގެ ފަހަތުން ދުވާކަށް.
އަޅުގަނޑުމެންގެ މިތާ ވަގުތު ހޭދަ ކުރަން ޖެހޭނީ އަޅުގަނޑުމެންގެ ރައްޔިތުންގެ އާންމު ދިރިއުޅުމުގެ ހާލަތު ރަނގަޅުކުރަން. އަޅުގަނޑުމެންގެ ވެރިކަމުގައި އެ ބާރުތައް ދޫކޮށްލާނަން. ޝަރުއީ ނިޒާމް މިނިވަން ކުރާނަން.
ގާސިމް ވިދާޅުވީ ރައީސް އަބްދުﷲ ޔާމީން އަބްދުލްގައްޔޫމްގެ ވެރިކަމުގައި އޭނާއަށް އަނިޔާވެރިވެފައިވާ ކަމަށް. އޭރު އޭނާގެ ޝަރީއަތް ހިންގީ ސަރުކާރުން ނުފޫޒު ފޯރުވައިގެން ކަމަށް ގާސިމް ތުހުމަތު ކުރެއްވި.
އެއްވެސް ބޭފުޅަކު ގާނޫނާ ހިލާފަށް ރައީސް ޔާމީންގެ ވެރިކަމުގައި ބަންދު ކުރެވިފައެއް ނުވާނެ،
ރާއްޖޭގައި އޮތް ބަދަލު ހިފުމުގެ ރޫހު ނިމުމަކަށް އަންނާނެ. މިހާރު މި ފެންނަ ބަދަލު ހިފުމުގެ ރޫހު ނިމުމަކަށް އަންނާނެ،
އެ މަނިކުފާނުގެ [ޔާމީން] މައްޗަށް އައި ހުކުމަކީ ސިޔާސީ އެއްވެސް ކަމެއްގައި އައި ހުކުމެއް ނޫން،
ސިޔާސީ ގޮތުން ޚިޔާލު ތަފާތު ވެގެން ޖަލަށް ލާން ނުޖެހޭ. އަޅުގަނޑަކަށް ހިއެއް ނުވޭ ފަހަކަށް އައިސް ސިޔާސީ ޚިޔާލު ތަފާތުވުމުގެ ސަބަބުން ޖަަލަށް ލާފައިވާހެން.
ހެލިކޮޕްޓަރުތައް އަނބުރާ ގެންދަން ޖެހޭނެ. އެކަމަށް އިންޑިއާ ސަރުކާރުން އޮތީ އެއްބަސްވެފައި. އެކަން ކުރަން މި ސަރުކާރަކަށް ނުކެރުނު،
ނާޒިމް ވިދާޅުވީ، ބޭރުގެ ސިފައިން ރާއްޖޭގައި އެބަ ތިބި ކަމަށް.
އޭނާގެ ސަރުކާރެއްގައި ރާއްޖޭގައި ތިބި އިންޑިއާ ސިފައިން މި ގައުމުން ބާލާނެ ކަމަށް އޭނާ ވިދާޅުވި. އެކަމަކު، ބޭރުގެ ދޭދޭ ގައުމުތަކާ މެދުގައި އޮންނަން ޖެހޭ އަސްކަރީ ގުޅުންތައް ވެސް ބާއްވާނެ ކަމަށް އޭނާ ވިދާޅުވި.
އުތުރުތިލަފަޅަކީ ރާއްޖޭގެ މިލްކެއް. އިންޑިއާގެ ހިލޭ އެހީގައި ހަދައިދޭ ތަނެއް.
އެެއްވެސް ބޭރު ގައުމަކުން އެއްވެސް ފައިސާއެއް އަޅުގަނޑުމެންނަކަށް ނުލިބޭ
ރައީސް ޞާލިޙް ވިދާޅުވީ، އުތުރުތިލަފަޅަކުގެ އެއްބަސްވުމަކީ އެއްވެސް ނުރައްކަލެއް އޮތް އެއްބަސްވުމެއް ނޫން ކަމަށް.
އެ މަނިކުފާނު ވިދަޅުވީ، އެއްވެސް ބޭރުގެ ގައުމަކުން އެއްވެސް ފައިސާއެއް ކެމްޕޭނަށް ނުލިބޭ ކަމަށް.
ބޭރުގެ ސިފައިން ފޮނުވާލަން ޖެހޭ. އެއީ ނޮން ނެގޯޝިއެބަލް ކަމެއް،
މިލިޓަރީ މަސައްކަތެއް ކުރަން، ބޭރުގެ އެއްވެސް ގައުމެއްގެ ސިފައިންނެއް ނެތް. ކުރިއަކު ވެސް ނެތް. މިހާރަކު ވެސް ނެތް،
ޒަމީލް ވިދާޅުވީ، ދިވެހީންނަށް ނުރައްކާވާ ގޮތަކަށް އިންޑިއާ ސިފައިން އޮޕަރޭޓުވާތަން ނުފެންނަ ކަމަށް. އަދި، އިންޑިއާ ސިފައިން ތިބެގެން ގައުމީ ސަލާމަތަށް ނުރައްކާނުވާ ކަމަށާއި ރާއްޖޭގައި ތިބީ ހަމައެކަނި އިންޑިއާ ސިފައިން ނޫން ކަމަށް.
އޭނާ ވިދާޅުވީ، ނެޝަނަލް ސެކިއުރިޓީއަށްޓަކައި ކުރަން ހުރީ އިތުރު މަސައްކަތްތަކެއް ކަމަށް.
އިންޑިއާ ސިފައިން ބޭލޭނީ، އަތުގައި ހިފައިގެން ގޮސް ހެލިކަޕްޓަރަށް އަރުވަން ޖެހޭނީ
އަޅުގަނޑުގެ ސިޔާސަތަކީ އިންޑިއާ ފަސްޓެއް ވެސް ނޫން. ޗައިނާ ފަސްޓެއް ވެސް ނޫން. އަޅުގަނޑުމެންގެ ސިޔާސަތަކީ މޯލްޑިވްސް ފަސްޓް،
ޗައިނާއާ އެކީގައި އޮތް ގުޅުން ވަރަށް ރަނގަޅު. މިހާރު ވެސް ވަރަށް ބައިވަރު އެހީތައް ޗައިނާއިން އެބަ ލިބޭ،
އަޅުގަނޑުމެން ގެންގުޅޭނީ ދިވެހިން އިސްކުރާނެ ޚާރިޖީ ސިޔާސަތެއް. ދިވެހީންނަށް ރަނގަޅު ކޮންމެ ގައުމަކާ ގުޅުން ބާއްވާނަން،
ޗާގޯސް މައްސަލަ އަނބުރާ ގެންދާނަން. ވިއްކާލި ކަނޑު އަނބުރާ ހޯދާނަން،
މި އަންނަނީ 6 ޕަސެންޓުން 8 ޕަސެންޓަށް ބޮޑު ކުރި ޓެކްސް އަލުން ކުޑަކުރަން،
ރިގްރެސިވް ޓެކްސްތައް ކުދިކޮށް، އުވައިލާނަން،
އަމިއްލަ ގޮތުން ވާދަކުރައްވާ އަހުމަދު ފާރިސް މައުމޫން ވިދާޅުވީ، ދަރަނި ރީސްޓްރަކްޗާ ކުރަން ޖެހޭ ކަމަށް. އަދި، އިގްތިސާދު ސިންދަފާތުކޮށް، މިހާރު ދައުލަތުން ކުރާ ބޭކާރު ޚަރަދުތައް ހުއްޓައިލާ ކޮރަޕްޝަންގެ ގޮތުގައި ދައުލަތަށް ގެއްލެމުންދާ ފައިސާ ނުގެއްލޭނެ ގޮތެއް ހޯދާނެ ކަމަށް.
އިތުރު ޓެކްސްއެއް ނުނަގައިނަން. އެކަމަކު، ޓެކްސްގެ ނިޒާމު ހާމަނައިޒް ކުރާނެ ވާހަކަ އަޅުގަނޑު މި ދެންނެވީ،
އިތުރު ޓެކްސްއެއް ނުނަގާނަން. އެކަމަކު، ޓެކްސް ބޭސް ބޮޑު ކުރާނަން
އިތުރު ޓެކްސްއެއް ތައާރަފު ކުރާކަށް އަޅުގަނޑުމެން އަދިއެއް ނުވިސްނަން
އަމިއްލަ ގޮތުން ވާދަކުރައްވާ ކެންޑިޑޭޓު ހަސަން ޒަމީލް ވިދާޅުވީ، ދައުލަތުގެ ދަރަނި ދެއްކުމަށްޓަކައި ބޭކާރު ޚަރަދުތައް ހުއްޓައިލަން ޖެހޭ ކަމަށް.
އޭނާ ހިންގަން ނިންމާފައިވާ ކަންކަން ކުރިއަށް ގެންދާނީ މިހާރު ކުރަމުންދާ ބޭކާރު ޚަރަދުތައް ހުއްޓައިލާ އާ ޓެކްސްތައް ތައާރަފު ކޮށްގެން ކަމަށް އޭނާ ވިދާޅުވި
ބަހުސްގައި ވާހަކަދައްކަވަމުން އަމިއްލަ ގޮތުން ވާދަކުރައްވާ އުމަރު ނަސީރު ވިދާޅުވީ "ރައްޔިތުން ޅޮސް އުނދޯއްޔަށް" އަރުވާ ކަހަލަ ވައުދުތައް ނުވާ ހަމައެކަނި ކެންޑިޑޭޓަކީ އޭނާ ކަމަށް.
އެހެންވެ، އެފަދަ ވައުދުތައް ހުއްޓައިލާ، ރާއްޖެ ދަތުރުކުރަމުންދާ މިސްރާބު މުޅިން ބަދަލުކުރަން ޖެހޭ ކަމަށް އޭނާ ވިދާޅުވި.
އޭނާ ވިދާޅުވީ ރާއްޖޭގައި އޮތް ދަރަނިތައް ދެއްކޭނީ، މިހާރު ދަތުރުކުރަމުންދާ މިސްރާބު ބަދަލުކޮށްގެން ކަމަށް. އަދި، ދައުލަތުގެ ދަރަނި ދައްކަން ޓެކްސް ބޮޑު ނުކުރާނެ ކަމަށް.
