ފޯރިގަދަ ޖަލްސާ ނިންމާލައިފި

މިހާރު ވާހަކަ ދައްކަވަމުން އަންނަ މަޖިލީހުގެ މެމްބަރު މީކާއީލް ނަސީމް ވިދާޅުވީ ދިވެހީން އެދޭ ބަދަލު 2018 ވަނަ އަހަރު ދިވެހީން ގެނެސްފި ކަމަށް. އެ ބަދަލު ބަދަލު ކުރަން ދިވެހީން ބޭނުން ނުވާ ކަމަށް އޭނާ ވިދާޅުވި.

މިހާރު ވާހަކަ ދައްކަވަނީ އެމްޑީޕީގެ އަންހެނުންގެ ރޫހުގެ ރައީސް އައްޑޫ މީދޫ ދާއިރާގެ މެންބަރު ރޮޒޭނާ އާދަމް

ފައްޔާޒު ވިދާޅުވީ ދަ ޑިމްކޮރެޓްސްގެ ރިޔާސީ ކެންޑިޑޭޓް އިލްޔާސް ލަބީބަށް ލިބޭނީ އިންތިޚާބުން ހަތަރު ވަނަ ކަމަށް.

ފައްޔާޒު ތުހުމަތު ކުރެއްވީ އިދިކޮޅު ކެންޑިޑޭޓު ޑރ. މުޙައްމަދު މުއިއްޒުއާ ހަރުކަށި ފިކުރުގެ މީހުންނާއި ގޭންގުތަކާ ގުޅުން އޮތް ކަމަށް.

މިހާރު ވާހަކަދައްކަވަނީ އެމްޑީޕީގެ ޗެއާޕާސަން ފައްޔާޒު އިސްމާއީލް

އުމްރާނީ ތަރައްގީގައި ރާއްޖެއިން ނުދެކޭ މިންވަރަށް މި ސަރުކާރުން ކަންތައްތައް ކޮށްދީފައިވާ ކަމަށް އަސްލަމް ވިދާޅުވެއްޖެ.

މިހާރު ވާހަކަދައްކަވަނީ އެމްޑީޕީ ކޯލިޝަންގެ ރަނިންމޭޓް އަދި އައްޑޫ ސިޓީ ހިތަދޫ އުތުރު ދާއިރާގެ މެންބަރު މުހައްމަދު އަސްލަމް

މިހާރު ވާހަކަދައްކަނީ އެމްޑީޕީގެ ޒުވާނުންގެ ހިތްވަރުގެ މެންބަރު މުހައްމަދު ޝަމޫހު

ފަންނާންތަކެއް ރައީސް އެންޑޯޒް ކުރުން. އޭގެ ތެރޭގައި ފިލްމީ ތަރިން މަރިޔަމް އައްޒަ، އާމިނަތު ރަޝްފާ (އާޝާ)، މުޙައްމަދު ވިޝާލް (ރޯމަން)، ޝީލާ ނަޖީބު އަދި ޑައިރެކްޓަރު އަމްޖަދު އިބްރާހިމް (އަމްޖޭ) ހިމެނޭ.

އެމްޑީޕީ ސަރުކާރުގެ މަސައްކަތްތަކާއި ސިޔާސަތުތަކާ ގުޅުން ހުރި ލަވައެއް ހުށައަޅައިދެނީ

ރައީސް ވިދާޅުވީ "އިންޑިއާ ފަސްޓް" ސިޔާސަތާއި "ވަން ޗައިނާ" ސިޔާސަތަށް ވެސް އިސްކަން ދެއްވާނެ ކަމަށް

ދެހާސް އަށާރަ ވަނަ އަހަރު ރައީސް ޞާލިޙް ހައްޔަރުކޮށް ދޫނިދުއަށް ގެންދިޔަ ދުވަހާ ގުޅޭ ގޮތުން ވާހަކަ ދައްކަވަމުން ވިދާޅުވީ، އޭރު ޖަލުގައި "ސަރުކާރެއް ހިންގޭ" ވަރަށް ސިޔާސީ ބޭފުޅުންނާއި އެހެނިހެން އިސް މަގާމުތައް ފުރުއްވާފައިވާ ބޭފުޅުން ޖަލުގައި ތިއްބެވި ކަމަށް.

ރައީސް ކިޔައިދެއްވަނީ، 2003 ވަނަ އަހަރު ޖަލުގައި އީވާން ނަސީމް މަރާލުމުން މާލޭގައި ކުރިއަށްގެންދިޔަ މުޒާހަރާގައި ކަންތައްތައް ހިނގައި ދިޔަގޮތް.

މިހާރު ވާހަކަފުޅު ދައްކަވަނީ އެމްޑީޕީގެ ރިޔާސީ ކެންޑިޑޭޓު ރައީސް އިބްރާހިމް މުހައްމަދު ޞާލިޙް

އެމްޑީޕީގެ އުފާވެރި މާލެ ކެމްޕޭން ޖަލްސާގެ ތެރެއިން -- ސަން ފޮޓޯ/ މުހައްމަދު ޝާތިއު އަބްދުﷲ

މިހާރު ދައްކަނީ އެމްޑީޕީ މެނިފެސްޓޯގައި ހިމަނާފައިވާ މާލެއަށް ޚާއްޞަ ސިޔާސަތުތަކުގެ ވީޑިއޯއެއް

މިހާރު ވާހަކަދައްކަވަނީ އެމްޑީޕީ ކޯލިޝަންގައި ހިމެނޭ އެމްޑީއޭގެ ރައީސް އަޙްމަދު ސިޔާމް މުޙައްމަދު

ކެމްޕޭން ޖަލްސާގައި އިމްރާން އަބްދުﷲ ވާހަކަފުޅު ދައްކަވަނީ -- ސަން ފޮޓޯ/ މުހައްމަދު ޝާތިއު އަބްދުﷲ

އިމްރާން ވިދާޅުވީ އެމްޑީޕީ ކޯލިޝަންގެ ފުރަތަމަ ވެރިކަމުގައި އިދިކޮޅު ކެންޑިޑޭޓު ޑރ. މުޙައްމަދު މުއިއްޒަށް މަގާމެއް ދެއްވީ އާދޭސް ދެންނެވުމުން ކަމަށް.

މިހާރު ވާހަކަ ދައްކަވަނީ އެމްޑީޕީ ކޯލިޝަންގައި ހިމެނޭ އަދާލަތު ޕާޓީގެ ރައީސް އިމްރާން އަބްދުﷲ

ގައުމު ނުހުއްޓި ކުރިއަށްދާން ރައީސް އެއްބުރުން ހޮވަން ޖެހޭ: އިމްރާން

ގައުމު ނުހުއްޓި ކުރިއަށް ގެންދިއުމަށްޓަކައި ރައީސް ޞާލިޙް އެއްބުރުން ހޮވަން ޖެހޭ ކަމަށް އިމްރާން ވިދާޅުވި.

އޭނާ ވިދާޅުވީ، މިދިޔަ ސަރުކާރުތަކުގެ އަނިޔާވެރިކަން އެނބުރި އަންނަން އެއްވެސް މީހަކު ނޭދޭނެ ކަމަށް. އަދި، ރައީސް މުހައްމަދު ނަޝީދުގެ ވެރިކަމުގެ ފަހު އަހަރު ހިނގާދިޔަ ކަންތައްތަކަކީ ވެސް އަލުން އިޔާދަވާން އެދޭނެ ކަންތައްތަކެއް ނޫން ކަމަށް ވިދާޅުވި.

މާރިޔާގެ ފާޑުކިޔުން މުއިއްޒަށް

ޖަލްސާގައި ވާހަކަދައްކަވަމުން މާރިޔާ ހަނދާން އާ ކޮށްދެއްވީ މުއިއްޒުގެ މިނިސްޓަރުކަމުގައި ހިންގި މަޝްރޫއުތަކާއި މާލެއަށް ހެއްދެވި ގޮތް.

މާރިޔާ ވިދާޅުވީ، ޒަމާނީ ހައުސިން ކަމަށް ވިދާޅުވެ، ނުއަގުގައި ދިން ހިޔާ ފުލެޓުތައް ދިނުމަކީ ގެއްލުމެއް ކަމަށް. އަދި، މުއިއްޒު ހިންގި ކޮންމެ މަޝްރޫއެއް ދެ ފަހަރަށް ހިންގަން ޖެހުނު ކަމަށް.

އޭނާ ވިދާޅުވީ، މުއިއްޒު މާލެއަށް ގެނައި ކަދުރު ރުއްތައް ވެސް މިލާ މޯޅި ވެއްޖެކަމަށް.

ޖަލްސާ ފަށައިގެން މިހާރު ކުރިއަށްދަނީ. މިހާރު ވާހަކަ ދައްކަވަނީ ޖަލްސާގެ އެމްސީ އަދި އެމްޑީޕީ ގައުމީ މަޖިލިސް މެމްބަރު އަންވަރު އިބްރާހިމް