ނޫސްވެރިންނާ ވާހަކަދައްކަވަމުން އާދަމް ޝަރީފް ވަނީ ޑރ. މުއިއްޒަށް މަރުހަބާ ވިދާޅުވެފަ. އަދި ރައީސް ޔާމީނަށް ވާދަނުކުރެވޭ ނަމަ ޑރ. މުއިއްޒަށް އެއްބާރުލުން ދޭނެ ކަމަށް އާދަމް ޝަރީފް ވިދާޅުވި.

ޕީއެންސީގެ ކެންޑިޑެސީއަށް ވާދަކުރެއްވި ދެ ބޭފުޅުންގެ ވެސް އަދި ޕާޓީގެ ދުއާއަކީ ވެސް ރައިސް ޔާމީން މިނިވަން ވުން ކަމަށާއި ޖުޑިޝަރީއަށް ގޮވާލަނީ ރައީސް ޔާމީނަށް ރިޔާސީ އިންތިޚާބުގައި ވާދަކުރަން ފުރުސަތު ދިނުން ކަމަށް ޑރ. މުއިއްޒު ވިދާޅުވި

ހާޒިރުވި މެންބަރުންގެ އަދަދު: 48
ވޯޓުލި މެންބަރުންގެ އަދަދު: 48

މުއިއްޒަށް: 25 ވޯޓު

އާދަމް ޝަރީފަށް: 23 ވޯޓު

އެއް ވޯޓުގެ ތަފާތުން މުއިއްޒު ޕީއެންސީގެ ރިޔާސީ ކެންޑިޑެސީ ކާމިޔާބު ކުރައްވައިފި

މަޝްވަރާ މަޖިލީހުގައި ހިމެނޭ ހުރިހާ މެންބަރުން ވޯޓުލާ ނިމިއްޖެ. މިހާރު ކުރިއަށްދަނީ ވޯޓު ގުނުން.

ވޯޓުލުން ކުރިއަށްގެންދަނީ ވަކިވަކި ސެނެޓަރުންގެ ނަން އިއްވަމުން.

މި ވޯޓުގައި ބައިވެރިވެވޭނީ 48 ސެނެޓަރުންނަށް.

މިހާރު ވޯޓުލުން ވަނީ ފަށާފަ. އެންމެ ފުރަތަމަ ވޯޓު ލެއްވީ ކޯލިޝަނާ މިހާރު ހަވާލުވެހުންނެވި އަބްދުއްރަހީމް އަބްދުﷲ

ކެންޑިޑޭޓުން ތަރުތީބުކޮށްފައި ވަނީ ފޯމް ހުށަހެޅި ތަރުތީބުން. އެއީ އެއް ވަނައަށް މުއިއްޒު އަދި ދެވަނައަށް އާދަމް ޝަރީފް

ސެނެޓުގައި ހިމެނޭ، އަބްދުﷲ މުހައްމަދު ވަނީ ނިޒާމީ ނުކުތާއެއް ނަގައި، ރައީސް ޔާމީންގެ އަނބިކަނބަލުން ފާތިމަތު އިބްރާހިމް ވަކި ކެންޑިޑޭޓަކަށް ތާއީދު ކުރަން މެސެޖު ކުރައްވާ ކަމުގެ ކަންބޮޑުވުން ފާޅު ކޮށްފައި

އެކަމަކު، އެ ނިޒާމީ ނުކުތާ ބަލައިގެންފައެއް ނުވޭ

ޕީއެންސީގެ ކެންޑިޑެސީއަށް ވާދަކުރުމަށް މުއިއްޒާއި އާދަމް ޝަރީފްގެ ވެސް ޝަރުތު ހަމަވާތީ ދެ ބޭފުޅުންނަށްވެސް ކުރިމަތިލެވޭނެ ކަމަށް ނިންމާފައިވާ ކަމަށް ޕީޕީއެމް، ޕީއެންސީ ކޯލިޝަން ހިންގެވުމާ ހަވާލުވެ ހުންނެވި އަބްދުއްރަހީމް އަބްދުﷲ ވިދާޅުވެއްޖެ

ވޯޓު ނަގަން ނިންމާފައި ވަނީ މިއަދު ހެނދުނު ބޭއްވި ސެނެޓު ބައްދަލުވުމުގައި ބައިވެރިވި 47 ސެނެޓަރުންގެ ތެރެއިން 44 ސެނެޓަރުންގެ އަޣުލަބިއްޔަތުން

ކެންޑިޑޭޓު ހޮވަން ޕީއެންސީއިން ނަގަން ހަމަޖެހިފައި ވަނީ ސިއްރު ވޯޓެއް. މި ވޯޓުގައި ބައިވެރިވެވޭނީ ޕާޓީގެ ސެނެޓުގެ މެންބަރުންނަށް.

ޕީއެންސީގެ ރިޔާސީ ކެންޑިޑޭޓު ހޮވުމަށް އެ ޕާޓީން ބާއްވާ ސެނެޓު ބައްދަލުވުން މިހާރު ވަނީ ފަށާފަ.