Last Updated: 1 decade 4 year ago
ފުލުހުން ބުނީ ފާނަ ނަގަން ފަސް މީހުންނާއެކު ނުކުތް ދޯނިން ފަސް މީހަކު ގެއްލިގެން ހޯދަމުންދާ ކަމަށާއި އެ މަސައްކަތުގައި ފުލުހުންނާއި ކޯސްޓްގާޑު ވެސް ހަރަކާތްތެރިވަމުން ދާ ކަމަށެވެ. މީގެ އިތުރުން ގެއްލުނު މީހުން ހޯދުމުގައި ކުރެންދޫގެ ދޯނި ފަހަރުގެ އިތުރުން ނައިފަރު ދޯންޏެއް ވެސް ހަރަކާތްތެރިވަމުން އެބަދެ އެވެ.
ފާނައަށް ގޮސް އުޅެނިކޮށް ގެއްލުނީ ކުރެންދޫ ކާނޭޝަން މާގޭ، މުހައްމަދު އިބުރާހިމާއި އޭނާގެ ކޮއްކޮ ހަމަ އެގޭ އަހުމަދު އަފުރާހާއި ރަންކޮކާގޭ އަބްދުﷲ އިދުރީހާއި ފ. ފީއަލީ މީހެއް ކަމަށްވާ އަހުމީލެވެ. ހާދިސާ ހިނގި އިރު ދޯނީގައި އިނީ މޫސާ މުހައްމަދެވެ. އޭނާގެ ހާލު ރަނގަޅެވެ. އޭނާ އިނީ އަދިވެސް ދޯނީގަ އެވެ.
ކުރެންދޫ ކައުންސިލްގެ ރައީސް އަހުމަދު އިބްރާހިމް ވިދާޅުވީ، އަތޮޅު ތެރޭގައި ފާނައިގެ މަސްވެރިކަން ކުރަން މިއަދު ހަވީރު 5:00 ޖަހާއެހާކަންހާއިރު ނުކްތް ދޯނީގައި ހަ މީހުން ތިބި ކަމަށެވެ. އަދި ވިދާޅުވީ ފާނަ ނަގަން މޫދަށް ފޭބި ފަސް މީހުން ގެއްލިގެން ހޯދަމުންދާއިރު އެމީހުން ގެއްލުނުކަން އެނގުނީ މޫދަށް ފޭބި ފަސް މީހުންގެ ހަބަރެއް ނުވުމުން ދޯނިގައި އިން މީހާ ރަށަށް ގުޅުމުން ކަމަށެވެ.
"ފާނައަށް ދިޔައީ ހަ މީހުން. އެމީހުން ފާނަ ބޭނުމަށް މޫދަށް ފާބައިފައި ވަނީ މިއަދު ހަވީރު 5:00 ޖަހާއިރު. ގެއްލިގެން ހޯދަމުން ދަނީ ފަސް މީހުން،" ކައުންސިލަރު ވިދާޅުވި އެވެ.
