21 Jun 2023, 14:08
ރައްޔިތުންގެ މަޖިލީހުގެ ހިތަދޫ މެދު ދާއިރާގެ މެންބަރު އަހުމަދު ރަޝީދު، އެމްޑީޕީން ވަކިވެއްޖެއެވެ.
އޭނާ މިއަދު ކުރެއްވި ޓުވީޓެއްގައި ވަނީ އެކަން ހާމަކުރައްވައިފައެވެ. އޭނާ މިއަދު ޕާޓީން ވަކިވިއިރު، އެމްޑީޕީގެ ރައީސް ކަމުގައި ހުންނެވި މަޖިލީހުގެ ރައީސް މުހައްމަދު ނަޝީދު ވެސް މިއަދު ވަނީ އެ ޕާޓީން ވަކިވެފައެވެ.
ރަޝީދު އެމްޑީޕީން ވަކިވެފައިވާއިރު، ނަޝީދަށް ތާއީދު ކުރައްވާ މެންބަރުން އެމްޑީޕީން ވަކިވެ، މިހާރު ގެންދަވަނީ އާ ޕާޓީއެއް އުފެއްދުމުގެ މަސައްކަތް ކުރައްވަމުންނެވެ. ނަމަވެސް، އެ ޕާޓީ އުފެއްދުމުގެ ހުއްދައެއް އިލެކްޝަންސް ކޮމިޝަނުން މިހާތަނަށް ދޫކޮށްފައެއް ނުވެއެވެ.
މިހާތަނަށް ރަޝީދު ހުންނެވީ އެމްޑީޕީގައެވެ. އެކަމަކު، އޭނާއަކީ ނަޝީދަށް ވަފާތެރި މެންބަރެކެވެ. އެހެންވެ، މިހާރު އެމްޑީޕީގެ 15 މެންބަރުން ވަނީ އެ ޕާޓީން ވަކިވެފައެވެ.
ނަޝީދަކީ އެމްޑީޕީ އުފެއްދުމުގައި ވެސް ބުރަ މަސައްކަތްތަކެއް ކުރެއްވި ބޭފުޅެކެވެ. އަދި، ރައީސް އިބްރާހިމް މުހައްމަދު ޞާލިޙަށް ޓިކެޓު އެރުވުމާ ހަމައަށް ވެސް އެ ޕާޓީގައި އެންމެ މަގުބޫލު ބޭފުޅާއެވެ.
އެކަމަކު، ރައީސް ޞާލިޙް ވެރިކަމަށް ވަޑައިގަތުމަށް ފަހު، ނަޝީދުގެ ކޮންޓްރޯލް ވަނީ ޕާޓީން ގެއްލިފައެވެ. އެއާ އެކު، ސަރުކާރާ މެދު އުފެދުނު ހިތްހަމަނުޖެހުންތަކަށް ފަހުގައި ނަޝީދަށް ތާއީދުކުރައްވާ މެންބަރުން ވަނީ އެމްޑީޕީން ވަކިވެ، ދި ޑިމޮކްރެޓްސްގެ ނަމުގައި އާ ސިޔާސީ ޕާޓީއެއް އުފެއްދުމުގެ މަސައްކަތް ކުރައްވަމުންނެވެ.
އެގޮތުން، އެ ޕާޓީގެ ނައިބު ރައީސް ކަމުގައި ހުންނެވި މުހައްމަދު ޝިފާޒު ވެސް އޭރު ވަނީ ޕާޓީން ވަކިވެފައެވެ. އެހެންވެ، މިހާރު އެމްޑީޕީގައި ރައީސެއް ވެސް އަދި ނައިބު ރައީސެއް ވެސް ނެތެވެ.