05 Jun 2023, 09:35
ސެމްސަންގުން ގެލެކްސީ އެސް23 ސީރީޒް މި އަހަރުގެ ކުރީކޮޅު ތައާރަފުކުރީ މިދިޔަ ފެބްރުއަރީ މަހުގެ ތެރޭގައެވެ. ފްލެގްޝިޕް ފޯނުތަކަކީ ކެމެރާގެ ތަޖުރިބާ އިތުރުކޮށްފައިވާ ފޯނުތަކަކަށް ވާއިރު، ގެލެކްސީ އެސް23 އަދި ގެލެކްސީ އެސް23 ޕްލަސް ބޭނުންކުރާ ގިނަ ބަޔަކު ވަނީ ކްލޯޒްއަޕް ޝޮޓްތަކުގައި ކެމެރާ ބްލާވާ މައްސަލައެއް އުޅޭކަމަށް ރިޕޯޓުކޮށްފައެވެ. މިހާރު ސެމްސަންގުން ވެސް ވަނީ ޔޫރަޕަށް އެ ކުންފުނީގެ ކޮމިއުނިޓީ ޕޭޖުގައި އެކަން ކަށަވަރުކޮށްދީފައެވެ.
އެ ކުންފުނިން ބުނީ ސޮފްޓްވެއާ އަޕްޑޭޓެއް މެދުވެރިކޮށް މިކަމަށް ހައްލެއް ހޯދުމުގެ މަސައްކަތް ކުރަމުން އަންނަ ކަމަށެވެ. ސެމްސަންގްއިން ވަނީ މި މައްސަލަ ދިމާވި ސަބަބާއި ބްލަރިން ހުއްޓުވުމަށް ކުރާ މަސައްކަތްތައް ވެސް ކިޔައިދީފައެވެ.
ސެމްސަންގުން އެ ކުންފުނީގެ ކޮމިއުނިޓީ ޕޭޖް މެދުވެރިކޮށް ކަށަވަރުކޮށްދީފައިވާ ގޮތުގައި ގެލެކްސީ އެސް23 އަދި ގެލެކްސީ އެސް23 ޕްލަސް އިން ނަގާފައިވާ ކްލޯޒްއަޕް ޝޮޓްތަކުގައި މި މާއްދާގެ ވަށައިގެންވާ ސަރަހައްދު ފެންނަނީ ތަންކޮޅެއް އޮމާންކޮށެވެ. އަދި އެސް23 އަދި އެސް23 ޕްލަސްގައި ވާ ފަހަތު ވައިޑް އޭންގަލް ކެމެރާގައި އުޖާލާ އެޕާޗާއެއް ހުރުމުން ފޮޓޯތަކުގެ ބެކްގްރައުންޑް ތަންކޮޅެއް ބްލާކޮށް ފެންނަ ކަމަށް ވެސް އެ ކުންފުނިން ބުންޏެވެ. ސެމްސަންގުން ބުނީ މި މައްސަލަ ހައްލުކުރާނީ ސޮފްޓްވެއާ އަޕްޑޭޓެއް މެދުވެރިކޮށް ކަމަށެވެ.
އެ ކަމަށް ބޭނުންވާ އަޕްޑޭޓް މިހާރުވެސް ބައެއް ފޯނުތަކަށް ލިބޭނެކަމަށް ސެމްސަންގއިން ބުނާއިރު ގިނަ ފޯނުތަކަށް އަޕްޑޭޓް ލިބޭނީ ކުރިއަށްއޮތް ހަފުތާތަކުގައި ކަމަށް މީޑިއާ ރިޕޯޓްތައް ބުނެއެވެ.
ސެމްސަންގުން ވަނީ ގެލެކްސީ އެސް23 އަދި ގެލެކްސީ އެސް23 ޕްލަސްގެ ކެމެރާ ބްލާވާ މައްސަލަ އަމއްިލަ އަށް ހައްލުކުރުމަށް ބައެއް ގޮތްތައް ވެސް ހިއްސާކޮށްފައެވެ.
ސެމްސަންގުން ބުނީ ފޮޓޯ ނަގާއިރު ތަންކޮޅެއް ދުރުން ފޮޓޯ ނެގުމަށް ނުވަތަ ވާޓިކަލްކޮށް ފޯނު ބެހެއްޓުމުން ބައެއް ފަހަރަށް އެކަން ހައްލުވާނެކަމަށެވެ. އަދި ފޯނު ހޮރިޒަންޓަލްކޮށް ނުވަތަ އޮބްލިކްކޮށް ހިފަހައްޓައިގެން ހުރުމަކީ ބެކްގްރައުންޑް ބްލާކޮށް ފެންނާނެ ކަމެއް ކަމަށް ވެސް ބުނެފައިވެއެވެ.
ސެމްސަންގުން ގެލެކްސީ އެސް23، ގެލެކްސީ އެސް23 ޕްލަސް އަދި ގެލެކްސީ އެސް23 އަލްޓްރާ މި އަހަރުގެ ފެބްރުއަރީ މަހުގެ ކުރީކޮޅު ލޯންޗްކޮށްފައިވާއިރު، ގެލެކްސީ އެސް23 އާއި ގެލެކްސީ އެސް23+ ގައި ވަރަށް ގިނަ އެއްގޮތް ކަންތައްތަކެއް ހިމެނެއެވެ.
އެގޮތުން ތެރޭގައި 6.6 އިންޗީގެ ފުލް-އެޗްޑީ+ ޑައިނަމިކް އެމޯލެޑް 2 އެކްސް ޑިސްޕްލޭއެއް ހިމެނޭއިރު، 48 ހާޓްޒް އިން ފެށިގެން 120 ހާޓްޒް އާ ދެމެދުގެ ރިފްރެޝް ރޭޓަކާއި ގޭމް މޯޑުގައި 240 ހާޓްޒްގެ ޓަޗް ސާމްޕަލިން ރޭޓެއް ހިމެނެއެވެ. މި ދެ ފޯނަކީ ވެސް ކުއަލްކޮމްގެ އެންމެ ފަހުގެ ޗިޕްސެޓްގެ މޮޑިފައިޑް ވާޝަނެއް ކަމަށްވާ ސްނެޕްޑްރެގަން 8 ޖެން 2 މޮބައިލް ޕްލެޓްފޯމް ފޯ ގެލެކްސީއެވެ.
އޮޕްޓިކްސް އަށް ބަލާއިރު، 50 މެގަޕިކްސެލްގެ ޕްރައިމަރީ ވައިޑް އެންގަލް ސެންސަރަކާއި 12 މެގަޕިކްސެލްގެ އަލްޓްރާ ވައިޑް ލެންސަކާއި 3x އޮޕްޓިކަލް ޒޫމް ހިމެނޭ 10 މެގަޕިކްސެލްގެ ޓެލެފޮޓޯ ކެމެރާ ހިމެނޭ ޓްރިޕްލް ރިއާ ކެމެރާ ސެޓަޕެއް މިފޯނުގައިވެއެވެ. މި ފޯނުތަކުގައި 12 މެގަޕިކްސެލްގެ ސެލްފީ ކެމެރާއެއް ވެސް ހުރެއެވެ.
މިޚާއްޞަ ތަފާތު ފީޗާތަކާއެކު ސެމްސަންގ މަޝްހޫރު ވެފައިވަނީ އެޕަލްއަށް ފަހު ދުނިޔޭގައިއެންމެ ގިނަބަޔަކު ބޭނުންކުރާ އަދި އެޕަލްއަށްފަހު އެންމެ އަގުބޮޑު ސްމާޓްފޯނު އުފައްދާ ކުންފުނީގެ ގޮތުގައެވެ.