Last Updated: 2 year 6 month ago
މޮރިޝަސްއާއި ރާއްޖެއާ ދެމެދު ފުށުއަރާ ކަނޑުގެ ސަރަހައްދާ މެދު އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް)އިން ނިންމި ނިންމުމާ މެދު ހިތްހަމަނުޖެހިގެން ސަރުކާރާ ދެކޮޅު ޕާޓީތަކުން އެކުލަވާލާފައިވާ އިއްތިހާދުން ބާއްވާ އެއްވުމުގައި މެންބަރުން ގެންދަނީ ސަރުކާރު ބަދަލުކުރަން ގޮވާލަމުން
އަޅުގަނޑުމެން އެންމެން ގުޅިގެން މި ސަރުކާރު ބަަދަލުކޮށް. އިރާދަކުރެއްވިއްޔާ ދެން އަންނަ ސަރުކާރެއްގައި މަސްކަނޑުން ގެއްލުނު ބައި އަނބުރާ ހޯދާނަން،
ފޯޅަވަހި ހޯދުމުގެ މަސައްކަތް އަޅުގަނޑުމެން ކުރަންވީ. ފޯޅަވަހި ހޯދީމާ ކަނޑު ވެސް ލިބުނީ،
ޖަލްސާގައި މިހާރު ވާހަކަދައްކަވަނީ އިދިކޮޅު ޕީޕީއެމް/ޕީއެންސީ ކޯލިޝަން ހިންގެވުމާ ހަވާލުވެ ހުންނެވި ޕީއެންސީގެ ރައީސް އަބްދުރަހީމް އަބްދުﷲ. އޭނާ ވިދާޅުވީ ޗާގޯސް އަކީ ދިވެހިންގެ ތަނެއް ކަމަށް.
ކަނޑުގެ ސަރަހައްދާ ހެދި އުނދަގޫވެގެން އުޅެއްޏާ ފައިބާވަޑައިގަންނަވާ. ފައިބާވަޑައިގަންނަވާ. އަޅުގަނޑުމެން މި ސަރުކާރު ގެނައީ މަސް ކަނޑުތައް ފޮތިފޮތި ކޮށްފައި ވިއްކާކަށް ނޫން،
ވައްޑޭ ވަނީ އިމުގެ މައްސަލަ ހިޔާނާތެއްގެ ގޮތުގައި ސިފަ ކުރައްވާފައި.
އޭނާ ވިދާޅުވީ ސިޔާސީ ގޮތުން ހިޔާލު ތަފާތު ވިޔަސް އެއް ކަމެއްގައި ޕީޕީއެމާ އެކު އެއްބަސްވެވޭ ކަމަށް. އެއީ ކަނޑުގެ މައްސަލަ ކަމަށް. މިރޭ އެއްބަސްވެވުނު ދެވަނަ ކަމަކީ މި އަހަރުގެ ރިޔާސީ އިންތިޚާބުގައި ސަރުކާރު ބަދަލުކުރުން ކަމަށް ވައްޑޭ ވިދާޅުވި.
ސެޕްޓެމްބަރު ނުވައެއްގައި މި ވެރިކަން އިރާދަކުރެއްވިއްޔާ އަޅުގަނޑުމެން ބަލި ކުރާނަން،
އެއްވުމުގެ ތެރެއަށް އިންޑިއާ އައުޓް ލިޔެފައިވާ ބެނާއެއް ހިފައިގެން ބަޔަކު ގޮސް އިންޑިއާ އައުޓް ހަރަކާތް ޕްރޮމޯޓް ކުރަން ފެށުމުން އެއްވުމުގެ ބައިވެރިން ދަނީ ނުރުހުންފާޅުކުރަމުން
ﷲގެ ވާގިފުޅާ އެކު ދެން އަންނަ ސަރުކާރަކުން ފޯޅަވަހީގެ މައްޗަށް ދައުވާ ކުރާނަން. އެ ތަން ދިވެހިރާއްޖެއަށް ނަގަން،
ޖަލްސާގައި މިހާރު ވާހަކަދައްކަވަނީ ކުރީގެ ހޯމް މިނިސްޓަރު އުމަރު ނަސީރު. އޭނާ އިމުގެ މައްސަލަ ސިފަ ކުރީ މީހެއްގެ އެއް ފައި ބުރިކޮށްލުން ގޮތުގައި.
ޖަލްސާގައި މިހާރު ވާހަކަދައްކަވަނީ ކުރީގެ ބަންޑާރަނައިބު އައިޝަތު އާޒިމާ ޝުކޫރު
އޭނާ ވިދާޅުވީ އިމުގެ މައްސަލައިގައި ރާއްޖެއަށް ލިބުނީ ބޮޑުބައެއް ނޫން ކަމަށް. އިމުގެ މައްސަލަިއގައި ގާނޫނީ ބޮޑެތި މައްސަލަތަކެއް ހުރި ކަމަށް އާޒިމާ ވިދާޅުވި.
މި ސަރުކާރު މިއޮތީ ބޮޑުތަނުން ފެއިލްވެފައި. މި ސަރުކާރު މިއޮތީ ބަދަލުކުރަން ޖެހިފައި. މި ކަމުގައި އަޅުގަނޑުމެން ފަހަތަށް ޖެހިގެން ނުވާނެ،
ޖަލްސާގައި މިހާރު ވާހަކަދައްކަވަނީ އެމްއެންޕީގެ ރިޔާސީ ކެންޑިޑޭޓު އަދި ދަނގެތީ ދާއިރާގެ މެންބަރު މުހައްމަދު ނާޒިމް.
އޭނާ ވިދާޅުވީ ރާއްޖެއިން ބޮޑު ބައެއް ގެއްލިއްޖެ ކަމަށާއި އެ ބައި ހޯދަން ޖެހޭ ކަމަށް. އަދި، ވެރިކަމުގައި ހުންނެވުމުގެ މޯރަލް އޮތޯރިޓީ މިހާރު ރައީސް އިބްރާހިމް މުހައްމަދު ޞާލިޙަށް ނެތް ކަމަށް ވެސް ނާޒިމް ވިދާޅުވެއްޖެ
މުނައްވަރު ވިދާޅުވީ މިއަދު ދިވެހި ރައްޔިތުން އެއްވީ ސަރުކާރުގައި ކަމެއް އެދޭކަށް ނޫން ކަމަށް. މިއަދު އެއްވުމަކީ ސަރުކާރަށް ޑިމާންޑެއް ކުރަން ބޭއްވި އެއްވުމެއް ކަމަށް އޭނާ ވިދާޅުވި.
އޭނާ ވިދާޅުވީ ޗާގޯސް އަކީ އާންމު އާބާދީއެއް އޮންނަ ތަނެއް ނޫން ކަމަށާއި އެ ތަނަކީ ކުރިން ދިވެހިންގެ ތަނެއް ކަމަށް މެޕް ތަކުގައި ކަނޑައަޅާފައިވާ ކަމަށް. އެހެންވެ، އެ ތަން ލިބެންވާނީ ދިވެހިންނަށް ކަމަށް މިރޭ އޭނާ ވިދާޅުވި، އެކަމަކު، މީގެ ކުރިން އޭނާ ވަނީ ޗާގޯސް އަކީ ދިވެހިންގެ ތަނެއް ނޫން ކަމަށް ވިދާޅުވެފައި
އަޅުގަނޑުމެންގެ ގައުމުގެ ދެކުނަށް އެހެން ގައުމެއް ނޯންނާނެ، ވަރަށް ބޮޑަށް އޮޅިވަޑައިގެންފައި އޮތީމާ އެ ތަނުން އެހެން ގައުމެއް އެ ފެންނަނީ،
މި އިއްތިހާދުން ޖުމްހޫރީ ޕާޓީއާ ގާސިމް އިބްރާހީމް ވަކިވެފައިވީ ނަމަވެސް އެ ޕާޓީގެ މަޖިލިސް މެންބަރު އަލީ ހުސައިން މި ހަރަކާތުގައި ބައިވެރިވެލައްވާ. އަދި މިރޭގެ އެއްވުމުގައި ވަނީ އޭނާ ވާހަކަ ދައްކަވަން ނިންމާފައި.
އިދިކޮޅު އެއްވުމުގެ ތެރެއިން -- ފޮޓޯ/ ޕީޕީއެމް
ޖަލްސާ ފަށައިފި.
ޖަލްސާ ޤުރުއާނުގެ ބަރަކާތުން ފެށުމަށް ފަހު، އެންމެ ފުރަތަމަ ގެނެސްދީފައިވަނީ ކުރީގެ ރައީސް އަބްދުﷲ ޔާމީން އަބްދުލްގައްޔޫމް ވެރިކަމުން ފައިބައިވަޑައިގަންނަވަމުން ދެއްވި ވަދާއީ ސްޕީޗުގެ ތަންކޮޅެއް.
މި ޖަލްސާގެ ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ތާއީދުކުރައްވާ ދަ ޑިމޮކްރެޓްސްގެ މެންބަރުން ވެސް ބައިވެރިވޭ
މި އެއްވުމަކީ އިޓްލޮސްގެ ނިންމުމާ މެދު ހިތްހަމަ ނުޖެހިގެން އިދިކޮޅު ޕީޕީއެމް/ޕީއެންސީއާއި އެމްއެންޕީ އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަޑީގައި ހުންނަވައިގެން އުފައްދަވާ ދަ ޑިމޮކްރެޓްސް ގުޅިގެން ބާއްވާ އެއްވުމެއް
