27 May 2023, 18:19
ހުޅުމާލޭ ދެވަނަ ފިޔަވަހީގައި ތޫނުއެއްޗަކުން ހަމަލާދީ ކުޑަކުއްޖަކު ޒަޙަމްކޮށްލައިފިއެވެ.
ފުލުހުން ބުނި ގޮތުގައި މި މާރާމާރީގެ ރިޕޯޓު ލިބުނީ 17:20 ހާއިރެވެ.
"ސަން"އަށް އެނގިފައިވާ ގޮތުގައި އަނިޔާވެފައި ވަނީ އުމުރުން 15 އަހަރުގެ ފިރިހެން ކުއްޖަކަށެވެ. އަދި އޭނާއަށް ހުޅުމާލޭ ހޮސްޕިޓަލުގައި ދަނީ ފަރުވާ ދެމުންނެވެ.
ހުޅުމާލޭ ހޮސްޕިޓަލާ ހަވާލާދީ ފުލުހުން ބުނީ ކުއްޖާއަށް ސީރިއަސް އަނިޔާތަކެއް ލިބިފައި ނުވާކަމަށެވެ.
މި މައްސަލަ ފުލުހުން އަންނަނީ ތަހުގީގުކުރަމުންނެވެ.