18 May 2023, 12:36
ދަރިވަރުންގެ މަސްލަހަތަކަށް ވާން ޖެހޭނީ ގައުމުގެ މިނިވަންކަމާއި ސިޔާދަތު ހިމާޔަތްކޮށް، މި ފަސްގަނޑުގައި އަމަންއަމާންކަމާއި ހިމޭންކަން ގާއިމުކުރަން ކަމަށް އެޑިއުކޭޝަން މިނިސްޓަރު ޑރ. އާއިޝަތު އަލީ ރޭ ވިދާޅުވެއްޖެއެވެ.
ސާނަވީ ނިންމާ އިމްތިހާނުތަކުން އެންމެ ރަނގަޅު ނަތީޖާ ހޯދި ދަރިވަރުންނަށް މަތީ އަރުތަވެރީންގެ އިނާމް ދިނުމުގެ ޖަލްސާގައި، މިނިސްޓަރު ޑރ. އާއިޝަތު އަލީ ވިދާޅުވީ މީގެ 40 ވަރަކަށް އަހަރު ކުރިން އަރުތަވެރީންނަށް އިނާމުދޭ ޖަލްސާތަކުގައި ބައިވެރިވަނީ އެންމެ 50 ވަރަކަށް ދަރިވަރުން ކަމަށެވެ. ނަމަވެސް މިހާރު 17 ގުނައަށް މި އަދަދު އިތުރުވެ، ދަށު ސާނަވީގެ ވަނަ ހޯދާ ދަރިވަރުންގެ އަދަދު 800 އަށް ގިނަވެފައިވާ ކަމަށް އޭނާ ވިދާޅުވިއެވެ.
މި އަދަދު އިތުރުވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙުގެ ދައުރުގައި ކަމަށާއި އެކަމުގެ ސިއްރަކީ، އެމަނިކުފާނު ތައުލީމީ ދާއިރާއަށް ދެއްވާ އިސްކަމާއި ސަމާލުކަން ކަމަށް މިނިސްޓަރު ވިދާޅުވިއެވެ. ތައުލީމީ ދާއިރާގެ މުއްޒަފުންގެ މުސާރައަށް ބަދަލު ގެނައިކަމަށް އަލިއަޅުއްވާލައި، މިނިސްޓަރު ވިދާޅުވީ، އެ ބަދަލަކީ ތާރީޚީ އަދި ފުރަމާދަ އިސްލާހެއް ކަމަށެވެ.
"މި އުޖޫރާއިގެ ސަބަބުން، ފެންވަރު ރަނގަޅު އަރުތަވެރި ދަރިވަރުން މުދައްރިސްކަމާ ކުރިމަތިލާނެ. ވަޒީފާގައި އުޅުއްވައި މުދައްރިސުން، ކިޔަވައިދިނުމަށް ހުންނަ ޝައުގާއި ސާބިތުކަން މަތިވާނެ،" ޑރ. އާއިޝަތު އަލީ ވިދާޅުވިއެވެ.
މަތީ އަރުތަވެރީންގެ އިނާމް ދިނުމުގެ ޖަލްސާގެ ތެރެއިން --- ފޮޓޯ/ ރައީސް އޮފީސް
މުޖުތަމައުގެ ކޮންމެ މީހަކީ، މުޖުތަމައުގެ އެހެން ކޮންމެ މީހަކަށް ނުފެންނަ އުއިފަށްތަކަކުން ގެތި އަދި ގުޅިފައިވާ މީހެއް ކަމަށާއި މުޖުތަމައުގެ އެކި ފަރުދުންގެ މެދުގައި އޮންނަ އުޅުންތަކާއި ގުޅުންތަކަކީ، އެއްބައެއްގެ ގޮތުގައި، އެކަތިގަނޑެއްގެ ގޮތުގައި، އެ މުޖުތަމައު ހިފަހައްޓާ އުއިތަކެއްގެ ގޮތުގައި މިނިސްޓަރު ސިފަކުރެއްވިއެވެ. މި އުއިފަށްތައް ގާތްވެ އަދި ބަދަހިވި ވަރަކަށް މުޖުތަމައުގެ ފޭރާން ގަދަވާނެ ކަމަށް އޭނާ ވިދާޅުވިއެވެ.
"ތިއިން ކޮންމެ ކުއްޖަކީ މި އިޖުތިމާއީ ފޭރާމުގެ އުޔެއް. ކޮންމެ ކުއްޖެއްގެ އުޅުމާއި ގުޅުންތައް ބަހައްޓާ ގޮތެއްގެ ސަބަބުން މުޖުތަމައުގެ ފޭރާމުގެ ބަދަހިކަން، އުއިތަކުގެ ގާތްކަން ނަގާލެވިދާނެ،" އޭނާ ވިދާޅުވިއެވެ.
މަތީ އަރުތަވެރީންގެ އިނާމް ދިނުމުގެ ޖަލްސާގެ ތެރެއިން --- ފޮޓޯ/ ރައީސް އޮފީސް
އެހެންވެ، ކޮންމެ ދަރިވަރެއްގެ ވެސް އެންމެ ބޮޑު ވާޖިބަކީ މުޖުތަމައުގެ މި ޖާމީ ފޭރާމުގެ އުއިތައް ބަދަހިކޮށް އަދި ގާތްކޮށް ބެހެއްޓުން ކަމަށާއި އެއިން ނެއްޓޭ އުއިފަށްތައް ވީ އެންމެ އަވަހަށް ފޭރާމުގެ ތެރެެއަށް ގަތައި ނުލައިފިނި ނަމަ މުޅި ފޭރާން ހަލާކުވެދާނެ ކަމަށް މިނިސްޓަރު ވިދާޅުވިއެވެ.
މިނިސްޓަރުގެ ވާހަކައިގައި ވަނީ، ބަހާރު މޫސުމުގައި، އާއްމުންނަށް ހާމަނުވާ، އެތައް ނިޒާމީ ކަމެއް ތަންފީޒުކުރަމުންދާ ކަން ފާހަގަކުރައްވާފައެވެ. އެގޮތުން މުދައްރިސުންގެ ފެންވަރު ރަނގަޅުކުރުމަށް، ތަމްރީން ދެވޭ ގޮތާއި ކިޔަވައިދޭން ޖެހޭ ތަކެތި އެޑިއުކޭޝަން މިނިސްޓްރީން އެކަށައަޅަމުންދާ ކަމަށް އޭނާ ވިދާޅުވިއެވެ.
މަތީ އަރުތަވެރީންގެ އިނާމް ދިނުމުގެ ޖަލްސާގެ ތެރެއިން --- ފޮޓޯ/ ރައީސް އޮފީސް
މީގެ އިތުރުން ހިންގުންތެރީން ހުނަރުވެރިކުރުމަށް، ނާޒިރުން ބޭރު ގައުމުތަކުން ތަމްރީން ކުރަމުންދާ ކަމަށާއި ކިޔަވާ މާއްދާތަކަކީ، އެކުދީންގެ މުސްތަގުބަލަށް ބޭނުންތެރި މަންހަޖަކަށް، ހެދުމަށް މުގައްރަރުތައް އާ ކުރަމުންދާ ކަން ވެސް މިނިސްޓަރު ފާހަގަކުރެއްވިއެވެ.