09 May 2023, 16:26
ވިލާ ގްރޫޕްގެ ސީއެސްއާރު ގޮފި ކަމަށްވާ ވިލާ ފައުންޑޭޝަނުން ރާއްޖޭގެ ނަރުހުންގެ ޖަމިއްޔާއާއި ގުޅިގެން ނަރުހުންނަށް ހާއްސަކޮށްގެން އާ ސްކޮލަޝިޕް ސްކީމެއް ތައާރަފު ކޮށްފިއެވެ.
މި ސްކީމް ރަސްމީކޮށް ފެށުމަށް ހަމަޖެހިފައިވަނީ މި އަހަރުގެ މެއި މަހުގެ 12ވަނަ ދުވަސް ކަމަށްވާ ބައިނަލްއަޤްވާމީ ނަރުހުންގެ ދުވަހަށް އަމާޒުކޮށްގެންނެވެ. ރާއްޖޭގައި އެންމެ ފުރަތަމަ ރަސްމީގޮތުން ނަރުހުން ހިދުމަތް ދޭން ފެށީ މީގެ 75 އަހަރު ކުރިންނެވެ.
"ރާއްޖޭގެ ނަރުހުންގެ ޖަމިއްޔާއާއި ގުޅިގެން މި ސްކޮލަޝިޕްގެ ފުރުސަތު ހުޅުވާލުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެއް،" ވިލާ ފައުންޑޭޝަންގެ އެގްޒެކެޓިވް ޑިރެކްޓަރު މުހައްމަދު ހަމީދު ވިދާޅުވިއެވެ.
"ނަރުހުންނަކީ ސިއްހީ ނިޒާމުގެ މުހިންމު ބައެއް، އަދި އަޅުގަނޑުމެންގެ މުޖުތަމައުގައި ނަރުހުންގެ ދައުރަކީ ނުހަނު މުހިއްމު ދަރުރެއް. މި ސްކޮލަޝިޕް ސްކީމުގެ ސަބަބުން ނަރުސްކަން ކިޔަވަން ބޭނުންވާ ދަރިވަރުނަށް އު ފުރުސަތު ފަހިވެ ރާއްޖޭގެ ސިއްހީ ދާއިރާއަށް އަގުހުރި މަސައްކަތެއް ކޮށްދެވޭނެ ކަމަށް އުންމީދު ކުރަން".
ނަރުހުންގެ ޖަމިއްޔާގެ ސެކްރެޓަރީ ޖެނެރަލް މަރިޔަމް ޝިފާނާ ވިދާޅުވީ މި ސްކޮލާޝިޕަކީ ސިއްހީ ދާއިރާ އިތުރަށް ހަރުދަނާ ކުރުމަށް އެޅިގެން ދިޔަ މުހިއްމު ފިޔަވަޅެއް ކަމަށެވެ.
"ވިލާ ފައުންޑޭޝަނާ ގުޅިގެން މި ސްކޮލަޝިޕް ސްކީމް ތައާރަފް ކުރުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެއް، އަދި އަޅުގަނޑުމެން ގަބޫލުކުރާ ގޮތުގައި ނަރުހުންގެ ތައުލީމަށް އިންވެސްޓްކުރުމަކީ ރާއްޖޭގައި ސިއްޙީ ނިޒާމް އިތުރަށް ހަރުދަނާކުރުމަށް އެޅޭނެ ވަރަށް ބޮޑު ފިޔަވަޅެއް،" ޝިފާނާ ވިދާޅުވިއެވެ.
ރާއްޖޭގެ ނަރުހުންގެ ޖަމިއްޔާ (އެމްއެންއޭ) އަކީ ރާއްޖޭގައި ނަރުހުންގެ ދާއިރާއަށް އެއްބާރުލުންދީ ކުރިއެރުވުމަށް މަސައްކަތްކުރާ އެންމެ މަތީ ފަންތީގެ އެއް ޖަމިއްޔާއެވެ.
ނަރުހުންގެ ސްކޮލަޝިޕްގެ އިތުރު މައުލޫމާތު ހޯދުމަށް 7547887 އަށް ގުޅުއްވަން އެދެއެވެ. ރާއްޖޭގެ ނަރުހުންގެ ޖަމިއްޔާއިން ފާހަނގަ ކުރާ ގޮތުގައި މިއީ ނަރުހުންގެ ޖަމިއްޔާގެ އިރުޝާދުގެ މަތިން ނަރުސްކަން ކިޔަވަން ބޭނުންވާ ފަރާތްތަކަށް ރަނުގެ ފުރުސަތެކެވެ.