03 Mar 2023, 22:05
އެސްޓީއޯ ވީކެންޑް ފިއެސްޓާއަށް ކަސްޓަމަރުންގެ ބޮޑު ތަރުހީބެއް ލިބެމުންދާ ކަމަށް އެ ކުންފުނިން ބުނެފިއެވެ.
އެސްޓީއޯ ވީކެންޑް ފިއެސްޓާއަކީ އެސްޓީއޯ ރަމަޟާން ބާޒާރާ ގުޅުވައި، މިއަދުން ފެށިގެން މިމަހުގެ 18 ވަނަ ދުވަހުގެ ނިޔަލަށް އެސްޓީއޯ ޕީޕަލްސް ޗޮއިސްގައި، ކޮންމެ ހަފުތާ ބަންދެއްގައި ކުރިއަށްގެންދަން ހަމަޖެހިފައިވާ ޚާއްސަ ޕްރޮމޯޝަނެކެވެ.
އެ ޕްރޮމޯޝަން ކުރިއަށްދާއިރު، އެސްޓީއޯ ޕީޕަލްސް ޗޮއިސްއިން ވިއްކާ ހޯމް އެޕަލައަންސް ގަންނަން ހޭދަކުރާ ކޮންމެ 1000 ރުފިޔާއަކާއެކު އިނާމެއް ލިބުމުގެ ފުރުސަތު އޮންނާނެއެވެ.
އެސްޓީއޯ ވީކެންޑް ފިއެސްޓާގައި ބައެއް ކާބޯތަކެތީގެ ރަހަ ބަލާލުމުގެ ފުރުސަތު ލިބޭނެ -- ފޮޓޯ/ އެސްޓީއޯ
ހަމައެއާއެކު، ވީކެންޑް ފިއެސްޓާގައި ޚާއްސަ ޑިސްކައުންޓްތަކެއް ލިބޭނެއެވެ. އަދި އެސްޓީއޯ ޕީޕަލްސް ޗޮއިސްގައި ރެކް ލީސްކޮށްގެން ވިޔަފާރިކުރާ ފަރާތްތަކަށްވެސް މި ފިއެސްޓާގެ ތެރެއިން ޚާއްސަ ޑިސްކައުންޓެއް ދޭނެ ކަމަށް އެ ކުންފުނިން ބުންޏެވެ.
ވީކެންޑް ފިއެސްޓާގައި ހަވީރު 4:30އިން 6:00އަށް ކުޑަކުދިންނަށް ޚާއްސަ ހަރަކާތްތަކެއް ކުރިއަށްގެންދާނެއެވެ. އަދި ރޭގަނޑު 8:30އިން 10:00އަށް, ބައެއް ކާބޯތަކެތީގެ ރަހަ ބަލާލުމުގެ ފުރުސަތު ހިލޭ ލިބޭނެއެވެ.