03 Mar 2023, 20:31
އައްޑޫ ސިޓީ ހުޅުދޫއަށް ނިސްބަތްވާ މީހަކު މާލެއިން ގެއްލިގެން ހޯދާތާ ތިން މަސް ފަހުން ފެނިއްޖެއެވެ.
މިރޭ ފުލުހުން ބުނީ، އައްޑޫސިޓީ ހުޅުދޫ ސަނީލޮޖް، އުމުރުން 46 އަހަރުގެ ޢަލީ އާރިފް ފެނިފައިވާ ކަމަށާއި އޭނާގެ ހާލު ރަނގަޅު ކަމަށެވެ.
މީގެ ކުރިން ފުލުހުން ބުނީ، އަލީ އާރިފް ވީނުވީއެއް ނޭނގި ގެއްލިފައިވާ ކަމަށް އޭނާގެ އާއިލާއިން ފުލުހުންނަށް ރިޕޯޓްކޮށްފައިވަނީ މިމަހުގެ 16 ވަނަ ދުވަހުގެ ވަގުތެއްގައި ކަމަށެވެ. ގެއްލުނުއިރު، އޭނާ ދިރިއުޅެނީ މާލޭގައި ކަމަށާއި އެންމެ ފަހުން އާއިލާއަށް ޚަބަރުވެފައިވަނީ 2022 ޑިސެމްބަރު މަހުގެ ތެރޭގައިކަމަށް ފުލުހުން ބުންޏެވެ.
އޭނާއަކީ ކަންނެލި މަސްވެރިކަމަށް ގޮސްއުޅޭ މީހެއްކަމަށް އޭނާގެ އާއިލާއިން ފުލުހުންނަށް މަޢުލޫމާތު ދީފައިވެއެވެ.