20 Feb 2023, 10:42
ލ. މާވަށުގެ ދެކުނުން ހަތް މޭލު ބޭރުގައި އޮތް ސަޕްލައި ދޯންޏެއްގައި ރޯވެ، އެ ދޯނީގައި ތިބި ހަތަރު މީހަކު ކަނޑުވެއްޖެއެވެ.
އެމްއެންޑީއެފްއިން ބުނީ އެ ހާދިސާގެ ރިޕޯޓު ލިބުނީ މިއަދު ހެނދުނު 07:15 ހާއިރު ކަމަށެވެ. ނަމަވެސް އެ ސަރަހައްދަށް ސިފައިން ދިޔައިރު، އެ ދޯނި އަޑިއަށް ގޮސްފައިވާ ކަމަށް އެމްއެންޑީއެފުން ބުންޏެވެ.
ސިފައިން ބުނީ އެ ދޯނިން ދަތުރުކުރި ދިވެހި ފަޅުވެރިއަކާއި ބޭރުގެ ތިން ފަޅުވެރިން ފެނުނީ ލ. މާވަށުގެ ދެކުނުން ހަ ނޯޓިކަލް މޭލު ބޭރުން ކަމަށެވެ. އަދި އެ މީހުން ސަލާމަތްކޮށް، އެ މީހުން މިހާރު ލ. ގަމު ހޮސްޕިޓަލަށް ގެންގޮސްފައިވާ ކަމަށް އެމްއެންޑީއެފުން ބުންޏެވެ.
މައުލޫމާތު ލިބޭ ގޮތުގައި އެ ދޯނި ދަތުރުކުރަމުން ދިޔައީ ރ. އަތޮޅުން ގދ. އަތޮޅުގައި އޮންނަ ރޮބިންސަން އައިލެންޑް ރިސޯޓަށެވެ. އެ ދޯނީގައި އަލިފާން ރޯވާން މެދުވެރިވި ސަބަބު އަދި ނޭނގެއެވެ.