Last Updated: 1 decade 4 year ago
ބުލޮގު ޚުލާސާ
ހދ. ކުމުންދޫ އާއި ތ. ގާދިއްފުށީގެ ބައި އިލެކްޝަންތަކުގެ ވޯޓްލުންވެސް މިއަދު ވަނީ ފަށައިފަ އެވެ.
*** ރައްޔިތުންގެ މަޖިލީހުގެ ހުސްވެފައިވާ ކާށިދޫ ދާއިރާ އާއި ތިމަރަފުށި ދާއިރާގެ ބައި އިލެކްޝަންގައި މިއަދު ހެނދުނު 8:00 ޖެހުމާއެކު ވޯޓުލާން ފަށައިފި އެވެ.
ތިމަރަފުށީގައި ތިބި އިލެކްޝަންސް އޮފިޝަލުން ވޯޓް ފޮށިތައް ހިފައިގެން ވޭމަންޑުއަށް ފުރައިފި. ކޮމިޝަނުގެ އޮފިޝަލުން ވިދާޅުވީ ވޭމަންޑޫއަށް ބަދަލުވީ އެއްވެސް މައްސަލައެއް އޮވެގެން ނޫން ކަމަށް. ނަމަވެސް ބައެއް ފަރާތްތަކުން ބުނަނީ ތިމަރަފުށީގައި ހަމަނުޖެހުމެއް ހިނގާފާނެ ކަމުގެ އިޝާރާތެއް ލިބިގެން ފުރީ ކަމަށް. އަދި ތިމަރަފުށީ ފުލުހުން ދަނީ ފޯރިމަރަމުން
ރައްޔިތުންގެ މަޖިލީހުގެ ކާށިދޫ ދާއިރާ އާއި ތިމަރަފުށީ ދާއިރާގެ ހުރިހާ ވޯޓް ފޮއްޓެއް މިހާރު ވަނީ ބަންދުކޮށް ނިމިފައި. މިހާރު ދަނީ ވޯޓް ގުނުމާ ދެމެދު ދޫކުރަންޖެހޭ ބައިގަޑިއިރު. އެވަގުތުކޮޅުގެ ފަހުން ހުރިހާ ވޯޓް ފޮއްޓެއްގެ ވޯޓު ގުނަން ފަށާނެ.
އިލެކްޝަން ކޮމިޝަނުން މެންދުރު ފަހު 15:15 އާ ހަމައަށް އާއްމުކޮށްފައިވާ ވޯޓްލީ މީހުންގެ އަދަދު
ހދ. ކުމުންދޫ 1- 418
ކ.ކާށިދޫ 1- 605
ކ. ކާށިދޫ 2- 465
ކ.ގާފަރު 1- 651
ތ.ގުރައިދޫ 1- 358
ތ.ގުރައިދޫ 2- 394
ތ. ގާދިއްފުށި1- 204
ތ. ތިމަރަފުށި 1- 420
ތ.ތިމަރަފުށި 2- 475
ތ. އަތޮޅު މާލެ 1- 533
ތ.އަތޮޅު މާލެ 2- 608
ހދ އަދި ކ. އަތޮޅު މާލެ 1- 391
ހދ. ކުމުންދޫ 1- 418
ކ.ކާށިދޫ 1- 605
ކ. ކާށިދޫ 2- 465
ކ.ގާފަރު 1- 651
ތ.ގުރައިދޫ 1- 358
ތ.ގުރައިދޫ 2- 394
ތ. ގާދިއްފުށި1- 204
ތ. ތިމަރަފުށި 1- 420
ތ.ތިމަރަފުށި 2- 475
ތ. އަތޮޅު މާލެ 1- 533
ތ.އަތޮޅު މާލެ 2- 608
ހދ އަދި ކ. އަތޮޅު މާލެ 1- 391
ތ. ގާދިއްފުށީ ވޯޓް ފޮށި ބަންދުކޮށްފި
މިއަދު ކުރިއަށްދާ ބައި އިލެކްޝަންގައި ވޯޓް ލުމުގެ ހައްގު ލިބިފައިވާ މީހުންގެ ތެެރެއިން 90 ޕަސެންްޓް މީހުން ވޯޓްލާނެ ކަމަށް އިލެކްޝަންސް ކޮމިޝަނުން ބުނޭ
މިހާރު ކުރިއަށް ދާ އިންތިހާބުތަކުގެ ވަގުތީ ނަތިޖާ މިރޭ 8:00 އާއި 9:00 ދެމެދު އިއުލާން ކުރާނެ ކަމަށް އިލެކްޝަން ކޮމިޝަނުން ބުނެފި. އިލެކްޝަންސް ކޮމިޝަނުގެ ނައިބު ރައީސް އަހުމަދު ފަޔާޒް ހަސަން ވިދާޅުވީ މިހާރު ކުރިއަށްދާ އިންތިހާބުތަކުގެ ވޯޓް ނެގުން ބަންދުވާނީ މިއަދު ހަވީރު 4:00 ޖަހާއިރު ކަމަށާއި ހަވީރު ހަތަރެއްގެ ފަހުން ކިއުޖެހުމުގެ ފުރުސަތު ބަންދުވި ނަމަވެސް އެގަޑީގެ ކުރިން ކިއުގައި ތިބި މީހުންނަށް ވޯޓްލުމުގެ ފުރުސަތު ދެވޭނެ ކަމަށް. އޭނާ ވިދާޅުވީ ވޯޓް ގުނުމުގެ މަސައްކްތަ ފެށޭނީ ބައިގަޑިއިރުގެ ހުސް ވަގުތުކޮޅަކަށް ފަހުގައި ކަމަށާއި އަދި އެދާއިރާގެ ވޯޓް ފޮއްޓެއްގެ ނަތީޖާ އެ މަރުކަޒަކުން ގުނާ ނިންމުމަށް ފަހު ނަތީޖާ އެމަރުކަޒެއްގައި އިއުލާން ކުރުމަށް ފަހު ދާއިރާގެ ވަގުތީ ނަތީޖާ އިއުލާން ކުރާނީ އިލެކްޝަން ކޮމިޝަނުގައި ކަމަށް.
ކާށިދޫ ދާއިރާގެ ވޯޓުލުން ކުރިޔަށްދާއިރު އެދާއިރާގެ ދެ ކެންޑިޑޭޓުން ކަމުގައިވާ ދޮން ބިލަތް އަހުމަދު ހަލީމާއި އަބްދުﷲ ޖާބިރަށް ނިސްބާތްވާ ފަރާތްތަކުން ހިލޭ ލޮލީ ބަހަމުންދާއިރު ލޮލީ ބުއިމުގައި ޖާބިރަށް ތާއިދު ކުރާ މީހުން، ކުލަކުލައިގެ ލޮލީ ބުއިމުގެ ހަރަކާތެއް ރާވަމުން ގެންދާ ކަމަށް ބުނޭ.
މި ހަރަކާތުގައި އެމްޑީޕީއަށް ނިސްބަތްވާ މީހުންނަށް ވެސް ލޮލީ ދޭނެ. ޖާބިރަށް ތާއީދު ކުރާ އިއްތިހާދުގެ ބައިވެރިން މިކަމުގައި އިސްކޮށް މިއުޅެނީ
ރައީސްގެ ތަރުޖަމާނު އައްބާސް އާދިލް ރިޒާ ވިދާޅުވީ ރައީސް ވަހީދު މިއަދު ވިލުފުއްޓަށް ވަޑައިގަތުމުން އެމްޑީޕީއަށް ނިސްބަތްވާ މީހުނާއި ސަރުކާރަށް ތާއީދު ކުރާ މީހުންގެ މެދުގައި "ޝުއޫރު" ތަކެއް ފާޅު ކުރަމުން ދިޔަ ކަމަށާއި އެކަމުގެ ތެރޭގައި ކުރިމަތިލުމެއް ހިނގާފައި ނުވާ ކަމަށް. އަދި މިވަގުތު ރައީސް ހުންނެވީ ވިލުފުށީ ސްކޫލްގައި ބާއްވާ ޖަލްސާއަށް ވަޑައިގެން ކަމަށް.
ރައީސް މުހައްމަދު ވަހީދު ހަސަން މަނިކު މިއަދު ތ. ވިލުފުއްޓަށް ވަޑައިގަތުމުން އެ މަނިކުފާނާ ދެކޮޅަށް އަޑުއުފުލި ބަޔަކާއި އެ މަނިކުފާނުގެ ސަޕޯޓަރުންނާ ދެމެދު ކުރިމަތިލުމެއް ހިނގާފައި.
ތިމަރަފުށީ ދާއިރާގެ ގާދިއްފުށީގައި ބަހައްޓާފައިވާ ވޯތް ފޮއްޓަށް ވޯޓުލާން ރަޖިސްޓްރީކޮށްފައިވާ 232 މީހުންގެ ތެރެއިން 190 މީހުން ވޯޓުލައިފި. މިވަގުތު ވޯޓް ފޮށީގެ ކައިރީގައި އެއްވެސް މީހަކު ނެތް.
ގުރައިދޫގައި ހަމަނުޖެހުމެއް ހިންގި ހާދިސާއާ ގުޅިގެން ފަސް މީހަކު ހައްޔަރުކޮށްގެން ވޭމަންޑޫއަށް ގެން ގޮސްފި. އޭގެ ތެރޭގައި ހިމެނެނީ ތިމަރަފުށީގެ ބަޔަކާއި މާލެއިން ދިޔަ ބައެއް ކަމަށްވޭ. އެމީހުން ވޭމަންޑޫއަށް ގެންދިޔައީ ތިމަރަފުއްޓަށް ނުގެނެސް. ގުރައިދޫގައި ހަމަނުޖެހުން ހިނގީ ތިމަރަފުށިން ގުރައިދު އަށް ބަޔަކު ދިއުމުން އެ މީހުންގެ ގައިގައި ބަޔަކު ވަނީ ތަޅައިގަތުމުން ކަމަށް ބުނެ އެ ހާދިސާގައި ގުރައިދޫ ކައުންސިލްގެ އިދާރާގެ ތެރެއަށް ވަދެ ހަމަނުޖެހުން އުފައްދަން މަސައްކަތްކުރި އަދި އެ އިދާރާގެ ބިއްލޫރިގަނޑެއް ތަޅާލި.
އަމީނިއްޔާ ސްކޫލްގައި ހުރި ފޮއްޓަށް ކާށިދޫ ދާއިރާއަށް 181 މީހުން ވޯޓްލާފައިވާއިރު ހަމައެފޮއްޓަށް ކުމުންދޫ ރަށު ކައުންސިލަށް 59 މީހުން ވޯޓްދީފައިވޭ. އިސްކަންދަރު ސްކޫލްގައި ތިމަރަފުށީ ދާއިރާގެ ދެ ފޮށި ބެހެއްޓީފައިވާއިރު ތިމަރަފުށީ މީހުންނަށް ވޯޓްލުމަށް ހާއްސަކޮށްފައިވާ ފޮއްޓަށް 251 މީހުން މިހާތަނަށް ވޯޓްލާފައިވާއިރު ހަމައެދާއިރާ ހިމެނޭ ގާދިއްފުއްޓާއި ގުރައިދޫ މީހުން ވޯޓްލުމަށް ހާއްސަކޮށްފައިވާ ފޮއްޓަށް 358 މީހުން ވަނީ ވޯޓްލާފަ. ގާދިއްދުށީ ރަށު ކައުންސިލް ވޯޓް ވެސް ލަމުން ގެންދަނީ މިފޮއްޓަށް. އިސްކަންދަރު ސްކޫލްގެ ދޮރުމަތީ ކެންޕެއިންގެ ކޮންމެވެސް ވަރެއްގެ ހަރަކާތްތަކެއް ދެބައިމީހުން ވެސް ކުރިއަށްގެންދާތީ އެސްކޫލްގެ މައިގޭޓް ބަންދުކުރުމަށްފަހު، ވޯޓްލުމަށް އަންނަ މީހުންނަށް މައިގޭޓާއި ޖެހިގެން ހުންނަ ކުޑަ ގޭޓަކުން ވަންނަ ގޮތަށް ވަނީ ހަމަޖައްސާފަ.
ތިމަރަފުށީ ޒުވާނުންގެ މަރުކަޒުގެ ކައިރިއަށް ވޯޓްލުމަށްޓަކައި މިހާރު ވަނީ ވަރަށް ގިނަ ބަޔަކު ޖަމާވެފައި. އެ ސަރަހައްދުގައި ހަމަނުޖެހުމެއް ހިނގަމުން ނުދިޔަ ނަމަވެސް ފުލުހުން ވަނީ އެ ސަރަހައްދުގައި މަގު ބަނދު ކުރާ ކޯނާއި ބްލޮކް އަތުރާފައި. ދެތިން ރަޔަޓް ފުލުހުން ވެސް މަޑުކޮށްލައިގެން އެބަތިބި.
މިއަދު ކުރިއަށްދާ ބައި އިލެކްޝަންތަކާ ގުޅިގެން އިލެޝަންގެ ކޮންޕްލެއިންސް ބިއުރޯއަށް މިހާތަނަށް އެއްވެސް ޝަކުވާ ރަސްމީކޮށް ހުށަހެޅިފައި ނުވާ ކަމަށާއި ނަމަވެސް ދެ މީހަކަށް ވޯޓް ނުލެވުނު މައްސަލައެއް ތިމަރަފުށިން އިލެކްޝަންނަށް ރިޕޯޓްކުރި ކަމަށް އިލެކްޝަނުން ބުނޭ. އަދި އެމައްސަލަ ބެލިއިރު އެދެ މީހުންކުރެ އެކަކަށް ވޯޓްނުލެވުނީ މާލެއަށް ވޯޓްލުމަށް ރަޖިސްޓްރީކޮށްފައިވާ މީހަކު ތިމަރަފުއްޓަށް ވޯޓްލާން އުޅުމުން ކަމަށާއި ދެވަނަ މީހާގެ ނަން ލިސްޓުގައި ނެތީ ވޯޓްލުމުގެ ހައްގުލިބިފައިވާ މީހުންގެ ރަޖިސްޓްރީ އިލެކްޝަނުން އާއްމުކުރިއިރު އޭގައި މައްސަލައެއް އުޅޭކަން އެކޮމިޝަނަށް އެނގުމަށް އެދިފައިވާއިރު އެކަން އަންގާފައި ނެތުމުން ކަމަށްވެސް އެކޮމިޝަނުން ބުނޭ. މީގެއިތުރުން ގުރައިދޫގައި މިއަދު ހެނދުނު ވޯޓްލުން ފެށިގެން ކުރިއަށްދިޔަ އިރު އުމުރުން ދުވަސްވީ މީހަކު ވޯޓްލާން ދިއުމަށް އެހީތެރިއަކު ގެންދަން އުޅުމުން އެމައްސަލަ ދިމާވި ކަމަށް އިލެކްޝަނުން ބުނި. އަދި އެހީތެރިއަކު ގެންދެވޭނީ އަމިއްލައަށް ފާހަގަނުޖެހޭ ވަރަށް ބަލިހާލު ހުރި މީހުން ކަމަށް އެކޮމިޝަނުން ބުނުމުން، އެމީހާ އެކަނި ގޮސް ވޯޓްދީފައިވާ ކަމަށް ވެސް ބުނި.
މާލޭގައި ވޯޓްލަމުންދާ ގޮތް ބައްލަވާލެއްވުމަށް އިލެކްޝަންސް ކޮމިޝަންގެ ރައީސް ފުއާދު ތައުފީގާއި އާ ސެކެރްޓަރީ ޖެނެރަލް ވަޑައިގަންނަވައިފި. އެބޭފުޅުން މިވަގުތު ތިއްބެވީ އަމީނިއްޔާ ސްކޫލްގައި ހުރި ވޯޓް ފޮށި ކައިރީގައި
ގާފަރު ސްކޫލްގައި ބަހައްޓާފައިވާ ވޯޓް ފޮއްޓަށް މިހާތަނަށް 215 މީހުން ވަނީ ވޯޓްލާފަ. ކާށިދޫ ދާއިރާގައި އެއްވެސް ކަހަލަ މައްސަލައެއް ދިމައެއް ނުވޭ.
ގުރައިދޫގައި ހިނގި ހަމަނުޖެހުމުގައި މީހަކަށް ގެއްލުމެއް ނުލިބޭ، ތިމަރަފުށިން ގުރައިދޫއަށް ދިޔަ މުސްތޮފާއަށް ތާއީދު ކުރާ މީހުން މިހާރު ތިބީ ފުލުހުންގެ ހިމާޔަތުގައި. އެމީހުން މަސައްކަތް ކުރަނީ އެނބުރި ތިމަރަފުއްޓަށް ދިއުމަށް.
ފުލުހުން ބުނީ ގުރައިދޫ ކައުންސިލް އިދާރާގެ ބިއްލޫރިގަނޑެއް ތަޅައިގެން ދިޔައީ ކައުންސިލް އިދާރާގެ ތެރޭގައި އިލެކްޝަނާ ބެހޭ އިސް ބޭފުޅަކު ހުންނެވުމުން ބަޔަކު އޭނާއާ ބައްދަލު ކުރަން ވަންނަން އުޅުނު ވަގުތު ދުރުގައި ހުރި މީހަކު އެއްލި އެއްޗަކުން ޖެހި ކަމަށް. އެ ހާދިސާ ތަހުގީގު ކުރަމުން ދަނީ އަދި މީހަކު ހައްޔަރެއް ނުކުރޭ. މައްސަލަ ޖެހުނީ ކެންޑިޑޭޓް މުސްތޮފާގެ ސަޕޯޓަރުންތަކެއް ގުރައިދޫއަށް ދިއުމުން ކަމަށް ބުނޭ.
ތިމަރަފުށީ ޒުވާނުންގެ މަރުކަޒު ކައިރިޔަށް މިހާރު ވަނީ ވޯޓްލާން ގިނަ ބަޔަކު ކިޔޫ ހަދާފައި. އެ ސަރަހައްދުގައި ކަމާ ނުބެހޭ ބަޔަކު ތިބުމާ ގުޅިގެން ވޯޓްލާ މީހުންނަށް އުނދަގޫވާތީ ފުލުހުން އެމީހުން އެ ސަރަހައްދުން ފޮނުވާލައިފި.
ހެނދުނާ އަޅާ ބަލާއިރު މިހާރު ތިމަރަފުށީ ދާއިރާގައި ގިނަ އަދަދެއްގެ މީހުން ވޯޓްލާން ނުކުންނަން ފަށައިފި. މުޅި ދާއިރާއިން ގާތްގަނޑަކަށް 600 އެއް މީހުން މިހާރު ވެސް ވަނީ ވޯޓްލާފައި.
ތިމަރަފުށީ ދާއިރާގެ ގުރައިދޫގައި ބަހައްޓާފައިވާ ދެ ވޯޓް ފޮށީގެ ތެރެއިން އެއް ވޯޓް ފޮށީގެ ކައިރިއަށް މުސްކުޅިންނަށް ވޯޓުލުމަޢްޓަކައި އެހީތެރިންނަށް ނުވަދެވޭ ކަމަށް ބުނެ ބަޔަކު މައްސަކަތް ކުރުމުން އެކަން ހުއްޓުވައި މިހާރު ވަނީ މައްސަލަ ހައްލުކޮށްފައި. އެކަމާބެހޭ ޝަކުވާތަކެއްވެސް ވަނީ އިލެކްޝަންސް ކޮމިޝަނަށް ހުށަހަޅާފައި.